Стердэпэ и пророчества пала Христос по Иисусо?

ВОСПРОИЗВЕСТИ

Со ԥэнэнпэ андэ Библия?

Да. Кала о Иисусо жувэлас пэ ԥув, пэр лэстэ исполнились бут пророчества пала Христос, саво трэбуй сас тэ спасый лэ мирос (Даниил 9:25; 1 Иоанна 4:14). Дажэ посли кода, сар во муля и пророчества пала лэстэ инке исполнялись (Псалом 110:1; Деяния 2:34—36).

Со сыкавэл о алав «Христос»?

О еврейско алав маши́ах (мессия) и о ӷреческо алав христо́с, означают «помазаннико». Вижал о алав «Иисус Христос» када «Иисус Мессия», и означает «Иисусо Памазанико».

Андэ библейско время, кала лэ манушэсти дэнас варисави особо власть, лэс помазывали, то есть шонас лэсти вулей по шэро (Левит 8:12; 1 Самуила 16:13). О Дэл стодя лэ Иисусос, кай во тэ авэл Христос, и дя лэсти бари власть (Деяния 2:36). Но о Дэл помазал лэс най лэ вулееса, ай лэ свынтонэ духоса (Матфея 3:16).

Моӷли и пророчества пала Христос тэ исполняца инке пэ варикастэ?

Най. Сар кай о отпечатко по най исин рисунко, саво будэр никастэ нинай, кадя и библейски пророчества сыкавэн кати по Христос. Но андэ Библия ԥэнэнпэ: «Авэна кодэла, ко ԥэнэна, кай вонэ христос или, кай пророкоря, савэ лэна тэ сыкавэн барэ чудеса, кай тэ дилярэн дажэ кодэлэн, кас витидя о Дэл» (Матфея 24:24).

Чачимос кода, кай ԥэнэн, кай о Христос инке на авеля?

Най. Андэ Библия сас запистромэ пророчество, кай о Христос авэла потомко кай о израильско царё Давидо (Псалом 89:3, 4). Но и иудейски записи, па савэ можно сас тэ уӷанэн лэ Давидостири родово линия, на ашэлэпэ, кала и римляноря захутилдэ о Иерусалимо андо 70 бэрш лэ И. Х a. Кодэла времятар нико нэ можэт тэ доԥэнэн, кай во анда лэ Давидоско родо. Но андэ лэ Иисусостирэ деса кадэла записи инке сас. Важ када дажэ лэ Иисусостирэ вороӷоря нэ моӷли тэ ԥэнэн, кай о Иисусо най лэ Давидоско потомко (Матфея 22:41—46).

Скати пророчества пала Христос запистромэ андэ Библия?

Нэвозможно точно тэ ԥэнас скати пророчества пала Христос исин андэ Библия. Дажэ кала дицол, кай варисаво тексто андэ Библия точно пала Христос, исин разни гиндоря пала кода, скати котэ пророчества. Например, андэ Исаия 53:2—7 жал дума пала Христос. Дэко гиндой, кай вся кадэва тексто, када ек пророчество, ай авэр гиндон, кай кажно гиндо андэр лэстэ, када отдельно пророчество.

Дэсавэ пророчества пала Христос, савэ исполнились по Иисусо

Пророчество	Кай запистромэ	Сар исполнилось
Лэ Авраамоско потомко	Бытие 22:17, 18	Матфея 1:1
Лэ Авраамостирэ шавэско лэ Исаакоско потомко	Бытие 17:19	Матфея 1:2
Арақадёла андэ лэ Иудаско родо	Бытие 49:10	Матфея 1:1, 3
Анда лэ Давидостири царско линия	Исаия 9:7	Матфея 1:1
Арақадёла ла щятэ, сави на сас миростэ	Исаия 7:14	Матфея 1:18, 22, 23
Арақадёла андо Вифлеемо	Михей 5:2	Матфея 2:1, 5, 6
Лэс ақарэна Эммануило b	Исаия 7:14	Матфея 1:21—23
Най анда барвалэ и ашунглэ	Исаия 53:2	Луки 2:7
Умарэн бэятонэн посли кода, сар во арақаделя	Иеремия 31:15	Матфея 2:16—18
Виақарэна анда Египто	Осия 11:1	Матфея 2:13—15
Пэр лэстэ ԥэнэна назаретянино c	Исаия 11:1	Матфея 2:23
Англа лэстэ бишалэна кодэлэс, ко росԥэнэна и весть	Малахия 3:1	Матфея 11:7—10
Ашэла Христоса андо 29 бэрш н. э. d	Даниил 9:25	Матфея 3:13—17
О Дэл прижанэн лэс пэстирэ Шавэса	Псалом 2:7	Деяния 13:33, 34
Лэстэ авэла бари любовь каринг лэ Дэвлэско цэр	Псалом 69:9	Иоанна 2:13—17
Авэла тэ росԥэнэн и лащи весть	Исаия 61:1	Луки 4:16—21
Лэстири служэния андэ Галилея авэла, сар баро вудуд	Исаия 9:1, 2	Матфея 4:13—16
Авэла тэ терэл чудеса, сар о Моисеё	Второзаконие 18:15	Деяния 2:22
Сар и о Моисеё авэла тэ пэрэдэл лэ Дэвлэстирэ алава	Второзаконие 18:18, 19	Иоанна 12:49
Бутэн исцэлия	Исаия 53:4	Матфея 8:16, 17
На авэла тэ терэл кадя, кай авэр тэ шон пэр лэстэ сама	Исаия 42:2	Матфея 12:17, 19
Авэла тэ жалуий, кодэлэн касти ԥарэс	Исаия 42:3	Матфея 12:9—20; Марка 6:34
Сыкавэла, со када лэ Дэвлэстири справедливость	Исаия 42:1, 4	Матфея 12:17—20
Мудро советнико	Исаия 9:6, 7	Иоанна 6:68
Авэла тэ росԥэнэн пала лэ Иеговаско алав	Псалом 22:22	Иоанна 17:6
Андэ дума авэла тэ призындярэл примероря	Псалом 78:2	Матфея 13:34, 35
Барэдэр	Даниил 9:25	Матфея 23:10
Бут мануша андэр лэстэ патяна	Исаия 53:1	Иоанна 12:37, 38
Авэла, сар бар, через саво пэрэна	Исаия 8:14, 15	Матфея 21:42—44
И мануша лэстар отԥэндёна	Псалом 118:22, 23	Деяния 4:10, 11
Лэс авэна тэ вэрыцын ни васо	Псалом 69:4	Иоанна 15:24, 25
Сар ашунгло мануш заладэла андо Иерусалимо по ослико	Захария 9:9	Матфея 21:4—9
Лэс авэна тэ хвалин и бэяцэ	Псалом 8:2	Матфея 21:15, 16
Авэла важ лэ Иеговаско алав	Псалом 118:26	Иоанна 12:12, 13
Лэс здэла лэско друӷо	Псалом 41:9	Иоанна 13:18
Здэла важ 30 рупунэ монеты e	Захария 11:12, 13	Матфея 26:14—16; 27:3—10
Лэс ашавэна и друӷоря	Захария 13:7	Матфея 26:31, 56
Против лэстэ дэна дума хохавнэ свидетеля	Псалом 35:11	Матфея 26:59—61
Ашэла мулком англа кодэла, ко пэр лэстэ евья дэна дума	Исаия 53:7	Матфея 27:12—14
Пэр лэстэ авэна тэ шунгардэн	Исаия 50:6	Матфея 26:67; 27:27, 30
Лэс авэна тэ марэн па шэро	Михей 5:1	Марка 15:19
Лэс марэна чукняса	Исаия 50:6	Иоанна 19:1
Кала лэс авэна тэ марэн, во нисо на лэла тэ терэл	Исаия 50:6	Иоанна 18:22, 23
И правителя стидэнапэ против лэстэ	Псалом 2:2	Луки 23:10—12
Лэс примарэна андэ вас и пэрнэ карфянца каринг о столбо	Псалом 22:16	Матфея 27:35; Иоанна 20:25
Важ лэстири ӥда шона жребиё	Псалом 22:18	Иоанна 19:23, 24
Пэр лэстэ ԥэнэна, кай во еқэҭанэ лэ ӷрешниконэнца	Исаия 53:12	Матфея 27:38
Лэстар лэна тэ приасанпэ и тэ ԥэнэн пэр лэстэ найлашэ алава	Псалом 22:7, 8	Матфея 27:39—43
Пострадает пала ӷрешни мануша	Исаия 53:5, 6	1 Петра 2:23—25
Авэла тэ сдэлпэ, кай о Дэл лэс ашадя	Псалом 22:1	Марка 15:34
Лэсти дэна тэ пэл уксусо и варисо кирко	Псалом 69:21	Матфея 27:34
Англа кода сар тэ мэрэл, во камэла тэ пэл паи	Псалом 22:15	Иоанна 19:28, 29
Пэрэдэла пэстири жызня лэ Дэвлэсти	Псалом 31:5	Луки 23:46
Отдэла пэстири жызня	Исаия 53:12	Марка 15:37
Дэла выкупо, кай тэ улэл о ӷрехо	Исаия 53:12	Матфея 20:28
Лэстирэ кокаля на пэрэԥагэна	Псалом 34:20	Иоанна 19:31—33, 36
Лэс пропусавэна	Захария 12:10	Иоанна 19:33—35, 37
Лэс гаравэна лэ барвалэнца	Исаия 53:9	Матфея 27:57—60
Авэла воскрешоно	Псалом 16:10	Деяния 2:29—31
Вместо кодэва, ко лэс придя, стона авэрэс	Псалом 109:8	Деяния 1:15—20
Бэшэла па право вас лэ Дэвлэстар	Псалом 110:1	Деяния 2:34—36

a Андэ инцыклапедия Макклинтока и Стронга ԥэнэнпэ: «Вся доԥэнэн кода, кай и еврейски родословни записи сас уничтожэни, кала розмардэ о Иерусалимо, ай най май раньшэ».

b О еврейско алав Эммануил, саво означает «Амэнца о Дэл», драго сыкавэл лэ Иисусос, сар лэ Христос. Лэстири жызня пэ ԥув и лащи дила важ и мануша, сыкадэ, кай о Дэл сас пэстирэ служытелёнэнца (Луки 2:27—32; 7:12—16).

c О алав «назаретянино», возможно жал лэ еврейсконэ алавэстар не́цер, саво означает «отростко».

d Кай тэ уӷанэс май бут пала библейско время, андэ сави со сас, и сави сыкавэл, кай о Христос авеля андо 29 бэрш н. э., дик статья «Пророчество Даниила о приходе Мессии».

e Кадэя пророчества запистромэ андэ книӷа Захария, но о Матфеё ԥэнэн, кай вой сас запистромэ через пророко Иеремия (Матфея 27:9). Возможно и книӷа Иеремия, андэ Писания, дэкала стонас пэрво андо раздело, по саво ԥэнэн: «Пророки» (Луки 24:44). Важ када, кала о Матфеё ԥэндя «Иеремия», возможно, во гиндояс пала всаворэ лэ пророконэндирэ книӷи, андэ савэ ужалас и и книӷа Захария.

Тути кадяжэ можэт тэ авэл интересно

ПРОШОНПЭ!

Еврейско жувли росԥэндя васо вой парудя пэстири вера

Через савэ доказательства и Ракель Холл патяя, кай о Иисусо, када о Христос, савэс вой кадя аштярэлас?

СО ԤЭНЭНПЭ АНДЭ БИБЛИЯ?