Txeu algen ta trabadja duru tudu dia sô pa es pode ten kes kuza ki es meste. Infilismenti, prublémas na mundu pode poi kel-li ta fika más difísil. Pamodi?

• Óras ki ta kontise prublémas na un lugar, kuzas sima kumida i lugar pa mora ta fika más karu.

• Un krizi pode poi pesoas ta perde ses trabadju ô es pode fika ta ganha más poku.

• Dizastris pode distrui nogósiu di pesoas, kazas ô otus kuza ki es ten. I kel-li pode pô-s ta fika póbri.

• Si bu uza bu dinheru dretu, bu ta sta más priparadu pa nfrenta un krizi.

• Lenbra ma dinheru ki bu ta ganha ô dinheru ki bu ten guardadu i kes kuza ki bu ten pode perde ses valor.

• Ten kuzas ki dinheru ka ta pode kunpra, sima filisidadi i un família unidu.

Bíblia ta fla: ‘Si nu tene algun kuza di kume i pa bisti, nu ta fika kontenti ku kes kuza.’ — 1 Timóteo 6:8.

‘Fika kontenti ku kes kuza’, krê fla ma nu ka ta kóre tras di tudu kuza ki nu krê i ma nu ta konforta ku kes kuza ki nu meste pa kada dia. I kel-li é más inportanti inda óras ki nu sta ku poku dinheru.

Pa bu sta kontenti, talvês bu meste muda bu stilu di vida. Si sénpri bu ta tenta kunpra kuzas ki bu ka ta pode paga, bu ta ten más prubléma.