ಯೆಹೋವನ ಸಾಕ್ಷಿಗಳು ಎಲ್ಲವನ್ನೂ ದೇವರೇ ಸೃಷ್ಟಿ ಮಾಡಿದ್ದಾನೆಂದು ನಂಬುತ್ತಾರೆ. ಆದರೆ, ಆತನು ಅದನ್ನು 24 ತಾಸುಗಳ ಆರು ದಿನಗಳಲ್ಲಿ ಮಾಡಿದನೆಂಬ ಸೃಷ್ಟಿವಾದವನ್ನು ನಂಬುವುದಿಲ್ಲ. ಏಕೆ? ಏಕೆಂದರೆ ಸೃಷ್ಟಿವಾದಿಗಳ ಈ ಆಲೋಚನೆಗಳು ಬೈಬಲಿಗೆ ವಿರುದ್ಧವಾಗಿವೆ. ಈ ಕೆಳಗಿನ ಎರಡು ಉದಾಹರಣೆಗಳನ್ನು ಗಮನಿಸಿ:

1.  1. ಸೃಷ್ಟಿಯ ಆರು ದಿನಗಳ ದೀರ್ಘಾವಧಿ. ಸೃಷ್ಟಿವಾದಿಗಳು ಸೃಷ್ಟಿಯ ಆರು ದಿನಗಳು 24 ತಾಸಿನ ದಿನಗಳಾಗಿದ್ದವೆಂದು ಭಾವಿಸುತ್ತಾರೆ. ಆದರೆ ಬೈಬಲ್‌ನಲ್ಲಿರುವ “ದಿನ” ಎಂಬ ಪದವು ಗಮನಾರ್ಹ ಕಾಲಾವಧಿಯನ್ನು ಸೂಚಿಸುತ್ತದೆ.​—ಆದಿಕಾಂಡ 2:4; ಕೀರ್ತನೆ 90:4.

2.  2. ಭೂಮಿಯ ವಯಸ್ಸು. ಸೃಷ್ಟಿವಾದಿಗಳು ಭೂಮಿ ಕೆಲವೇ ಸಾವಿರ ವರ್ಷ ಹಳೆಯದ್ದು ಎಂದು ಭಾವಿಸುತ್ತಾರೆ. ಆದರೆ, ಬೈಬಲ್‌ ಪ್ರಕಾರ ಭೂಮಿ ಮತ್ತು ವಿಶ್ವ ಸೃಷ್ಟಿಯ ಆರು ದಿನಗಳಿಗಿಂತ ಮುಂಚೆಯೇ ಇದ್ದವು. (ಆದಿಕಾಂಡ 1:1) ಆದ್ದರಿಂದ, ಭೂಮಿ ಕೋಟಿಗಟ್ಟಲೆ ವರ್ಷ ಹಳೆಯದ್ದೆಂಬ ವಿಶ್ವಾಸಾರ್ಹ ವೈಜ್ಞಾನಿಕ ಸಂಶೋಧನೆಯನ್ನು ಯೆಹೋವನ ಸಾಕ್ಷಿಗಳು ಆಕ್ಷೇಪಿಸುವುದಿಲ್ಲ.

 ಯೆಹೋವನ ಸಾಕ್ಷಿಗಳಾದ ನಾವು ಸೃಷ್ಟಿಯಲ್ಲಿ ನಂಬಿಕೆ ಇಡುವುದಾದರೂ, ವಿಜ್ಞಾನವನ್ನು ತಿರಸ್ಕರಿಸುವುದಿಲ್ಲ. ವಿಜ್ಞಾನದ ಸತ್ಯತೆಗಳು ಮತ್ತು ಬೈಬಲ್‌ ಒಂದಕ್ಕೊಂದು ಹೊಂದಿಕೆಯಲ್ಲಿವೆ ಎಂದು ನಾವು ನಂಬುತ್ತೇವೆ.