Masamok Hinduro nga Kalibotan—Paonan-o Mo Ito Aatubangon?
Mas nakukurian ka ba yana tungod han mga problema nga komon ha kalibotan? Nahitatabo ba ha iyo lugar an bisan hain han masunod?
mga girra
mga epidemya
natural nga mga kalamidad
kapobrehan
diskriminasyon
madarahog nga mga krimen
Kon may nahitatabo nga trahedya, damu nga biktima an nakakalasan ngan nawawarayan hin paglaom. Ha sugad nga mga kahimtang, may mga tawo nga diri maaram kon mag-aano. Pero kon may trahedya, an pag-abat hin sugad hito ha sulod hin maiha nga panahon nakakadugang la lugod ha problema.
Ha masamok hinduro nga panahon, kinahanglan gumios ka dayon basi protektaran an imo mga hinigugma, an imo kahimsog, an imo pakabuhi, ngan an imo kalipay.
Ano an puydi mo buhaton yana basi maprotektaran an imo kalugaringon tikang ha mga epekto hinin masamok hinduro nga kalibotan?
