Chikumbuludzo Che Lufu Gwa Jesu
Saturday, April 12, 2025
Ka ngompela mu gole, Bafakazi ba Jehova ba no kitika chikumbuludzo che lufu gwa Jesu koga se kwa a ka ba pa ndaulo eti: “Itani ikoko, kundikumbula.”—Luka 22:19.
To ku koka ku shanganila naswi ku kumbula lufu gwa Jesu.
Buzo Zwi no Buzwiwa Kanjinji
Ndongoloso i no tola nako ingapani?
I nowo tola chibaka chi ngabe awara.
Nshingo iwoyo u nowo batigwa ngayi?
Bona Bafakazi ba Jehova be ndawo ya u no gala mu ili.
A ko ruegwa?
Aa.
A ko dusiwa koleke?
Aa.
Ku na zila ya ku no mbagwa nayo?
Nenguba ku sina zila ya ka bigwa ye ku mbala, Bafakazi ba Jehova ba no gwisa ku tobela cha ba no kumbuludziwa ne Baibili kuti ba mbale zwibuyanana ne zila ya ka fanila. (1 Timoti 2:9) Ha ku to sheteka kuti zwiambalo zwizo zwibe zwili zwi no tura kene maphatshiphatshi.
Kowo be ku shingikalani ku Chikumbuludzo?
Nshingo iwoyo u no tangisa ne ku mbiwa kwe lumbo, u bo u pelela ne ku mbiwa kwe lumbo, kakale nngwe we Bafakazi ba Jehova u nowo tembezela. Ndebo ya ka teiwa mu Baibili i nowo ti kumbuludza buthokwa gwe lufu gwa Jesu kose ne kuti ti nga batshiwa chini ne cha ta ka thamigwa ne Ndzimu na Jesu.
Ku ziba kwa ka paphidzika, bona nsholo u noti: “Ini Bafakazi ba Jehova be Bata Chilayilo Cha Tetshi ne Zila i Singa Fanane ne i no Thamiwa ne Madumili Angwe?”
Zwikumbuludzo zwingwe zowo kitikiwa lini mu makole a no zha?
2025: Saturday, April 12
2026: Thursday, April 2
Kakale u Nga Shathila ku Bona
CHIKUMBULUDZO
Kumbula Lufu Gwa Jesu
To mu koka ku shanganila naswi ha ti kumbula lufu gwa Jesu se kwa a ka layila. Zwidiye se kwa lufu gwa Jesu gu nga ku batsha.
ZWIDIYO ZWE BAIBILI ZWI NO SHETEKA
Ini Jeso a Ka Fa?
Pangwe wa ka hwa kuyi wa ka fila zwibi zwedu. Ngono a chibayilo chingompela, dumbu chi nga batsha dzimiliyoni dze bathu?