“Priich Di Gud Nyuuz”!
Jeuova Witnis Kanvenshan Fi 2024
Yu no afi pie no moni fi kom iin • Wi no tek op no kalekshan
Luk Out Fi Dem Ting Ya
Fraide: Luk pan som tingz we mek wi nuo se wa di Baibl se bout Jiizas laif a so it did go fi chuu. Fain out ou dem Baibl tuori ya bout Jiizas kyan elp wi nowadiez.
Satde: Wa di Baibl did se wuda apm wen Jiizas baan an wen im likl an a gruo? Dem sitn de did apm fi chuu?
Sonde: Iivn duo tingz iina di worl a get wos an wosara, yu av uol iip a piipl we no fret an wori wori op demself wen dem ier di bad tingz we a gwaan. Iina di Baibl taak we niem “Wen Wi Ier Bad Nyuuz It No Mek Wi Friedi-Friedi,” yu a-go fain out wa mek.
Di Muuvi Fi Da Kanvenshan Ya
Di Gud Nyuuz Bout Jiizas Laif: Paat 1
Di Wan We Lait Op Di Worl
Di mirikl we did gwaan wen Jiizas did baan a jos wan a di big ting dem we did apm iina im laif wen im likl. Wan king did a ont im dong fi kil im, an im mada an faada did afi ron we wid im ga’a Iijip. Wen im get likl biga, di sitn dem we im did a se did shak nof a di big tiicha dem. Yu a-go get fi si som a di sitn dem we did apm tu im iina da muuvi ya. Yu a-go get fi wach di fos paat pan Fraide an di sekan paat pan Satde.
Wach dem vidiyo ya we a tel yu bout di kanvenshan fi da ier ya
Wa Gwaan A Wi Kanvenshan Dem?
Fain out wa gwaan a di Jeuova Witnis kanvenshan dem.
Jeuova Witnis Kanvenshan Fi 2024: “Priich Di Gud Nyuuz”!
Luk pan wa yu a-go lorn da ier ya wen yu ga’a kanvenshan.
Di Muuvi Fi Da Kanvenshan Ya: Di Gud Nyuuz Bout Jiizas Laif: Paat 1
Uol iip a piipl nuo bout wa did gwaan wen Jiizas baan. Bot wa did gwaan bifuo dat an afta dat?