Naho Bivhili i sa ambi zwithu zwinzhi nga ha u gembula, i ri thusa u pfesesa uri Mudzimu u dzhia u gembula hu tshivhi.​—Vhaefesa 5:17. a

•   Muthu o no gembula u na tseḓa nahone Mudzimu u vhenga muthu o raloho. (1 Vhakorinta 6:9, 10; Vhaefesa 5:3, 5) Vhathu vhane vha gembula vha lavhelela u wana tshelede nge vhaṅwe vha xelelwa, fhedzi Bivhili i ri kaidza uri ri songo emula zwithu zwa vhaṅwe.​—Ekisodo 20:17; Vharoma 7:7; 13:9, 10.

•   Vhathu vhane vha gembula, naho hu tshelede ṱhukhu, vha nga wela kha tshikwekwe tsha u funesa tshelede.​—1 Timotheo 6:9, 10.

•   Vhathu vhane vha gembula vha tenda kha zwi siho kana uri vha na mashudu. Naho zwo ralo, Mudzimu u vha dzhia vha tshi khou gwadamela midzimu ya mazwifhi, nahone ha takaleli vhurabeli ho raloho.​—Yesaya 65:11.

•   Bivhili i ri ṱuṱuwedza uri ri vhe vhashumi vha biko nṱhani ha u ṱoḓa zwithu ri songo zwi shumela. (Muhuweleli 2:24; Vhaefesa 4:28) Vhane vha thetshelesa honoho vhulivhisi ha Bivhili vha ḽa “zwiḽiwa zwe vha zwi shumela.”​—2 Vhathesalonika 3:10, 12.

•   U gembula zwi nga ita uri ri vhe na muya wa u ṱaṱisana, muya une Bivhili ya lwisana nawo.​—Vhagalata 5:26.