ពិភពលោកដ៏ច្របូកច្របល់
៣ | ការពារចំណងមិត្តភាពរបស់អ្នក
ហេតុអ្វីនេះសំខាន់?
កាលដែលយើងកាន់តែមានកង្វល់ចំពោះពិភពលោកដ៏ច្របូកច្របល់នេះ ដោយមិនដឹងខ្លួនមនុស្សជាច្រើនអនុញ្ញាតឲ្យរឿងនេះ ប៉ះពាល់ដល់ទំនាក់ទំនងរបស់ពួកគេជាមួយអ្នកឯទៀត។
-
មនុស្សផ្ដាច់ខ្លួនពីមិត្តភក្ដិរបស់ពួកគេ។
-
ប្ដីប្រពន្ធកាន់តែឈ្លោះប្រកែកគ្នាទៅវិញទៅមក។
-
ឪពុកម្ដាយយកចិត្តទុកដាក់តិចតួច ឬមិនយកចិត្តទុកដាក់ទាល់តែសោះចំពោះកង្វល់កង្វាយរបស់កូនៗ។
អ្វីដែលអ្នកត្រូវដឹង
-
មិត្តភក្ដិគឺសំខាន់ដោយសារពួកគេជួយឲ្យយើងមានសុខភាពល្អទាំងផ្លូវកាយនិងផ្លូវចិត្ត ជាពិសេសក្នុងអំឡុងពេលពិបាក។
-
ការតានតឹងចិត្តដែលបណ្ដាលមកពីភាពច្របូកច្របល់នៃពិភពលោកនេះ អាចបណ្ដាលឲ្យក្រុមគ្រួសារអ្នកមានបញ្ហា។
-
ព័ត៌មានឬសេចក្ដីរាយការណ៍មិនល្អអាចប៉ះពាល់ដល់កូនៗរបស់អ្នក។
អ្វីដែលអ្នកអាចធ្វើនៅឥឡូវនេះ
គម្ពីរចែងថា៖ «មិត្តពិតបង្ហាញសេចក្ដីស្រឡាញ់គ្រប់ពេលវេលា ហើយគាត់ប្រៀបដូចជាបងប្អូនដែលកើតមក ដើម្បីជួយគ្នានៅពេលមានទុក្ខលំបាក»។—សុភាសិត ១៧:១៧
មិត្តភក្តិអាចជួយនិងផ្ដល់យោបល់ល្អៗដល់យើង។ មិត្តភក្តិដែលប្រកបដោយសេចក្ដីស្រឡាញ់ដូចនោះ នឹងជួយយើងឲ្យមានកម្លាំងស៊ូទ្រាំបញ្ហាផ្សេងៗ។