کیہہ خدا تثلیث اے؟
پاک کلام دا جواب
بوہت سارے مسیحی فرقے ایہہ سکھاندے نیں کہ خدا تثلیث اے۔ پر غور کرو کہ ”اِنسائیکلوپیڈیا بریٹانیکا“ چ ایس بارے لکھیا اے: ”نویں عہدنامے چ نہ تے لفظ تثلیث اے تے نہ ای صاف صاف ایہدے بارے تلیم دِتی گئی اے۔... ایہہ عقیدہ کئی صدیاں دوران ہولی ہولی بنیا تے ایہدے بارے لوکاں دی سوچ فرق فرق رہی۔“
اصل چ خدا بارے بائبل چ کِتے وی ایہہ نئیں دَسیا گیا کہ اوہ تثلیث دا حصہ اے۔ ذرا پاک کلام دِیاں ایہناں ایتاں تے غور کرو:
تُوں ای جدا ناں یہوواہ اے ساری زمین تے بلند تے اُچا ایں۔—زبور 83:18۔
ہمیشاں دی زندگی صرف اوہ لوک پان گے جیہڑے تینوں یعنی اِکو تے سچے خدا نُوں تے یسوع مسیح نُوں چنگی طرحاں جانن گے جنہوں تُوں گھلیا اے۔—یوحنا 17:3 ۔
ساڈے لئی صرف اِکو ای سچا خدا اے۔—1-کُرنتھیوں 8:6۔
بوہت سارے مسیحی فرقے ایہہ کیوں سکھاندے نیں کہ خدا تثلیث اے؟