جی نئیں۔ پاک کلام چوں پتہ چل دا اے کہ سانوں صرف خدا کولوں ای دُعا کرنی چاہی دی اے تے صرف یسوع مسیح دے وسیلے نال کرنی چاہی دی اے۔ یسوع مسیح نے اپنے شاگرداں نُوں آکھیا:‏ تُسی ایس طرحاں دُعا کریا کرو:‏ اَے اسمانی باپ تیرا ناں پاک منیا جائے۔ (‏متی 6:‏9‏)‏ یسوع مسیح نے اپنے پیروکاراں نُوں کہیا کہ اوہ صرف خدا کولوں دُعا کریا کرن نہ کہ مُقدساں کولوں، نہ فرشتیاں کولوں تے نہ ای کسے ہور کولوں۔‏

 یسوع مسیح نے اپنے پیروکاراں نُوں ایہہ وی آکھیا:‏ مَیں راہ تے سچائی تے زندگی آں۔ لوک صرف میرے ای ذریعے باپ کول جا سکدے نیں۔ (‏یوحنا 14:‏6‏)‏ خدا نے صرف یسوع مسیح نُوں مقرر کیتا اے کہ اوہ ساڈے وَلّوں اوہدے حضور درخاستاں کرے۔—‏عبرانیوں 7:‏25‏۔‏

کیہہ مَیں خدا تے مُقدساں دونواں کولوں دُعا کر سکنا واں؟‏

 دس حکماں وچوں اِک حکم چ خدا نے آکھیا:‏ مَیں خداوند تیرا خدا، خدائے غیور آں۔ (‏خروج 20:‏5‏)‏ خدائے غیور ہون دا کیہہ مطلب اے؟ پاک کلام دے ترجمے نوِیں دُنیا دے مطابق ایہدا مطلب اے کہ خدا چاہندا اے کہ اَسی صرف اوہدی عبادت کریئے تے صرف اوہدے کولوں ای دُعا کریئے۔—‏یسعیاہ 48:‏11‏۔‏

 جے اَسی خدا دے علاوہ کسے ہور کولوں ایتھوں تک کہ مُقدساں یاں فرشتیاں کولوں دُعا کرنے آں تے اَسی خدا نُوں ناراض کرنے آں۔ جدوں یوحنا رسول نے اِک فرشتے نُوں سجدہ کرن دی کوشش کیتی تے فرشتے نے اوہنوں اِنج کرن توں روکیا تے آکھیا:‏ خبردار ،اِنج نہ کر۔ صرف خدا دی عبادت کر۔ میں وی تیرے تے تیرے بھراواں وانگوں غلام آں جنہاں نُوں یسوع دے بارے گواہی دین دا کم دِتا گیا اے۔—‏مکاشفہ 19:‏10‏۔‏