WAN BAIBL STODI WE SUMADI A-GO ELP YU FI DU
Yu Kyan Bi Api Nou An Fi Eva!
Wen yu du da Baibl stodi ya, yu a-go get di ansa fi nof kwestiyan laik dem ya:
Wa a-go mek mi riili api iina mi laif?
Wan taim a-go kom wen wikidnis a-go don we wid an piipl tap sofa?
Mi piipl dem we mi lov we ded, mi a-go kyan eva si dem agen?
Gad riili kier bout wa a gwaan wid mi?
Ou mi kyan prie an nuo fi shuor se Gad a lisn tu mi prieya dem?
It Frii
Yu no afi pie no moni fi du di stodi. Yu wi get di buk we niem Yu Kyan Bi Api Nou An Fi Eva! an yu wi aal get wan Baibl tu ef yu no av non.
Yu Kyan Pik Wen An Wich Paat Yu Du Di Stodi
Di sumadi we stodi wid yu kyan dwi’it fies tu fies ar dem kyan yuuz fuon ar kaal yu pan vidiyo an dem ting de. Yu get fi pik wen yu waahn fi dwi’it an wich paat yu waahn fi dwi’it tu.
Nobadi Naa Go Av No Big Tik Uova Yu
Ef yu riili waahn fi tap, yu kyan tap an nobadi naa go fuos yu fi dwi’it.
A ou wi du da Baibl stodi ya?
Sumadi gweehn elp yu fi get fi nuo wa di Baibl se an unu a-go taak bout di difrant difrant ting dem likl likl. Di wie ou di buk we niem Yu Kyan Bi Api Nou An Fi Eva! set op, it gweehn elp yu fi get fi nuo wa di Baibl riili a se an wa dat kyan du fi yu. Ef yu waahn nuo muor, yu kyan wach da vidiyo ya ar yu kyan luk pan som kwestiyan we piipl aalwiez a aks bout di Baibl stodi.
