န​က​စံးဆၢ​ဒ်လဲၣ်

• ဒုးအိၣ်​ထီၣ်ဝဲ

• တ​ဒုးအိၣ်​ထီၣ်ဘၣ်

• တဲ​တဘၣ်​ဘၣ်

လံာ်စီဆှံ​တဲဝဲ​ဒ်လဲၣ်

“မ်​တၢ်​တတီ​တလိၤ​အိၣ်ယံၤ​ဒီး​ယွၤ​တက့ၢ်, ဒီး​မ်​တၢ်အၢ​တၢ်သီ​အိၣ်ယံၤ​ဒီး တၢ်​သ့တၢ်လၢာ်​တက့ၢ်.” (ယိၤဘး ၃၄:၁၀) တၢ်အၢ​တၢ်သီ ဒီး​တၢ်နး​တၢ်ဖှီၣ်​လၢ​ဟီၣ်ခိၣ်​ချၢ​န့ၣ် ကစၢ်​ယွၤ​တ​ဒုးအိၣ်​ထီၣ်ဝဲ​နီတဘျီ​ဘၣ်.

ပ​မၤလိ​အါထီၣ်​တၢ်ဂ့ၢ်​အဂၤ​လၢ လံာ်စီဆှံ​အ​ပူၤ​က​သ့ဒံး​ဧါ

• မုၣ်ကီၤလံၢ်​လၢ​အမ့ၢ် “ဟီၣ်ခိၣ်​အခိၣ်” န့ၣ်​မ့ၢ်​ပှၤလၢ အ​ဒုးအိၣ်​ထီၣ်ဝဲ တၢ်နး​တၢ်ဖှီၣ်​န့ၣ်​လီၤ.—ယိၤဟၣ် ၁၄:၃၀.

• တၢ်အၢ​တၢ်သီ​ဒီး တၢ်နး​တၢ်ဖှီၣ်​ဟဲ​အိၣ်​ထီၣ်ဝဲ ခီဖျိ​ပှၤ​ဟီၣ်ခိၣ်​ဖိ​အ​တၢ်​ဆၢတဲာ်​လၢ အ​ကမၣ်​စ့ၢ်ကီး​လီၤ.—ယၤကိာ် ၁:၁၄, ၁၅.

ပှၤ​တနီၤနီၤ​နာ်ဝဲ​လၢ​ပှၤ​ဟီၣ်ခိၣ်​ဖိ​မ့ၢ်​ဂုာ်ကျဲးစၢး မၤ​ဟါမၢ်ကွံာ်​တၢ်နး​တၢ်ဖှီၣ်​န့ၣ်​က​န့ၢ်ဝဲ​လီၤ. ပှၤအဂၤ​တနီၤ​န့ၣ် ဆိကမိၣ်​ဝဲ​လၢ ဟီၣ်ခိၣ်​အ​တၢ်အိၣ်သး​ကအိၣ်​ဒ်​အလီၢ်​လီၢ်​လီၤ. မ့မ့ၢ်​နၤ​န့ၣ် န​ဆိကမိၣ်​ဒ်လဲၣ်.

လံာ်စီဆှံ​တဲဝဲ​ဒ်လဲၣ်

ကစၢ်​ယွၤ​က​မၤ​ဟါမၢ်ကွံာ် တၢ်နး​တၢ်ဖှီၣ်​လီၤ. “တၢ်သံ​တအိၣ်​လၢၤဘၣ်, ဒီး​တၢ်သူၣ်အုး​သးအုး​တအိၣ်​လၢၤဘၣ်, ဒီး​တၢ်ဟီၣ်​တၢ်ယၢၤ​တအိၣ်​လၢၤဘၣ်, ဒီး​တၢ်​ဘှံးသူၣ်​ဘှံးသး​တအိၣ်​လၢၤဘၣ်.”—လီၣ်ဖျါ ၂၁:၃, ၄.

ပ​မၤလိ​အါထီၣ်​တၢ်ဂ့ၢ်​အဂၤ​လၢ လံာ်စီဆှံ​အ​ပူၤ​က​သ့ဒံး​ဧါ

• ကစၢ်​ယွၤ​က​သူဝဲ​ယ့ၣ်ၡူး ဒ်သိး​က​မၤ​ဟါမၢ်ကွံာ် တၢ်နး​တၢ်ဖှီၣ်​လၢ မုၣ်ကီၤလံၢ်​ဒုးအိၣ်​ထီၣ်ဝဲ​န့ၣ်​လီၤ.—၁ ယိၤဟၣ် ၃:၈.

• ပှၤတီ​ပှၤလိၤ က​အိၣ်မူဘၣ်ဝဲ​မုာ်မုာ်​ခုၣ်ခုၣ်​လၢ ဟီၣ်ခိၣ်​ချၢ လီၤထူ​လီၤယိာ်​လီၤ.—စံးထီၣ်​ပတြၢၤ ၃၇:၉-၁၁, ၂၉.