ՄԻՆՉ Սատանայի աշխարհում մի աղետին հաջորդում է մյուսը, Եհովայի ճշմարիտ երկրպագուները շարունակում են «զբաղված լինել Տիրոջ գործում» (1 Կորնթ. 15։58)։ Այս հաշվետվությունը ցույց է տալիս, թե ինչպես են ողջ աշխարհում Վկաները ջանում «Եհովային ապավինել.... բարիք անել.... և հավատարմությամբ գործել» (Սաղ. 37։3)։

Ուոլքիլի (Նյու Յորք) համալիրի ընդլայնումը ավարտվեց 2016 թ. փետրվարի 1-ին, և Միացյալ Նահանգների մասնաճյուղի կոմիտեն, ծառայողական բաժինն ու Միացյալ Նահանգների մասնաճյուղի այլ բաժիններ տեղափոխվեցին այնտեղ։ Եվ քանի որ Ուորվիքում նոր գլխավոր վարչության համալիրի շինարարական աշխատանքները մոտենում են ավարտին, Բրուքլինի Բեթելի ընտանիքը նախաձեռնել է  Նյու Յորք քաղաքից գյուղական վայր տեղափոխվելու հսկայական գործը։

2017 թ. ապրիլի 3-ին՝ երկուշաբթի, Ուորվիքում գտնվող գլխավոր վարչության դռները կբացվեն շրջայցերի համար։ Դրանք կներառեն երեք ցուցահանդեսների ինքնուրույն դիտում և մեկ շրջայց էքսկուրսավարի ուղեկցությամբ։

1. «Աստվածաշունչը և Աստծու անունը» ցուցահանդեսում ներկայացված կլինեն Աստվածաշնչի հազվադեպ նմուշներ և ցույց կտրվի, որ Աստծու անունը պետք է լինի Սուրբ Գրքում։

2. «Ժողովուրդ՝ Եհովայի անվան համար» ցուցահանդեսը զննական միջոցների օգնությամբ կպատմի Եհովայի վկաների հոգևոր ժառանգության մասին և ցույց կտա, թե ինչպես է Եհովան առաջնորդել իր ժողովրդին ու սովորեցրել կազմակերպված ձևով կատարել իր կամքը։

3. «Գլխավոր վարչություն. կենդանի հավատ» ինտերակտիվ ցուցահանդեսը կբացատրի, թե ինչպես են գործում Կառավարիչ մարմնի կոմիտեները, և թե ինչպես են նրանք Եհովայի ժողովրդին օգնում միասին հավաքվելու, աշակերտներ պատրաստելու, հոգևորապես սնվելու և իրար հանդեպ սեր դրսևորելու։

Ցուցահանդեսի ինքնուրույն դիտումը հնարավոր կլինի երկուշաբթիից ուրբաթ՝ առավոտյան ժամը 8։00-ից մինչև երեկոյան 16։00-ն։ Բացի այդ, այցելուները հնարավորություն կունենան էքսկուրսավարի ուղեկցությամբ շրջայց կատարել, որը կտևի 20 րոպե։ Այդ շրջայցի ժամանակ հյուրերը կայցելեն վարչական/մաքրության և սպասարկման բաժինների մասնաշենք և կշրջեն Բեթելի տարածքով։ Այդ կարճ շրջայցը կանցկացվի երկուշաբթիից ուրբաթ՝ առավոտյան ժամը 8։00-ից մինչև 11։00-ն և 13։00-ից մինչև 16։00-ն։

Նախքան ձեր այցը ծրագրելը, խնդրում ենք, այցելեք jw.org կայքի ՄԵՐ ՄԱՍԻՆ բաժնի ՄԱՍՆԱՃՅՈՒՂԵՐ / ՇՐՋԱՅՑԵՐ ենթաբաժին և ընտրեք վայրը՝ Միացյալ Նահանգներ։