Un mundu xeiu di prubléma — Modi ki nu ta lida ku el?
Bu ta atxa ma kes prubléma ki sta kontise na mundu, nunka ka afetaba bo txeu sima gósi? Na undi bu ta mora sta ta kontise algun di kes kuza li?
géra
duénsas ki ta spadja
dizastris na naturéza
pobréza
prekonseitu
krimis violéntu
Óras ki ta kontise un disgrasa, txeu algen ta fika paralizadu i dizusperadu. Alguns ta fika paralizadu di tal manera ki es ka ta konsigi xinti ninhun tipu di sentimentu. Má, fika paralizadu ô dizusperadu duránti txeu ténpu sô ta piora kuzas.
Óras ki ta kontise un disgrasa, é inportanti faze tudu kel ki bu pode pa proteje kes algen ki bu ta ama, bu saúdi, bu sustentu i bu filisidadi.
Kuzê ki bu pode faze gósi, pa lida di midjór manera ku kes prubléma di es mundu ki sta afeta-u?
