स्तोत्रं ९६:१-१३
९६ यहोवासाठी एक नवीन गीत गा.+
पृथ्वीवरच्या सर्व लोकांनो, यहोवासाठी गीत गा!+
२ यहोवासाठी गीत गा; त्याच्या नावाची स्तुती करा.
त्याच्याकडून मिळणाऱ्या तारणाबद्दलचा आनंदाचा संदेश दररोज घोषित करा.+
३ सर्व राष्ट्रांना त्याच्या गौरवाबद्दल सांगा,सगळ्या लोकांना त्याच्या अद्भुत कार्यांबद्दल सांगा.+
४ यहोवा महान आहे, तोच सर्वात जास्त स्तुतिपात्र आहे.
इतर सर्व देवांपेक्षा तोच जास्त विस्मयकारक आहे.
५ राष्ट्रांचे सगळे देव निरुपयोगी आहेत,+पण यहोवा तर आकाशाचा निर्माणकर्ता आहे.+
६ वैभव* आणि ऐश्वर्य त्याच्यासमोर आहेत;+त्याच्या पवित्र ठिकाणात सामर्थ्य आणि सौंदर्य आहे.+
७ राष्ट्रा-राष्ट्रांतल्या कुटुंबांनो, यहोवाचा सन्मान करा!
यहोवाचा सन्मान करा, कारण तो गौरवशाली आणि सामर्थ्यशाली आहे!+
८ यहोवाच्या गौरवशाली नावाचा महिमा करा;+भेट घेऊन त्याच्या अंगणांत या.
९ पवित्र वस्त्रं घालून* यहोवाला नमन करा;*पृथ्वीवरच्या सर्व लोकांनो, त्याच्यासमोर थरथर कापा!
१० राष्ट्रांमध्ये ही घोषणा करा: “यहोवा राजा बनला आहे!+
पृथ्वी* कायमची स्थिर करण्यात आली आहे, ती हलवता येणार नाही.*
तो लोकांचा योग्य न्याय करेल.”*+
११ आकाश हर्ष करो, पृथ्वी आनंदित होवो;समुद्र आणि त्यातलं सर्वकाही गर्जना करो;+
१२ कुरणं आणि त्यांतलं सर्वकाही आनंदित होवो.+
जंगलातली सर्व झाडंही जल्लोष करोत.+
१३ ती यहोवासमोर जल्लोष करोत, कारण तो येत आहे,*तो पृथ्वीचा न्याय करायला येत आहे.
तो सबंध पृथ्वीचा नीतिमत्त्वाने+आणि सर्व लोकांचा विश्वासूपणे न्याय करेल.+
तळटीपा
^ किंवा “सन्मान.”
^ किंवा कदाचित, “त्याच्या पवित्रतेच्या वैभवामुळे.”
^ किंवा “उपासना करा.”
^ किंवा “उपजाऊ जमीन.”
^ किंवा “डळमळणार नाही.”
^ किंवा “लोकांची बाजू मांडेल.”
^ किंवा “आला आहे.”