Intembauzyo 34:1-22
Intembauzyo ya Davida, iciindi naakalicengeezya kuti ulisondokede+ kumbele lya Abimeleki, ooyo wakamutanda, aboobo wakaunka.
א [Aleph]
34 Ndinootembaula Jehova ciindi coonse;Intembauzyo zyakwe zinooli amilomo yangu lyoonse.
ב [Beth]
2 Ndinoolidunda muli Jehova;+Babombe myoyo bayoomvwa akukondwa.
ג [Gimel]
3 Amumulemeke Jehova antoomwe andime;+Atusumpule zina lyakwe antoomwe.
ד [Daleth]
4 Ndakabuzya Jehova, eelyo wakandivwiila.+
Wakandivwuna kuzintu zyoonse izyakali kundiyoosya.+
ה [He]
5 Aabo ibakalanga kulinguwe bakaba alumwemwe;Kumasyu aabo kwakanyina nsoni.
ז [Zayin]
6 Ooyu uupengede wakaita, mpoonya Jehova wakamvwa.
Wakamufwutula mumapenzi aakwe oonse.+
ח [Heth]
7 Mungelo wa Jehova ulabakwabilila* kumabazu oonse aabo bamuyoowa Leza,+Alimwi ulabavwuna.+
ט [Teth]
8 Amulabile mubone kuti Jehova mubotu;+Ulikkomene muntu uuyubila mulinguwe.
י [Yod]
9 Amuyoowe Jehova, nywebo nobasalali bakwe boonse,Nkaambo aabo bamuyoowa kunyina ncobabula pe.+
כ [Kaph]
10 Nobaba basyuumbwa balaanguzu ibacili bana-bana balakonzya kubula zyakulya akufwa nzala,Pele aabo bayandaula Jehova tabakabuli cintu cibotu niciba comwe.+
ל [Lamed]
11 Amuboole, nobana bangu, amundiswiilile;Ndilamuyiisya kuyoowa Jehova.+
מ [Mem]
12 Ino nguni akati kanu uuyandisya buumiAlimwi uuyanda kubona mazuba manji mabotu?+
נ [Nun]
13 Nkokuti koulesya mulaka wako kukwaamba zintu zibyaabi,+Kojata milomo yako kukwaamba zyalweeno.+
ס [Samekh]
14 Kofwutatila zintu zibi akucita zibotu;+Koyandaula luumuno akusungwaala kulutobela.+
ע [Ayin]
15 Meso aa Jehova alangide balulami,+Alimwi matwi aakwe alaswiilila nibakwiila kuti bagwasyigwe.+
פ [Pe]
16 Pele busyu bwa Jehova mbukali kulibaabo bacita zibi,Kutegwa alobye mpuwo yabo yoonse munyika.+
צ [Tsade]
17 Bakakwiila, eelyo Jehova wakamvwa;+Wakabavwuna mumapenzi aabo oonse.+
ק [Qoph]
18 Jehova ulaafwaafwi abaabo batyompedwe mumoyo;+Aabo bapengede mumizeezo* ulabafwutula.+
ר [Resh]
19 Mapenzi* aamululami manji,+Pele Jehova ulamuvwuna mulingawo oonse.+
ש [Shin]
20 Ulalinda mafwuwa oonse aamuntu ooyu;Kunyina noliba lyomwe lyatyolwa.+
ת [Taw]
21 Mapenzi ayoomujaya muntu mubi;Aabo batamuyandi mululami bayoopegwa mulandu.
22 Jehova unununa buumi bwababelesi bakwe;Kunyina naba omwe akati kabaabo bayuba mulinguwe uuyoopegwa mulandu.+
Bupanduluzi buyungizyidwe
^ Naa “usimpide tente lyakwe ikuzinguluka.”
^ Naa “Aabo batyompedwe.”
^ Naa “Buyumuyumu.”
