Nkɔmhyɛ a Ɛfa Mesia No Ho Di Adanse Sɛ Na Yesu Ne Mesia No Anaa?
Nea Bible ka
Yiw. Nkɔmhyɛ a ɛfa “Mesia, Ɔkannifo no” ho no, Yesu maa dodow no ara baam bere a ɔbaa asase so no. Ɔno ara nso na na ɔbɛyɛ “wiase Agyenkwa” no. (Daniel 9:25; 1 Yohane 4:14) Bere a Yesu wui akyi mpo no, na Mesia no ho nkɔmhyɛ da so ara nya mmamu wɔ ne so.—Dwom 110:1; Asomafo Nnwuma 2:34-36.
Asɛmfua “Mesia” no kyerɛ sɛn?
Hebri asɛmfua Ma·shiʹach (Mesia) ne Hela asɛmfua Khri·stos (Kristo) nyinaa yɛ asɛm koro, na ɛkyerɛ “Nea Wɔasra No.” Enti, yɛka “Yesu Kristo” a, nea ɛkyerɛ ne, “Yesu a Wɔasra No” anaa “Yesu a ɔyɛ Mesia no.”
Bible mu no, sɛ wɔpaw obi ma no dibea titiriw anaa tumi a, na wɔtaa hwie ngo gu onii no apampam de sra no. (Leviticus 8:12; 1 Samuel 16:13) Onyankopɔn na ɔpaw Yesu sɛ Mesia no; ɛyɛ dibea a tumi wom pa ara. (Asomafo Nnwuma 2:36) Nanso ɛnyɛ ngo na Onyankopɔn de sraa Yesu, mmom ɔde honhom kronkron na ɛsraa no.—Mateo 3:16.
Ná ebetumi aba sɛ Mesia no ho nkɔmhyɛ no bɛbam wɔ nnipa mmienu anaa nea ɛboro saa so anaa?
Dabi. Sɛnea obi de ne kokuromoti tim biribi so a, ɛne obiara de nsɛ no, saa ara nso na sɛnea Bible nkɔmhyɛ ahorow abam no kyerɛ sɛ onipa baako pɛ na ɔbɛyɛ Mesia anaa Kristo no. Nanso Bible bɔ yɛn kɔkɔ sɛ “atoro Kristo ne atoro adiyifo bɛsɔre, na wɔbɛyɛ nsɛnkyerɛnne akɛse ne anwonwade sɛnea ɛbɛyɛ a sɛ ɛbɛyɛ yiye a, wɔbɛdaadaa wɔn a wɔapaw wɔn no mpo.”—Mateo 24:24.
Ebetumi aba sɛ daakye na Mesia no bɛba anaa?
Dabi. Bible ka too hɔ sɛ Mesia no befi Israel hene Dawid abusua mu. (Dwom 89:3, 4) Nanso Yudafo awo ntoatoaso ho kyerɛwtohɔ a ɛbɛma yɛahu Dawid asefo ankasa no ayera. Ɛbɛyɛ sɛ bere a Romafo sɛee Yerusalem kurow no wɔ afe 70 Y.B. no na saa kyerɛwtohɔ no sɛee. a Efi saa bere no, obiara ntumi mfaa ne nsa nsii ne bo nkaa sɛ ofi Dawid adehye abusua no mu. Yesu bere so de, na awo ntoatoaso ho kyerɛwtohɔ no wɔ hɔ. Nanso bere a Yesu kaa sɛ ofi Dawid abusua mu no, wɔn a na wɔtan no no mpo annya adanse papa biara a wobegyina so aka sɛ ɛnyɛ nokware.—Mateo 22:41-46.
Mesia no ho nkɔmhyɛ dodow sɛn na ɛwɔ Bible mu?
Obiara ntumi nkyerɛ Mesia no ho nkɔmhyɛ dodow a ɛwɔ Bible mu. Yɛbɛyɛ nhwɛso a, sɛ ɛda adi sɛ Bible mu asɛm bi fa Mesia no ho mpo a, sɛnea wɔakyerɛw asɛm no na ɛbɛkyerɛ nkɔmhyɛ dodow a ɛwom. Sɛ yɛhwɛ Yesaia 53:2-7 sei a, ɛka nkɔmhyɛsɛm pii a ɛfa Mesia no ho. Ebinom betumi afa saa kyerɛwsɛm no nyinaa sɛ nkɔmhyɛ baako, na afoforo nso betumi afa no sɛ asɛm pɔtee biara a ɛwɔ kyerɛwsɛm no mu no yɛ nkɔmhyɛ soronko.
Mesia no ho nkɔmhyɛ ahorow bi a Yesu ma ɛbaam
Nkɔmhyɛ |
Baabi a Ɛwɔ |
Ne Mmamu |
|---|---|---|
Ɔbɛyɛ Abraham aseni |
||
Ɔbɛyɛ Abraham ba Isak aseni |
||
Wɔbɛwo no sɛ Israelni a ofi Yuda abusua mu |
||
Obefi Ɔhene Dawid adehye abusua mu |
||
Ɔbaabun na ɛbɛwo no |
||
Wɔbɛwo no wɔ Betlehem |
||
Wɔbɛfrɛ no Imanuel b |
||
Wɔbɛwo no ato ohia mu |
||
Wobekunkum mmofra nkumaa wɔ n’awo akyi |
||
Wɔbɛfrɛ no afi Egypt |
||
Wɔbɛfrɛ no Nasareni c |
||
Wɔbɛsoma ɔbɔfo bi adi n’anim |
||
Wɔbɛsra no sɛ Mesia wɔ afe 29 Y.B. d |
||
Onyankopɔn begye no atom sɛ Ne Ba |
||
Onyankopɔn fie ho nnamyɛ bɛmee no |
||
Ɔbɛka asɛmpa no |
||
Asɛmpa a ɔbɛka wɔ Galilea no bɛma hann kɛse bi apue |
||
Ɔbɛyɛ anwonwade te sɛ Mose |
||
Ɔbɛyɛ Onyankopɔn kasamafo te sɛ Mose |
||
Ɔbɛsa nnipa pii yare |
||
Ɔrentwe nkurɔfo adwene mma ɔno ara ne ho so |
||
Obehu wɔn a wɔwɔ ahokyere mu no mmɔbɔ |
||
Ɔbɛda Onyankopɔn atɛntrenee adi |
||
Ɔbɛyɛ Ɔfotufo Nwonwafo |
||
Ɔbɛma nkurɔfo ahu Onyankopɔn din |
||
Ɔde mfatoho bɛkyerɛkyerɛ |
||
Ɔbɛyɛ Ɔkannifo |
||
Nnipa pii rennye no nni |
||
Ɔbɛyɛ hintibo |
||
Nnipa bɛpo no |
||
Wɔbɛtan no kwa |
||
Ɔbɛtena afurum so akɔ Yerusalem ama nkurɔfo abɔ agye no so |
||
Mmofra beyi no ayɛ |
||
Ɔbɛba wɔ Yehowa din mu |
||
Obi a ogye no di pa ara beyi no ama |
||
Wobeyi no ama agye dwetɛbona 30 e |
||
Ne nnamfo beguan agyaw no |
||
Wobedi adansekurum atia no |
||
Nkurɔfo bɛbɔ no sobo, nanso ɔremmue n’ano |
||
Wɔbɛto ntasu agu ne so |
||
Wɔde ade bɛhwe ne tirim |
||
Wɔbɛhwe no |
||
Ɔne wɔn a wɔbɛhwe no no rempere |
||
Aman mpanyimfo bɛbɔ ne ho pɔw bɔne |
||
Wɔde nnadewa bɛbɔ ne nsa ne ne nan mu afam dua ho |
||
Nkurɔfo bɛbɔ ne ntade so ntonto (anaa wɔbɛto so kyakya) |
||
Wɔbɛkan no afra abɔnefo |
||
Wobedi ne ho fɛw, adi no atɛm |
||
Obehu amane ama abɔnefo |
||
Ɛbɛyɛ te sɛ nea Onyankopɔn apo no |
||
Wɔbɛma no nsã nyinyanyinya ne awɔnwene sɛ ɔnnom |
||
Nsukɔm bɛde no ansa na wawu |
||
Ɔde ne honhom bɛhyɛ Nyankopɔn nsa |
||
Obegyaa ne nkwa mu |
||
Ɔde ne nkwa bɛyɛ agyede de apopa bɔne |
||
Wɔremmu ne nnompe mu |
||
Wɔde ade bɛwɔ no |
||
Wobesie no wɔ baabi a wosie adefo |
||
Wobenyan no afi owu mu |
||
Wɔbɛpaw obi asi nea oyii no mae no ananmu |
||
Ɔbɛtena Onyankopɔn nsa nifa so |
a McClintock ne Strong’s Cyclopedia ka sɛ: “Wohwɛ mu pa ara a, ɛbɛyɛ sɛ Yudafo mmusua ho kyerɛwtohɔ no ansɛe ansa na wɔresɛe Yerusalem kurow no, mmom bere a wɔsɛee kurow no na ɛsɛee.”
b Hebri din Imanuel no, nea ɛkyerɛ ne “Onyankopɔn ne Yɛn Wɔ Hɔ.” Saa din no ma yehu dwuma a Yesu di sɛ Mesia no. Asase so a Yesu bae ne nnwuma a ɔbɛyɛe no dii adanse sɛ Onyankopɔn ka N’asomfo ho.—Luka 2:27-32; 7:12-16.
c Ɛbɛyɛ sɛ asɛmfua “Nasareni” fi Hebri asɛmfua neʹtser mu, na ɛkyerɛ “mfefɛwee.”
d Bible ma yehu sɛ afe 29 Y.B. na Mesia no bae. Sɛ wopɛ ɛho nsɛm pii a, hwɛ asɛm a ɛne “Sɛnea Daniel Nkɔmhyɛ no Kaa Mesia no Mmae Ho Asɛm Siei” no.
e Saa nkɔmhyɛ yi wɔ Sakaria nhoma no mu, nanso Bible kyerɛwfo Mateo ka sɛ, ‘wɔnam odiyifo Yeremia so na ɛkae.’ (Mateo 27:9) Nhoma ahorow a ɛwɔ Kyerɛwnsɛm no mu a wɔfrɛ no “Adiyifo no,” ɛbɛyɛ sɛ ɛtɔ da a na wɔde Yeremia nhoma no na edi kan. (Luka 24:44) Ɛbɛyɛ sɛ Mateo de “Yeremia” din too nhoma no nyinaa a ɛka bom yɛ “Adiyifo no” so, na na Sakaria nhoma no nso ka ho.
Ebia W'Ani Begye Wei Nso Ho
NYAN!
Yudani Bea Bi Kyerɛ Nea Enti a Ɔsan Susuw Ne Gyidi Ho Mu
Adanse bɛn na ɛmaa Racquel Hall gye dii sɛ Yesu ne Mesia a na ɔpɛ sɛ ohu no no?
BIBLE NKYERƐKYERƐ
Sɛnea Yɛne Afoforo Bɔ Bible Mu Nkɔmmɔ No, Sɔ Hwɛ.
Sɛ wopɛ a, obi ne wo bɛba abɛbɔ Bible mu nkɔmmɔ a worentua hwee.