21 GASHYANTARE 2024| YAHUJWE N’IGIHE: 25 WERURWE 2024
U BURUSIYA

AMAKURU MASHYA—MUSHIKI WACU YAHAMIJWE ICYAHA | Yakomejwe n’abavandimwe na bashiki bacu benshi

FUNGURA

Ku itariki ya 22 Werurwe 2024, urukiko rw’akarere ka Tolyatti rwahamije icyaha mushiki wacu Yelena Yurenkova, kandi rumukatira igifungo gisubitse cy’imyaka ibiri. Ntibizaba ngombwa ko ajyanwa muri gereza.

Icyo twamuvugaho

Yelena Yurenkova

Igihe yavukiye: 1970 (Tolyatti, mu gace ka Samara)

Ibimuranga: Yasomye ibitabo bya filozofiya n’ibindi bitabo ashaka ibisubizo by’ibibazo yibazaga ku birebana n’ubuzima ariko ntiyabibona. Yaje kwibonera ko ibyo Bibiliya yigisha ari ukuri, igihe yiganaga Bibiliya n’Abahamya ba Yehova. Yabatijwe mu mwaka 1999

Yashakanye na Yuriy mu mwaka 2000. Bafite abana babiri b’abakobwa

Ibyo yavuze

Kuba abavandimwe na bashiki bacu baragufashije byagize akahe kamaro?

Igihe nahuraga n’umwavoka nahawe na Leta ku nshuro ya mbere, ntiyumvaga impamvu gusoma Bibiliya no gusenga ku giti cyanjye bitabaga bimpagije. Yibazaga impamvu nifuzaga guteranira hamwe n’abavandimwe na bashiki bacu, cyane cyane mu gihe byashoboraga gutuma ntotezwa. Namubajije niba ajya akunda gutembera mu ishyamba. Igitangaje, yambwiye ko ahubwo aba ahantu hakikijwe n’ibiti byinshi, kandi ko akunda ukuntu haba hatuje. Namubwiye ko kuba umuntu ari kumwe n’abavandimwe na bashiki bacu biba bimeze nko kuba hagati y’ibiti byinshi, mbese mu ishyamba ryiza cyane. Ntabwo tumeze nk’ibiti biri ukwabyo kandi bishobora kwibasirwa mu buryo bworoshye. Kimwe n’ibiti biri mu ishyamba turafashanya kandi tugahumurizanya.

Twishimira cyane ukuntu Yehova akomeje gufasha mushiki wacu Yelena n’abandi bose bakomeza kwihanganira ibigeragezo, mu gihe dukorera Yehova “twunze ubumwe.”—Zefaniya 3:9.

Uko ibintu byagiye bikurikirana

Ku itariki ya 15 Gicurasi 2023

Ni bwo yatangiye gukurikiranwa mu nkiko
Ku itariki ya 16 Gicurasi 2023

Urugo rwe rwarasatswe. Bamuhase ibibazo kandi bamubuza kuva mu gace atuyemo
Ku itariki ya 5 Kamena 2023

Yakurikiranyweho ibyaha
Ku itariki ya 23 Kanama 2023

Ni bwo urubanza rwe rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU