Ɛhɛe. Gyisɛse edwɛkɛ, “menli mɔɔ te kpɔkɛ la ɛngyia [ayileyɛvolɛ] nwo kɛ wuliravolɛma” kile kɛ ye ɛdoavolɛma bahola akpondɛ ayileyɛlɛ. (Mateyu 9:12) Ɔwɔ nuhua kɛ Baebolo ne ɛnle ayileyɛlɛ nwo buluku noko ɔfa adehilelɛ ɔmaa menli mɔɔ kulo kɛ sɔ Nyamenle anye la.

Biza ɛ nwo kpuya ɛhye mɔ

 1. Mete ayileyɛlɛ ne abo ɔ? Baebolo ne tu yɛ folɛ kɛ ‘yɛmmadie debie biala yɛdi’ emomu yɛkpondɛ nɔhalɛ ne mɔɔ wɔ nu la.​—Mrɛlɛbulɛ 14:15.

 2. Membiza dɔketa fofolɛ menea ɔ? Saa wɔ ewule ne le kpole na “folɛdulɛma dɔɔnwo wɔ nwo a” ɔbawie wɔ boɛ.​—Mrɛlɛbulɛ 15:22.

 3. Asoo ayileyɛlɛ ne bamaa meado Nyamenle mɛla mɔɔ se “bɛhwe bɛ nwo bɛvi . . . mogya nwo” la ɔ?​—Gyima ne 15:20.

 4. Asoo bɛdua sunsum nu nyɛleɛ zo a bɛyɛ ayile ne a? Baebolo ne tendɛ tia “sunsum ɛtane nyɛleɛ.” (Galeehyeama 5:19-21, NW) Amaa wɔanwu ye kɛ sunsum nu nyɛleɛ boka ayileyɛlɛ bie anwo la, biza ɛ nwo kpuya ɛhye mɔ:

•   Asoo ahenle mɔɔ yɛ ayile ne la nee sunsum ɛtane di ngitanwo?

•   Asoo ayileyɛlɛ ne maa menyia adwenle kɛ bozonle anzɛɛ ayɛne bie a ɛlɛku me a?

•   Asoo bɛkpa munzule, bɛye ngonyia, bɛfa kiti bɛdi gyima anzɛɛ sunsum evinli nyɛleɛ bie boka ayileyɛlɛ ne anwo ɔ?

 5. Asoo me kpɔkɛdelɛ ɛli me ti ɔ? Baebolo ne tu yɛ folɛ kɛ: “Bɛmaa menli kɔsɔɔti ɛnwu kɛ bɛlɛ ndelebɛbo.” (Felepaema 4:5, NW) Saa ɛda ndelebɛbo ali a ɔbamaa wɔava wɔ adwenle wɔazie ninyɛne mɔɔ hyia “kpalɛ” le kɛ wɔ mekɛ mɔɔ ɛfa wɔazonle Gyihova la azo.​—Felepaema 1:10; Mateyu 5:3.