Ẹdinam Didie Ẹnyene Emem ke Isọn̄?
Se Bible ọdọhọde
Obio Ubọn̄ Abasi emi edide ukara emi Christ Jesus akarade ke heaven, edida emem edi isọn̄, idịghe owo. Se nte Bible ekpepde nnyịn n̄kpọ emi.
Abasi ayanam “ekọn̄ etre tutu esịm utịt isọn̄,” man osu un̄wọn̄ọ esie ndinam “emem onyụn̄ odu ke isọn̄ ke otu mbon oro enye enyịmede.”—Psalm 46:9; Luke 2:14.
Obio Ubọn̄ Abasi edidu ke heaven akara ofụri isọn̄. (Daniel 7:14) Sia akarade ofụri ererimbot, enye eyetre ufreidụt emi esidade ediwak mfịna edi.
Ẹkot Jesus emi edide Andikara ke Obio Ubọn̄ Abasi “Ọbọn̄ Emem,” ndien enye ayanam ‘emem inyeneke utịt.’—Isaiah 9:6, 7.
Owo idiyakke mbon emi ẹkade iso ẹn̄wana en̄wan ẹdu ke Obio Ubọn̄, koro “[Abasi] asasua owo ekededi eke amade afai.”—Psalm 11:5; Mme N̄ke 2:22.
Abasi ekpep ikọt esie nte ẹkpedide mbon emem. Bible etịn̄ ufọn ukpep emi ete: “Mmọ ẹyeda akan̄kan̄ mmọ ẹdom n̄kpọ ufụn̄isọn̄ ẹnyụn̄ ẹda eduat mmọ ẹdom ikwa udiọn̄ eto. Idụt idimenke akan̄kan̄ itiene idụt, mmọ idinyụn̄ ikpepke aba ekọn̄.”—Isaiah 2:3, 4.
Ediwak miliọn Mme Ntiense Jehovah ke ofuri ererimbot ke ẹyak Abasi ẹkpep mmọ nte ẹkpedide mbon emem idahaemi. (Matthew 5:9) Okposụkedi emi nnyịn itode nsio nsio ebiet inyụn̄ idude ke nsio nsio idụt 230, nnyịn isinyịmeke ndin̄wana ekọn̄.
Mme Ntiense Jehovah ke ẹkpep usụn̄ emem mfịn
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Nso ke Obio Ubọn̄ Abasi Edinam?
Se se ukara Abasi edinamde ke ererimbot.
ESSENTIAL BIBLE TEACHINGS
Nso Idi Obio Ubọn̄ Abasi?
Ini Jesus okodude mi ke isọn̄, enye ama esima ndikwọrọ mban̄a Obio Ubọn̄ Abasi. Mme owo ẹsima ndibọn̄ akam ẹte Obio Ubọn̄ oro edi.
ẸDEMEDE!
“Ediwak Emem Oyodu” ke Obio Ubọn̄ Abasi
Obio Ubọn̄ Abasi ayakara ofụri isọn̄, anam kpukpru owo ẹdu ke emem ẹnyụn̄ ẹdiana kiet.
ABAN̄A NNYỊN
Dọhọ Mmọ Ẹdi Ufọk
Se nte Bible ekemede ndibọrọ mbụme fo, mîdịghe kpep n̄kpọ ban̄a Mme Ntiense Jehovah.