Guuti qanoq ateqarpa? Guuti nam­mineq ima oqar­poq: “Uanga tas­sa Jahve, tas­sa atera!” (Esaja 42:8) Guutip aq­qa Jahve, imaluun­niit Jehova, Biibilip al­las­simaq­qaarfiini 7.000-t mis­saan­ni al­las­simavoq. Biibilimil­li nutsik­kani amerlasuuni atia naleq­qutin­ngitsumik taaguum­mik, soorlu ‘Naalak­kamik’, taarser­neqar­tar­poq. Guutip ikin­ngutigilerusuk­kamisit atiminik ‘torlorfigin­neq­qul­lutit’ kajumis­saar­paatit. – Tus­siaat 105:1.

Jehovap taaguutai. Biibilimi Jehova ‘Guutitut’, ‘Ajugaqan­ngitsutut’, ‘Pin­ngor­titsisutut’, ‘Ataatatut’, ‘Naalak­katut’ aam­ma ‘Qutsin­ner­paasutut’ taaneqar­poq. Biibilimi qin­nutini al­lan­neqarsimasuni amerlasuuni Jehova taaguutaagut ataq­qin­nit­tumik saaf­figineqar­tar­poq. – Danieli 9:4.

 Guutip qanoq ittuunera. Guuti anersaajuvoq takus­saan­ngitsoq. (Johan­nesi 4:24) Biibilimi al­las­simavoq ‘kial­luun­niit Guuti takusiman­ngisaan­naraa’. (Johan­nesi 1:18) Biibilimi taas­suma misigis­susii al­laatigineqar­put. Inuit Guutimik aliasutsitsisin­naap­put, imaluun­niit ‘uum­mataanik nuan­naar­titsisin­naap­put’. – Us­satit 27:11; Tus­siaat 78:40, 41.

Guutip pissusii nuannersut. Guuti inuiaqatigiin­nut tamanut kinaas­susersior­tuun­ngilaq. (Apustilit Suliaat 10:34, 35) Aam­ma Guutiuvoq “nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq”. (2 Mosesi 34:6, 7) Pingaar­tumil­li Guutip pis­susii sisamat nuan­nersuup­put.

Pissaaneq. ‘Guuti Ajugaqan­ngitsuugami’ neriorsuutini eq­qor­tin­niarlugu qanorluun­niit ilior­nis­saminut kil­leqan­ngitsumik pis­saaneqar­poq. – 1 Mosesi 17:1.

Ilisimassuseq. Guuti tamanit ilisimas­suseqar­ner­paavoq. Taman­na pis­sutigalugu Biibilimi ‘ilisimasutuaasutut’ taaneqar­poq. – Romamiut 16:27.

Naapertuilluarneq. Guuti tamatigut eq­qor­tumik ilior­tar­poq. Suliai “naam­mal­luin­nar­tuup­put”, aam­ma “naaper­tuil­luar­tuuvoq”. – 5 Mosesi 32:4.

Asanninneq. Biibilimi al­las­simavoq ‘Guuti tas­saasoq asan­nin­neq’. (1 Johan­nesi 4:8) Guutip asan­nin­neq ersersiin­nar­tar­nagu pis­suserivaa pingaar­ner­paaq. Asan­ningaar­nera iliuusiinut tamanut sun­niuteqar­tar­poq, taman­nalu amerlasoor­pas­suar­tigut iluaqutigisar­par­put.

Guutip inunnik ikinnguteqartarnera. Guuti Ataatagaar­put asan­nit­toq qilam­miusoq. (Mat­thæusi 6:9) Up­perigutsigu ikin­ngutigilersin­naavar­put. (Jaaku 2:23) Aap, Guutip im­minut qinunik­kut qanil­leq­quaatit kajumis­saarlutil­lu ‘isumakuluutitit tamaasa taas­sumun­nga piseq­qul­lugit isumas­sormatit’. – 1 Petrusi 5:7; Jaaku 4:8.

Jiisusi Guutiunngilaq. Jiisusi as­seqan­ngilaq – kisiar­taal­luni Guutimit toq­qaan­nar­tumik pin­ngor­tin­neqar­poq. Taamaat­tumik Biibilimi Guutip er­neranik taaneqar­poq. (Johan­nesi 1:14) Jehovap er­nini angajul­liliani Jiisusi pin­ngor­tereerlugu suut kik­kul­lu tamaasa pin­ngor­tin­niarlugit ‘sulior­tutut’ (tastamantitoĸaĸ 1961-imi naqitigaq) ator­paa. – Us­satit 8:30, 31; Kolos­semiut 1:15, 16.

 Jiisusi Kristusi Guutiuneranngisaannarpoq. Paarlat­tuanik ima nas­suiaavoq: ‘Taas­suman­nga [Guutimit] pisuuvunga, taas­sumalu aal­lar­titaraanga.’ (Johan­nesi 7:29) Jiisusip ajoqersuk­kami ilaan­nik oqaloqateqar­nermini Jehova ‘Ataataminik ilis­silu Ataatas­sin­nik’ aam­ma ‘Guutiminik ilis­silu Guutis­sin­nik’ taavaa. (Johan­nesi 20:17) Jiisusi toqoreersoq Jehovap qilam­mut makitip­paa taler­pim­milu tungaani an­ner­tuumik oqar­tus­saas­susilerlugu. – Mat­thæusi 28:18; Apustilit Suliaat 2:32, 33.

Jiisusip Kristusip Guutimut qanilleqqullutit ikiorsinnaavaatit

Jiisusi Ataataminik ilinniartikkumalluta nunarsuarmukarpoq. Jiisusi pil­lugu Jehova ima oqar­poq: “Tas­sa er­nera asasara, taan­na tusarsiuk!” (Markusi 9:7) Jiisusip Guuti kik­kun­nit tamanit nalun­ngin­ner­paavaa. Ima oqar­poq: “Ataataq kinaasoq Er­nerup Er­nerul­lu taas­sumin­nga saq­qum­miif­figiumasaata kisimik nalun­ngilaat.” – Lukasi 10:22.

Jiisusi Guutitut pissuseqaqqissaarpoq. Jiisusi Ataatamisut pis­suseqarluin­narami ima oqarsin­naavoq: “Uan­nik takun­nit­tup Ataataq takuaa.” (Johan­nesi 14:9) Jiisusip oqaatsimigut iliuutsimigul­lu Ataatami asan­nin­neranik ersersitsisar­nermigut inuit Guutimut qanil­lisit­tar­pai. Ima oqar­poq: “Uanga aq­qutaavunga sal­lusuis­sutaal­lungalu inuus­sutaal­lungalu; uak­kuin­naq Ataatamut pisoqarsin­naavoq.” (Johan­nesi 14:6) Aam­ma ima oqar­poq: “Ilumoor­tumik pal­lorfigin­nit­tut Ataatamik [pal­lorfigin­nis­sap­put] anersaak­kut ilumoor­nik­kul­lu. Ataatarmi taamaat­tunut pal­lorfigeq­quvoq.” (Johan­nesi 4:23) Jehova pil­lugu sal­lusuis­sut paaserusup­piuk? Ilit­tor­piaq it­tunik ujaasivoq!