Job 37:1-24
37 “Obi kụwara m kpum kpum,Obi mapụkwara m.
2 Geenụ ntị nke ọma ka unu nụ mkpọtụ olu ya na-emeNa ụda si n’ọnụ ya apụta nke na-ada ka égbè eluigwe.
3 Ọ na-eme ka a nụ ya n’okpuru eluigwe niile,Na-emekwa ka àmụ̀mà ya+ gbuo n’ebe niile n’ụwa.
4 O gbuchaa, a na-anụ oké ụda.
Olu ya na-ada ụda ka égbè eluigwe,+Ọ naghịkwa ejichi àmụ̀mà mgbe olu ya na-ada ụda.
5 Otú olu Chineke si ada ụda+ dị ebube.
Ọ na-eme nnukwu ihe ndị anyị na-enweghị ike ịghọta.+
6 N’ihi na ọ na-asị snoo, ‘Daa n’ụwa,’+Ọ na-asịkwa nnukwu mmiri ozuzo, ‘Zosie ike.’+
7 Chineke na-akwụsị ọrụ niile mmadụ na-arụ,Ka mmadụ efu ọ bụla wee mata ọrụ ya.
8 Anụ ọhịa na-abanye n’ebe ha bi,Ha anaghịkwa apụta n’ebe ha na-ezo.
9 Ifufe mmiri na-esi n’ụlọ ya fere pụta,+Oyi na-esikwa n’ifufe si n’ebe ugwu abịa.+
10 Ume Chineke kupụrụ na-eme ka mmiri kpụkọọ,+Meekwa ka mmiri niile kpụkọta ọnụ.+
11 N’eziokwu, ọ na-eme ka mmiri na-anyịgbu urukpuru.
Ọ na-eme ka àmụ̀mà ya+ gbuo n’ebe niile n’ígwé ojii.
12 Ha na-aga okirikiri n’ebe ọ na-agwa ha ka ha gaa.
Ha na-eme ihe ọ bụla o nyere iwu+ ka ha mee n’ụwa.
13 Ọ na-eji urukpuru eweta ahụhụ,+ jiri ya na-eme ka mmiri zoo n’ala,Ma ọ bụ jiri ya gosi ịhụnanya ya.+
14 Job, gee ntị n’ihe a.
Cheregodị ka i chee echiche nke ọma banyere ọrụ ndị dị ebube Chineke na-arụ.+
15 Ị̀ ma otú Chineke si achị ígwé ojii,*Nakwa otú o si eme ka àmụ̀mà gbuo n’ígwé ojii ya?
16 Ị̀ ma otú ígwé ojii si erugharị?+
Ihe ndị a bụ ọrụ ndị dị ebube Onye ma ihe niile na-arụ.+
17 Gịnị mere uwe gị ji ekporo ọkụMgbe ụwa dara jụụ n’ihi ifufe si n’ebe ndịda na-abịa?+
18 Ì nwere ike iso ya gbasaa mbara igwe,+Ya esie ike ka enyo e ji ọla kọpa* mee?
19 Gwa anyị ihe anyị ga-agwa ya.
Anyị enweghị ike ịsa ya ihe ọ bụla n’ihi na anyị nọ n’ọchịchịrị.
20 M̀ kwesịrị ịgwa Chineke na m chọrọ ịgwa ya okwu?
Ka è nweela onye kwuru ihe e kwesịrị ịgwa ya?+
21 Ha enweghịdị ike ịhụ ìhè,*N’agbanyeghị na ọ na-achasi ike na mbara igwe,Ruo mgbe ifufe fere wee mee ka mbara igwe gbachapụ.
22 Ìhè nke na-enwu ka ọlaedo na-esi n’ebe ugwu abịa.
Ebube Chineke+ dị egwu.
23 Anyị enweghị ike ịghọta ihe niile banyere Onye Pụrụ Ime Ihe Niile.+
Ike ya dị ukwuu,+E nweghịkwa mgbe ọ na-anaghị ekpe ikpe ziri ezi+ ma ọ bụ mgbe ọ na-anaghị eme ihe dị mma.+
24 Ọ bụ ya mere ndị mmadụ ji kwesị ịtụ egwu ya.+
N’ihi na ọ naghị enwe mmasị n’ebe ndị chere na ha ma ihe nọ.”+
Ihe E Dere n'Ala Ala Peeji
^ Ma ọ bụ “si enye ígwé ojii iwu.”
^ Ma ọ bụ “enyo e ji ígwè kpụọ.” Ọ bụ ígwè, ọla nchara ma ọ bụ ọla kọpa ka e ji eme enyo n’oge ochie. E mechakwara na-eji gbamgbam, ọlaọcha, nakwa ọlaedo eme ya.
^ Ya bụ, anyanwụ.
