Olee Otú Ị Ga-esi Kwụsị Ịtụ Ụjọ Ọnwụ?
Ihe Baịbụl kwuru
Ịtụ ụjọ ọnwụ abụghị ihe ọjọọ n’ihi na ọnwụ bụ onye iro anyị, anyị anaghịkwa eji ndụ anyị egwu egwu. (1 Ndị Kọrịnt 15:26) Ma, ọ bụrụ na ihe na-abụghị eziokwu ndị mmadụ kweere emee ka mmadụ na-atụ ọnwụ ụjọ na-enweghị isi, ọ ga-eme ka onye ahụ ‘nọrọ n’ohu ná ndụ ya niile.’ (Ndị Hibru 2:15) Ịmata ihe bụ́ eziokwu ga-eme ka ị ghara ịna-atụ ọnwụ ụdị ụjọ a, bụ́ ihe na-eme ka mmadụ ghara ịnụ ụtọ ndụ.—Jọn 8:32.
Ihe bụ́ eziokwu gbasara ọnwụ
Ndị nwụrụ anwụ enweghịzi ihe ha ma. (Abụ Ọma 146:4) Baịbụl ji ọnwụ tụnyere ụra. Ọ bụ ya mere i kwesịghị ịtụwa ụjọ na ị ga na-ata ahụhụ ma ọ bụ gaa n’ebe a ga na-emekpa gị ahụ́ ma ị nwụọ.—Abụ Ọma 13:3; Jọn 11:11-14.
E nweghị ihe ndị nwụrụ anwụ ga-emeli ndị dị ndụ. Ndị iro anyị na-eme ihe ike nwụọ, o nweghịzi ihe ha ga-emeli anyị. (Aịzaya 26:14) Baịbụl sịrị na “ịkpọasị ha na ekworo ha alaworị n’iyi.”—Ekliziastis 9:6.
Ma, ọ pụtaghị na onye ọ bụla nwụrụnụ agaghịzi adị ndụ ọzọ. Chineke ga-akpọlite ndị nwụrụ anwụ n’ọnwụ.—Jọn 5:28, 29; Ọrụ Ndịozi 24:15.
Chineke kwekwara anyị nkwa na oge na-abịa mgbe ‘ọnwụ na-agaghị adị ọzọ.’ (Mkpughe 21:4) Baịbụl kwuru banyere oge ahụ, sị: “Ndị ezi omume ga-enweta ụwa, ha ga-ebikwa n’elu ya ruo mgbe ebighị ebi,” ha agakwaghị na-atụ ụjọ na ha ga-anwụ.—Abụ Ọma 37:29.
Isiokwu A Nwekwara Ike Ịmasị Gị
ESSENTIAL BIBLE TEACHINGS
Gịnị Na-eme Ndị Mmadụ ma Ha Nwụọ?
Baịbụl kwuru na oge na-abịa mgbe a ga-akpọlite ọtụtụ ndị n’ọnwụ otú ahụ a kpọlitere Lazarọs.
ỤLỌ NCHE
Ihe Baịbụl Kwuru Banyere Ndụ na Ọnwụ
Ọ̀ dị ihe na-esi anyị n’ahụ́ pụọ gaa dịrị ndụ ebe ọzọ ma anyị nwụọ? Ànyị nwere mkpụrụ obi na-anaghị anwụ anwụ? Èbee ka ndị nwụrụ anwụ nọ?
TETA!
Ihe Ị Ga-eme ma Nwa Gị Jụọ Gị Ajụjụ Gbasara Ọnwụ
Gụọ gbasara ihe anọ ga-enyere gị aka ịza ajụjụ ụmụ gị nwere ike ịjụ gị gbasara onye unu nwụrụ anwụ nakwa ihe ga-enyere ha aka idi ọnwụ ya.
AJỤJỤ NDỊ BAỊBỤL ZARA
Gịnị Bụ Mbilite n’Ọnwụ?
O nwere ike ịtụ gị n’anya ma ị nụ ndị a ga-akpọlite n’ọnwụ n’ọdịnihu.