တၢးထီခိးတၢ်—လံာ်လၢတၢ်မၤလိအဂီၢ် လါယူၤ ၂၀၁၉
တၢ်ဂ့ၢ်လၢ လံာ်အံၤအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါအီကူး ၅–လါစဲးပတ့ဘၢၣ် ၁, ၂၀၁၉
“ဒ်သိးပှၤသုတအိၣ်ဝဲတဂၤဂၤလၢ အကစိာ်ကွံာ်သုသး” တဂ့ၤအဂီၢ် “ပလီၢ်သုသး” တက့ၢ်
မုၣ်ကီၤလံၢ်မ့ၢ် ပှၤအဖၠဲးတဂၤ လၢအလီအီၣ် ပှၤဟီၣ်ခိၣ်ဖိလီၤ. ဒ်သိးပသုတအဲၣ် ယဟိဝၤယွၤလၢၤတဂ့ၤအဂီၢ် မုၣ်ကီၤလံၢ် ဂုာ်ကျဲးစၢး ကွဲန့ၢ်လွဲန့ၢ်ပှၤဒ်လဲၣ်.
မၤလီၤမၢ်ကွံာ် တၢ်ဆိကမိၣ်လၢ အထီဒါလိာ်အသးဒီး ကစၢ်ယွၤ အတၢ်သိၣ်လိ
ပတၢ်အိၣ်မူလၢအပူၤကွံာ်, ပတၢ်ဆဲးတၢ်လၤ ဒီးပတၢ်ကူၣ်ဘၣ်ကူၣ်သ့တဖၣ်န့ၣ် လုၣ်ဘၢပှၤဒ်သိး ပကအိၣ်ဒီးတၢ်ဆိကမိၣ် လၢအဂ့ၤ မ့တမ့ၢ် လၢအအၢသ့လီၤ. ပထုးထီၣ်ကွံာ် တၢ်လၢအဂံၢ်စဲၤလီၤလၢပသးပူၤ လၢအလီၤဂာ်ဒီး ‘တိာ်အဒိၣ်အထီတဖၣ်’ ကသ့ဒ်လဲၣ်.
ဒ်သိးနလဲၤခီဖျိ တၢ်သူၣ်ကိၢ်သးဂီၤကန့ၢ်အဂီၢ် သန့ၤနသးလၢယဟိဝၤယွၤ
ပမ့ၢ်အိၣ်ဒီး တၢ်သူၣ်ကိၢ်သးဂီၤအါတလၢ မ့တမ့ၢ် ပမ့ၢ်အိၣ်ဒီး တၢ်သူၣ်ကိၢ်သးဂီၤ ယံာ်ယံာ်ထၢထၢန့ၣ် မၤဘၣ်ဒိပနီၢ်ခိ ဒီးပသးသ့ဝဲလီၤ. ပမ့ၢ်ဆိကမိၣ်ထံဘၣ်ဃးဒီး ယဟိဝၤယွၤမၤစၢၤ အခ့အပှၤလၢညါ လၢအအိၣ်ဒီး တၢ်သူၣ်ကိၢ်သးဂီၤတဖၣ်ဒ်လဲၣ်န့ၣ် ပကမၤလိန့ၢ်ဘၣ်တၢ် အါမးလီၤ.
မၤစၢၤပှၤဂၤ ဒ်သိးအဝဲသ့ၣ် လဲၤခီဖျိ တၢ်သူၣ်ကိၢ်သးဂီၤတဖၣ် ကန့ၢ်အဂီၢ်
စီၤလိာ်, စီၤယိၤဘး ဒီးနီၢ်နၤဧမံန့ၣ် မ့ၢ်ပှၤလၢ အတီဒီးယဟိဝၤယွၤ သနာ်က့ အဝဲသ့ၣ်ထံၣ်ဘၣ်ဒီး တၢ်အိၣ်သးလၢ အကီအခဲတဖၣ်လီၤ. ပမၤလိန့ၢ်တၢ်မနုၤလၢ အဝဲသ့ၣ် အတၢ်လဲၤခီဖျိလဲၣ်.
ဒီသဒၢလီၤနသးလၢ မုၣ်ကီၤလံၢ် အပျံၤသကွီၤ
ကစၢ်ယွၤအခ့အပှၤအါဂၤ လီၤဘၣ်လၢ တၢ်ဂီၤဘ့ၣ်ဆ့ အပျံၤသကွီၤပူၤလီၤ. ပဟးဆှဲး တၢ်မၤလၢအတကဆှီဘၣ် တခါအံၤ ကသ့ဒ်လဲၣ်.
တၢ် “အိးထီၣ်ကွၢ်” လံာ်ထူလၢပျၢၤတထူ
ဖဲ ၁၉၇၀ န့ၣ်ပှၤဃုသ့ၣ်ညါတၢ်ဖိတဖၣ် ထံၣ်န့ၢ်ဝဲ လံာ်ထူတထူ လၢမ့ၣ်အူအီၣ်ဃာ်အီၤ လၢကီၢ်အံၣ်စရ့. ပှၤ “အိးထီၣ်ကွၢ်” အီၤလၢ 3-D စဲးဖီကဟၣ် အကျိၤအကျဲန့ၢ်ဝဲအဃိ မ့ၢ်တၢ်လၢ အလီၤသးခုဒိၣ်မးလီၤ. လၢလံာ်ထူအံၤအပူၤန့ၣ် ပှၤထံၣ်ဘၣ် တၢ်မနုၤတဖၣ်လဲၣ်.