جاستاردىڭ ساۋالدارى
زەرىكسەم نە ىستەۋگە بولادى؟
كەيبىرەۋلەر ٷشىن جاڭبىرلى كۇنى ىستەيتىن ٸس، باراتىن جەر تاپپاي، ۇيدە قامالىپ وتىرعاننان جامانى جوق. روبەرت ەسىمدى بوزبالا: «مۇنداي كەزدەرى نە ىستەرىمدى بىلمەي، زەرىگىپ كەتەمىن»،— دەدى.
سەن دە ٶزىڭدى وسىلاي سەزىنگەن بولساڭ، بۇل ماقالا سەن ٷشىن!
نەنى بىلگەنىڭ ٴجون؟
ەلەكتروندى قۇرىلعىلاردىڭ كومەگى شامالى.
ينتەرنەت شارلاساڭ، ۋاقىت بايقالماي ٶتىپ كەتەر، ٴبىراق بۇل وي-قيالىڭدى تەجەپ، ودان سايىن زەرىكتىرىپ جىبەرەدى. «ميىڭدى ەش جۇمىس ىستەتپەي، قۇر ەكرانعا قادالىپ وتىرا بەرەسىڭ»،— دەدى 21 جاستاعى دجەرەمي.
ەلينا ەسىمدى قىز ونىڭ سوزدەرىنە تولىقتاي قوسىلادى. «ەلەكتروندى قۇرىلعىلاردى ەرمەك ەتۋدىڭ پايداسى شامالى. ول سەنى شىن ومىردەن الىستاتىپ جىبەرەتىنى سونشا — قۇرىلعىڭنان باس كوتەرگەندە، ٶمىرىڭ ودان سايىن ٸش پىستىرارلىق بولىپ كەتەدى!»— دەيدى ول.
ٴبارى كوزقاراسقا بايلانىستى.
ىستەيتىن تىرلىگىڭنىڭ كوپ بولعانى ەش زەرىكپەيسىڭ دەگەندى بىلدىرە مە؟ بۇل اينالىسىپ جاتقان ىسىڭە قانشالىقتى قىزىعاتىنىڭا بايلانىستى. مىسالى، كارەن دەگەن قىز بىلاي دەپ ەسىنە الدى: «مەكتەپتە وقىعاندا، ىستەيتىن ٸس باسىمنان اسسا دا، ٴبارىبىر ٸشىم پىساتىن. زەرىكپەۋ ٷشىن اينالىسىپ جاتقان ىسىڭە زەيىن سالىپ، قىزىعۋىڭ كەرەك».
بىلە ٴجۇر: اينالىسارعا ٸس تاپپاي زەرىككەن ۋاقىت — تىعىرىق ەمەس، شىعارماشىلىق قابىلەتتى ارتتىرۋعا جاعداي جاسايتىن مۇمكىندىك.
ەنشىڭدەگى ۋاقىت قۇنارلى توپىراق ىسپەتتى: ول شىعارماشىلىق قابىلەتتەرىڭدى ارتتىرۋعا قولايلى جاعداي جاسايدى
سەن نە ىستەي الاسىڭ؟
ٵرتۇرلى نارسەلەرگە قىزىعۋشىلىق ٴبىلدىر. جاڭا دوستار، جاڭا حوببي تاپ. جاڭا نارسەلەردى وقىپ-ٴبىل. كوپ نارسەگە قىزىعاتىن ادام جالعىز قالعاندا ٸشى پىسپايدى، وزگەلەردىڭ دە ٸشىن پىستىرمايدى!
كيەلى كىتاپ كەڭەسى: «قانداي ٸستى قولعا الساڭ دا، ونى بارىڭدى سالىپ ىستە» (ۋاعىزداۋشى 9:10).
«مەن جاقىندا قىتاي (ماندارين) ٴتىلىن ۇيرەنۋدى قولعا الدىم. كۇندەلىكتى سويلەپ جاتتىققان سايىن، ماعان وسى نارسە جەتىسپەي كەلگەنىن ٴتۇسىندىم. قازىر الدىما ماقسات قويىپ، سوعان قول جەتكىزگەندى ۇناتامىن. وسىلاي ٵردايىم بىردەڭەمەن اينالىسىپ، ۋاقىتىمدى دۇرىس پايدالانا الامىن» (مەليندا).
ماقساتىڭدى نازاردا ۇستا. قانداي دا ٴبىر ىسپەن نە ٷشىن اينالىسىپ جاتقانىڭدى تۇسىنسەڭ، وعان دەگەن قىزىعۋشىلىعىڭدى ارتتىرۋ وڭاي بولادى. ماقساتىڭدى جاقسى بىلسەڭ، ٴتىپتى مەكتەپ تاپسىرمالارىنىڭ وزىنەن جالىقپايسىڭ.
كيەلى كىتاپ كەڭەسى: «ادام بالاسى ٷشىن... بەينەتىنىڭ زەينەتىن كورىپ، راقاتتانۋدان ارتىق ەشتەڭە جوق» (ۋاعىزداۋشى 2:24).
«كەزىندە ساباعىمدى وقىماعاندىقتان، مەكتەپ بىتىرەر الدىندا كۇنىنە 8 ساعاتتان وقۋعا تۋرا كەلدى. بار زەيىنىم وقۋدا بولعاندىقتان، زەرىگۋ دەگەندى بىلگەن جوقپىن. مەكتەپتى جاقسى بىتىرسەم دەگەن ماقساتىم مەنى العا سۇيرەلەپ وتىردى» (حاننا).
وزگەرتە المايتىن جايتتار بار ەكەنىن مويىندا. ٴتىپتى وتە قىزىقتى دەگەن ىستەردىڭ ٸش پىستىرارلىق تۇستارى بولادى. كەيدە جاقىن دوستارىڭ كەلىسكەن جوسپارلارىڭدى بۇزعاندا، نەمەن اينالىسارىڭدى بىلمەي قالۋىڭ مۇمكىن. وسىنداي كەزدە كوڭىلىڭ ٴتۇسىپ وتىرا بەرمەي، وڭ كوزقاراس ساقتاۋعا تىرىس.
كيەلى كىتاپ كەڭەسى: «كوڭىلدى جاننىڭ ٵر كۇنى توي-دۋمان» (ناقىل سوزدەر 15:15).
«ٴبىر قۇربىم جالعىز قالعان ساتتەردەن دە قۋانىش تابۋدى ۇيرەن دەدى. ول وزگەلەرمەن بىرگە ۋاقىت وتكىزۋ مەن جالعىز قالۋدى تەڭ ۇستاي ٴبىلۋ ٵربىر ادام ٷشىن تاپتىرماس ونەر ەكەنىن ايتتى» (ايۆي).
قىزىقتى بولار مالىمەتتەر
فلوماستەرلىك انيماسيا
كىم قوجا: سەن بە، قۇرىلعىڭ با؟
عالامتور زامانىندا ٶمىر سۇرسەڭ دە، ول ەمەس، سەن وعان قوجا بولا الاسىڭ. قۇرىلعىڭا تاۋەلدى بولىپ قالعانىڭدى قالاي انىقتاۋعا بولادى؟ بۇل دەرتتەن قالاي جازىلۋعا بولادى؟
