Taita Diosca, paita ashtahuan ali rijsichun, paipa amigocuna cachun, paita juyachun y tucui shunguhuan paitalla sirvishpa causachunmi munan (Mateo 22:37, 38; Santiago 4:8). Jesús imata yachachishcata, imata rurashcata yachajushpami, ñucanchicuna imata rurachun Taita Dios munashcata yachajui ushapanchi. Jesusca Taita Diospa voluntad maijan cajta villachishpapash, Taita Diospa voluntadtaca pactachishpami causarca (Juan 7:16, 17). Jesusca paipa causaipi imata ruranata parlashpaca, “jahua cielomandaca na ñuca munaita rurangapaca urai shamurcanichu. Sino ñucata cachamuj Taitapa munaita rurangapami shamurcani” nircami (Juan 6:38).

Ñuca imata rurachun Taita Dios munashcata yachangapaca ¿Taita Dios cayachun, imapash señalta cuchun o shuj muscuipishna ricurichunllu shuyana capani?

 Na. Gentecunahuan parlangapaca Bibliatami Taita Diosca utilizan. ‘Tucui ali ruraicunata rurangapaj alipacha preparadocuna cachunga’ Bibliami ñucanchitaca ayudan (2 Timoteo 3:16, 17). Taita Diosca, ñucanchicuna Bibliata estudiashpa, aliguta pensarishpa ñucanchicuna imata rurachun munashcata yachajuchunmi munan (Romanos 12:1, 2; Efesios 5:17).

¿Taita Diospa voluntadta pactachitaca ushashacha?

 Ari, ushapanguimi. Bibliapica Taita Diosca “ñucapa mandamientocunata pactachinaca na yapa dificilchu can” ninmi (1 Juan 5:3). Shinapash Taita Diosta cazunaca na siemprechu fácil fácil can. Esforzarinami capanchi. Esforzarinaca ñucanchipallatami ali canga. Jesusca “Taita Diospa shimita uyashpa pactachijcunami ashtahuan cushijun” nircami (Lucas 11:28).