Na Boprofeta bo Buang ka Mesia bo Paka Hore Jesu e ne e le Mesia?
Karabo ea Bibele
E, ho joalo. Ha Jesu a ntse a le lefatšeng o ile a phethahatsa boprofeta bo bongata bo buang ka “Mesia Moeta-pele,” le eo e neng e tla ba “Mopholosi oa lefatše.” (Daniele 9:25; 1 Johanne 4:14) Esita le ka mora lefu la hae, Jesu o ile a tsoela pele ho phethahatsa boprofeta bo buang ka Mesia.—Pesaleme ea 110:1; Liketso 2:34-36.
Lentsoe “Mesia” le bolela’ng?
Lentsoe la Seheberu Ma·shiʹach (Mesia) le la Segerike Khri·stos (Kreste) ka bobeli a bolela “Motlotsuoa.” Kahoo, “Jesu Kreste” e bolela “Jesu Motlotsuoa,” kapa “Jesu Mesia.”
Mehleng ea ha ho ne ho ngoloa Bibele, motho o ne a tlotsoa hlooho ka oli ha a ne a khetheloa mosebetsi o itseng oa bolaoli. (Levitike 8:12; 1 Samuele 16:13) Molimo o ile a khetha Jesu hore e be Mesia. Sena se bolela hore o fuoe matla a maholo. (Liketso 2:36) Jesu ha aa ka a tlotsoa ka oli empa Molimo o ile a mo tlotsa ka moea o halalelang.—Matheu 3:16.
Na boprofeta bo buang ka Mesia bo ne bo ka phethahatsoa ke batho ba bangata?
Che. Joalokaha khatiso ea monoana oa motho e mong le e mong e ikhethile, le boprofeta ba Bibele bo buang ka Mesia kapa Kreste, bo phethahetse ho motho a le mong. Empa Bibele e ile ea lemosa hore ho tla hlaha “bo Kreste ba bohata le baprofeta ba bohata ’me ba tla etsa lipontšo le limakatso tse kholo e le hore ba khelose esita le bakhethoa, haeba ho khoneha.”—Matheu 24:24.
Na re ka lebella hore Mesia o ntse a tla tla?
Che. Bibele e ile ea bolela esale pele hore Mesia o ne a tla tsoa lelokong la Morena Davida oa Iseraele. (Pesaleme ea 89:3, 4) Leha ho le joalo, litlaleho tsa maloko tsa Bajuda, tse neng li ka paka hore motho ke setloholo sa Davida, li ile tsa lahleha. E ka ’na eaba sena se etsahetse ha Baroma ba ne ba timetsa Jerusalema ka selemo sa 70. * Ho tloha ka nako eo, ho ne ke ke ha khoneha hore motho a pake hore o tsoa lelokong la borena la Davida. Empa ha Jesu a ntse a le lefatšeng, litlaleho tseo li ne li ntse li le teng ’me lira tsa hae li ne li sitoa ho hanyetsa hore o tsa lelokong la Davida.—Matheu 22:41-46.
Boprofeta bo buang ka Mesia bo hlaha ka makhetlo a makae ka Bibeleng?
Re ke ke ra bolela ka ho toba hore na ho profetiloe ka Mesia ka makhetlo a makae. Ka mohlala, batho ba ka bala boprofeta ka mekhoa e fapaneng, le litemaneng tseo ho hlakileng hore li bua ka Mesia. Lengolong la Esaia 53:2-7, ho buuoe ka lintlha tse ’maloa tse buang ka boprofeta ba Mesia. Batho ba bang ba nka litemana tsena e le boprofeta bo le bong, ha ba bang bona ba ka khetha ho qolla ntlha ka ’ngoe e le boprofeta bo ikemetseng.
Bo bong ba boprofeta bo buang ka Mesia boo Jesu a bo phethahalitseng
Boprofeta |
Bo hlaha ho |
Bo phethahala ho |
|---|---|---|
E ne e tla ba setloholo sa Abrahama |
||
E ne e tla ba setloholo sa Isaka mora oa Abrahama |
||
O ne a tla hlaha lelokong la Juda la Iseraele |
||
O ne a tla hlaha lelokong la borena la Morena Davida |
||
O ne a tla tsoaloa ke moroetsana |
||
O ne a tla hlahela Bethlehema |
||
O ne a tla bitsoa Emanuele * |
||
O ne a tla hlahela lelapeng le futsanehileng |
||
Masea a ne a tla bolaoa ka mor’a hore Mesia a tsoaloe |
||
O ne a tla bitsoa a le Egepeta |
||
O ne a tla bitsoa Monazaretha * |
||
O ne a tla etelloa pele ke lenqosa |
||
O ne a tla tlotsoa hore e be Mesia ka selemo sa 29 * |
||
Molimo o ne a tla phatlalatsa hore ke Mora oa hae |
||
O ne a tla chesehela ntlo ea Molimo |
||
O ne a tla bolela litaba tse monate |
||
Mosebetsi oo a neng a tla o etsa Galilea o ne o tla khantša leseli |
||
O ne a tla etsa mehlolo joaloka Moshe |
||
O ne a tla bua menahano ea Molimo joaloka Moshe |
||
O ne a tla phekolo ba bangata |
||
O ne a ke ke a ipitsetsa mahlo a batho |
||
O ne a tla ba le kutloelo-bohloko ho batho ba nang le mathata |
||
O ne a tla bontša hore Molimo o na le toka |
||
E ne e tla ba moeletsi ea tsotehang |
||
O ne a tla tsebisa batho lebitso la Jehova |
||
O ne a tla ruta ka lipapiso |
||
E ne e tla ba moeta-pele |
||
Ba bangata ba ne ba ke ke ba lumela ho eena |
||
E ne e tla ba lejoe le khopang |
||
Batho ba ne ba ke ke ba mo amohela |
||
O ne a tla hlouoa ntle ho le lebaka |
||
O ne a tla rorisoa ha a kena Jerusalema a palame esele |
||
O ne a tla rorisoa ke bana |
||
O ne a tla tla ka lebitso la Jehova |
||
O ne a tla ekoa ke motsoalle oa hae |
||
Ea neng a tla mo eka o ne a tla fuoa likotoana tse 30 tsa silevera * |
||
Metsoalle ea hae e ne e tla mo lahla kherehloa |
||
Lipaki tsa bohata li ne li tla fana ka bopaki khahlanong le eena |
||
O ne a tla thola ha a qosoa |
||
O ne a tla tšoeloa ka mathe |
||
O ne a tla otloa hloohong |
||
Ba ne ba tla mo shapa |
||
O ne a ke ke a itoanela ha a otloa |
||
Baeta-pele ba ’muso ba ne ba tla mo rerela bolotsana |
||
O ne a tla kokoteloa maoto le matsoho palong |
||
Batho ba ne ba tla lahla lotho (becha) bakeng sa liaparo tsa hae |
||
O ne a tla balelloa har’a baetsalibe |
||
O ne a tla songoa a be a rohakoe |
||
O ne a tla utloa bohloko molemong oa baetsalibe |
||
Ho ne ho tla bonahala eka Molimo o mo lahlile |
||
O ne a tla fuoa asene le nyooko hore a li noe |
||
O ne a tla nyoroa pele a shoa |
||
O ne a tla beha bophelo ba hae ho Molimo |
||
O ne a tla tela bophelo ba hae |
||
O ne a tla fana ka sehlabelo e le hore sebe se ka fela |
||
Masapo a hae a ne a ke ke a rojoa |
||
O ne a tla hlajoa |
||
O ne a tla patoa le barui |
||
O ne a tla tsosoa bafung |
||
Moeki oa hae o ne a tla nkeloa sebaka ke motho e mong |
||
O ne a tla lula ka letsohong le letona la Molimo |
^ ser. 5 Buka ea McClintock and Strong’s Cyclopedia e re: “Ha ho pelaelo hore litlaleho tsa maloko a Bajuda li ile tsa senyeha ha Jerusalema e timetsoa, eseng pele ho moo.”
^ ser. 40 Lebitso lena la Seheberu Emanuele, le bolela “Molimo o na le Rona,” le hlalosa hantle mosebetsi oo Jesu a o etsang e le Mesia. Taba ea hore o ile a tla lefatšeng le mesebetsi ea hae li bontša hantle hore Molimo o na le bahlanka ba hae.—Luka 2:27-32; 7:12-16.
^ ser. 52 Ho bonahala lentsoe “Monazaretha” le tsoa lentsoeng la Seheberu neʹtser, le bolela’ng “lehlomela.”
^ ser. 58 E le ho bona bopaki ba Bibele ba hore Mesia o fihlile ka selemo sa 29, sheba sehlooho se re’ng, “Kamoo Boprofeta ba Daniele bo Bolela’ng ho Fihla ha Mesia Esale Pele Kateng.”
^ ser. 127 Boprofeta bona bo hlaha lengolong la Zakaria empa Matheu o re ho ile “ha phethahala se ileng sa buuoa ka moprofeta Jeremia.” (Matheu 27:9) Ho bonahala eka ka linako tse ling buka ea Jeremia e ne e hlaha qalong karolong ea Mangolo a bitsoang libuka tsa ‘Baprofeta.’ (Luka 24:44) Ho bonahala ha Matheu a ne a bua ka “Jeremia” o ne a bolela libuka tsohle tsa baprofeta, ho akarelletsa le buka ea Zakaria.
Mohlomong u ka Rata le
TSOHA!
Seo Bibele e se Buang ka Mesia
Na u ne u tseba hore Bibele e ile ea profeta hore Mesia o ne a tla shoa pele a ka qetela mosebetsi oa hae?
MOLULA-QHOOA
Jesu—Lebaka Leo a Shoeleng ka Lona
TSOHA!
Mosali oa Mojuda o Hlalosa Lebaka le Entseng Hore a Boele a Hlahlobe Tumelo ea Hae
Ke bopaki bofe bo ileng ba kholisa Racquel Hall hore Jesu e ne e le Mesia eo a ’nileng a mo labalabela?