Naha Enya Judi téh Dosa?
Jawaban Alkitab
Sanajan Alkitab teu ngajelaskeun ngeunaan judi sacara rinci, urang bisa ningali tina prinsip-prinsip Alkitab yén dina pandangan Allah, judi téh dosa.—Epesus 5:17. a
Judi téh dijurung ku sipat sarakah, sipat nu dipikaijid ku Allah. (1 Korinta 6:9, 10; Epesus 5:3, 5) Jalma nu judi ngarepkeun meunang duit ti nu éléh, padahal Alkitab ngalarang urang mikahayang naon-naon nu milik batur.—Budalan 20:17; Rum 7:7; 13:9, 10.
Sanajan leutik-leutikan, judi bisa numuwuhkeun sipat beuki kana duit.—1 Timoteus 6:9, 10.
Nu judi osok ngadu untung jeung percaya kana tahayul. Tapi, Allah nyaruakeun éta siga nyembah ka déwa-déwa, ieu teu luyu jeung ibadah sajati.—Yesaya 65:11.
Alkitab ngajurung urang pikeun upaya enya-enya, lainna meunangkeun hiji hal tanpa upaya. (Pandita 2:24; Epesus 4:28) Jalma nu ngalarapkeun naséhat Alkitab bisa ngadahar nu ”beunang ladang kesang sorangan”.—2 Tesalonika 3:10, 12.
Judi bisa nyababkeun urang boga sikep pasaing-saing, padahal hal ieu dilarang ku Alkitab.—Galata 5:26, NW.
a Dina Alkitab, judi ngan dicaritakeun waktu serdadu Rum ngabagikeun pakéan Yésus ku ”lotré”, atawa judi.—Mateus 27:35; Yohanes 19:23, 24.
Tingali ogé
PANANYA NU DIJAWAB ALKITAB
Naha Alkitab Bisa Ngabantu dina Masalah Duit jeung Hutang?
Duit teu bisa nyieun urang bagja, tapi opat prinsip Alkitab bisa ngabantu ngaréngsékeun masalah kauangan Sadérék.
TOPIK SÉJÉNNA
Kumaha Carana Supaya Teu Hariwang Teuing?
Saran-saran jeung ayat-ayat Kitab Suci anu bisa ngabantu urang jadi leuwih tenang waktu keur hariwang.
NGEUNAAN URANG
Ménta Didatangan ku Saksi
Hayu diajar Alkitab atawa téangan leuwih loba ngeunaan Saksi-Saksi Yéhuwa.