LUZIA TUSIATTUUVOQ. Meeraagal­larami nap­paam­mik poliomik tunil­latsip­poq. Nap­paat taman­na timip sianiutaanik aseruisar­poq. 16-inik ukioqarluni sulif­fim­mini ningiuminit ima oqarfigitip­poq: “Guutip nukil­laar­nermik pil­lar­paatit anaanan­nut naalan­ngil­lutil­lu ataq­qin­nis­siman­ngin­navit.” Taamani aliasungaar­nini suli eq­qaamavaa.

DAMARISIP QARATSAMIGUT KRÆFTEQARLUNI PAASIGAMIUK ataataata ima oqarfigaa: “Taamatut nap­paateqaler­nerit pis­suteqarsimas­saaq. Ajor­tuliorujus­suarsimas­saatit. Taamaam­mat Guutimit pil­lar­neqar­putit.” Damarisip oqaatsit taak­ku aliasuutigingaar­pai.

Nap­paateqar­neq Guutimit pil­laatisiaasoq ukior­pas­suar­ni up­perineqar­poq. Atuak­kami al­laatigineqar­poq Kristusip nalaani inup­pas­suit up­perigaat nap­paat nap­parsimasup ilaqutaataluun­niit ajor­tulior­neranik pis­suteqar­toq, nap­paal­lu taman­na ajor­tuliamut tamatumun­nga pil­laatisiaasoq. (Manners and Customs of Bible Lands) Atuak­kamilu al­lami al­las­simavoq Kristusip inun­ngor­nerata kingor­na ukiut hundredelik­kuutaat qaangiutereersut inuit ilaasa up­perigaat ajor­tulioramik nap­paalanersuarmik Guutimit pil­lar­neqarlutik. (Medieval Medicine and the Plague) Europami inuit mil­lionil­lit 1300-k­kun­ni nap­paalanersuaq toq­qutigim­mas­suk ima aperisoqar­poq: “Guutimuna inuit ajor­tut eq­qar­tuuk­kai?” Imaluun­niit nap­paalanersuaq bakteriamik tunil­latsinermik pis­suteqar­pa, nakorsaatitigut misis­sueq­qis­saar­tar­tut paasisimasaat­tut? Inuit ajor­tuliatik pil­lugit naal­liun­nias­sam­mata ilumut Guutip nap­paam­mik naal­liutsit­tar­pai? *

UNA EQQARSAATIGIUK: Nap­paatit naal­liuutil­lu Guutimit pil­laatisiaap­pata taava sooq er­nerata Jiisusip inuit nap­parsimasut ajorun­naarsit­tar­pai? Taamaap­pat Guutip eq­qar­tuus­sineranik suusupagin­nin­nerus­san­ngila? (Mat­thæusi 4:23, 24) Guutip iliuusiisa akerlianik Jiisusi iliuuseqan­ngisaan­nar­poq. Ima oqar­poq: ‘Tamatigut iluarisaanik ilior­tar­punga’ aam­ma ‘Ataatap inas­sutaa malil­lugu ilior­punga’. – Johan­nesi 8:29; 14:31.

Biibilimi ersarip­poq Jehova Guuti ‘naaper­tuil­luar­tuusoq peq­qusersuitsuul­lunilu’. (5 Mosesi 32:4) As­sersuutigalugu, inuk ataaseq tim­misar­tumi ilaasoq pil­lar­niarlugu inup­pas­suit pisuus­suteqan­ngitsut toqus­sutigisaan­nik tim­misar­toq ajunaar­tin­navian­ngilaa. Guuti naaper­tuil­luar­tuusoq pil­lugu Aaperaat oqar­poq ‘iluar­tut piias­san­ngik­kai iluaatsunut ilan­ngul­lugit’. Guuti pil­lugu ima aperivoq: “Nunarsuarmik tamarmik eq­qar­tuus­sisuusoq eq­qor­tulius­san­ngin­ner­pa?” (1 Mosesi 18:23, 25) Biibilimi aam­ma ima al­las­simavoq: “Guuti ajor­tumik iliun­ngisaan­nar­poq, Ajugaqan­ngitsoq peq­quserlut­tumik ilior­neq ajor­poq.” – Jobi 34:10-12.

Naal­liuutivut ajor­tuliaq aalajangersimasoq pil­lugu Guutimit pil­laatisiaan­ngil­lat. Jiisusip taman­na erseq­qis­sar­paa ajoqersuk­kanilu angut inun­nguuseralugu tap­piitsuusoq takugamik­ku. “Ajoqersugaasa aperaat: ‘Rabbi, inuk una tap­piitsuul­luni er­niusimava nam­mineq ajor­tuliorsimagami angajoq­qaaniluun­niit ajor­tuliorsimam­mata?’ Jiisusip akivai: ‘Taan­na taas­sumaluun­niit angajoq­qaavi ajor­tuliun­ngil­lat, Guutil­liuna suliai taas­sumuuna saq­qum­mersin­niar­neqar­tut.’” – Johan­nesi 9:1-3.

Kuk­kusumik isumaqar­toqar­nera nalingin­naam­mat ajoqersuk­kat tupaal­laatigisimas­savaat Jiisusip angut taan­na angajoq­qaaviluun­niit taamatut  ajoquteqalis­sutaasumik ajor­tuliorsiman­ngin­nerarmagit. Jiisusip angut tap­pis­sisiin­nan­ngilaa, aam­mali taamaalior­nermigut naal­liun­nerup Guutimit pil­laatisiaaneranik kuk­kusumik up­perisaqar­neq eq­qun­ngitsuusoq ersersip­paa. (Johan­nesi 9:6, 7) Ul­lumik­kut perulun­nar­tunik peq­qiil­liuteqar­tut naal­liuutimin­nut Guuti pisuun­ngitsoq ilisimagamik­ku taman­na tup­pal­lersaatigisin­naavaat.

Allassimaffiit qularunnaarsitsisut

• ‘Guuti ajor­tumit us­ser­neqarsin­naan­ngilaq, nam­minerlu kimil­luun­niit us­siisan­ngilaq.’ (JAAKU 1:13) Aap, ‘ajor­tut’ inuit ukiuni hundredelik­kuutaani naal­liuutigisimasaat, ilaatigut nap­paatit, an­niaatit toqulu, qanit­tuk­kut atorun­naas­sap­put.

• Jiisusip Kristusip ‘nap­parsimasut tamaasa ajorun­naarsip­pai’. (MATTHÆUSI 8:16) Guutip er­nerata im­minut or­nigut­tunik tamanik ajorun­naarsitsinermigut ersersip­paa Guutip naalagaaf­fia silarsuaq tamak­kerlugu aqutsileruni sunik naam­mas­sisaqarumaar­toq.

• ‘Guutip qul­liit tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata.’ – SAQQUMMERSITAT 21:3-5.

Soormiuna inuit taama an­niaateqar­tigalutil­lu naal­liuuteqar­tigip­pat? Apeq­qut taman­na inuit ukior­pas­suar­ni eq­qarsaatigisarsimavaat. Guuti pisuun­ngip­pat kia tamak­ku akisus­saaf­figai? Apeq­qutit taak­kua akis­sutaat al­laaserisami tul­liut­tumi sam­mineqar­put.