ಲೂಕ 1:1-80

ಪ್ಲೇ

ಥೆಯೊಫಿಲನಿಗೆ ಬರೆದ ಪತ್ರ (1-4)
ಯೋಹಾನನ ಜನನದ ಬಗ್ಗೆ ಗಬ್ರಿಯೇಲ ಭವಿಷ್ಯವಾಣಿ ಹೇಳಿದ (5-25)
ಯೇಸುವಿನ ಜನನದ ಬಗ್ಗೆ ಗಬ್ರಿಯೇಲ ಭವಿಷ್ಯವಾಣಿ ಹೇಳಿದ (26-38)
ಮರಿಯ ಎಲಿಸಬೆತನ್ನ ಭೇಟಿ ಮಾಡ್ತಾಳೆ (39-45)
ಮರಿಯ ಯೆಹೋವನನ್ನ ಹಾಡಿ ಹೊಗಳ್ತಾಳೆ (46-56)
ಯೋಹಾನ ಹುಟ್ಟಿದ, ಅವನಿಗೆ ಹೆಸ್ರಿಟ್ರು (57-66)
ಜಕರೀಯ ಹೇಳಿದ ಭವಿಷ್ಯವಾಣಿ (67-80)

1 ಮಾನ್ಯ ಥೆಯೊಫಿಲನೇ, ನೈಜ ಘಟನೆಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ಬರಿಯೋಕೆ ತುಂಬ ಜನ ಶ್ರಮಿಸಿದ್ದಾರೆ. ನಾವು ಸಹ ನಡೆದ ಆ ವಿಷ್ಯಗಳನ್ನ ನಿಜ ಅಂತ ನಂಬ್ತೀವಿ.+ ² ಅದನ್ನ ಕಣ್ಣಾರೆ ನೋಡಿದವರು+ ಮತ್ತು ದೇವರ ಸಂದೇಶ ಸಾರುವವರು ಅವರು ಬರೆದಿರೋ ವಿಷ್ಯಗಳನ್ನೇ ನಮಗೆ ಹೇಳಿದ್ರು.+ ³ ನಾನು ಸಹ ಎಲ್ಲ ವಿಷ್ಯಗಳನ್ನ ಪರೀಕ್ಷಿಸಿದೆ. ಹಾಗಾಗಿ ಅದೆಲ್ಲ ಮೊದಲಿಂದ ಹೇಗೆ ನಡಿತೋ ಹಾಗೇ ಬರಿತಾ ಇದ್ದೀನಿ.+ ⁴ ಯಾಕಂದ್ರೆ ನೀನು ಕಲಿತಿರೋ ವಿಷ್ಯಗಳೆಲ್ಲ ನಿಜ ಅಂತ ನಂಬೋಕೆ ಇದು ಸಹಾಯ ಮಾಡುತ್ತೆ.+ ⁵ ರಾಜ ಹೆರೋದ*+ ಯೂದಾಯವನ್ನ ಆಳ್ತಿದ್ದ ಕಾಲ ಅದು. ಅಬೀಯನ+ ವರ್ಗಕ್ಕೆ ಸೇರಿದ ಜಕರೀಯ ಅನ್ನೋ ಒಬ್ಬ ಪುರೋಹಿತ ಇದ್ದ. ಅವನ ಹೆಂಡತಿ ಆರೋನನ ವಂಶದವಳು. ಹೆಸ್ರು ಎಲಿಸಬೆತ್‌. ⁶ ಇಬ್ರಿಗೂ ದೇವರ ದೃಷ್ಟಿಯಲ್ಲಿ ಒಳ್ಳೇ ಹೆಸ್ರಿತ್ತು. ಯಾಕಂದ್ರೆ ಅವರು ಯೆಹೋವನ* ಎಲ್ಲ ಆಜ್ಞೆ ಪಾಲಿಸ್ತಿದ್ರು, ಆತನ ಇಷ್ಟಾನೇ ಮಾಡ್ತಿದ್ರು. ಅವ್ರ ಮೇಲೆ ಯಾವ ಆರೋಪನೂ ಇರ್ಲಿಲ್ಲ. ⁷ ಆದ್ರೆ ಅವ್ರಿಗೆ ಮಕ್ಕಳಿರ್ಲಿಲ್ಲ. ಎಲಿಸಬೆತ್‌ ಬಂಜೆಯಾಗಿದ್ದಳು. ಅಷ್ಟೇ ಅಲ್ಲ ಇಬ್ರಿಗೂ ತುಂಬ ವಯಸ್ಸಾಗಿತ್ತು. ⁸ ಅವತ್ತು ಅಬೀಯನ ವರ್ಗದ ಸರದಿ+ ಇತ್ತು. ಹಾಗಾಗಿ ಜಕರೀಯ ಪುರೋಹಿತ ಸೇವೆ ಮಾಡ್ತಿದ್ದ. ⁹ ಪುರೋಹಿತರ ಪದ್ಧತಿ ಪ್ರಕಾರ ಧೂಪ+ ಅರ್ಪಿಸೋ ಸರದಿ ಅವನಿಗೆ ಬಂತು. ಅವನು ಯೆಹೋವನ* ಆಲಯದ ಪವಿತ್ರ ಸ್ಥಳದ ಒಳಗೆ ಹೋದ.+ ¹⁰ ಧೂಪ ಹಾಕೋ ಸಮಯದಲ್ಲಿ ಜನ್ರೆಲ್ಲ ಹೊರಗೆ ನಿಂತು ಪ್ರಾರ್ಥನೆ ಮಾಡ್ತಾ ಇದ್ರು. ¹¹ ಧೂಪವೇದಿಯ ಬಲಗಡೆಯಲ್ಲಿ ಯೆಹೋವನ* ಒಬ್ಬ ದೇವದೂತ ನಿಂತಿರೋದನ್ನ ಜಕರೀಯ ನೋಡಿದ. ¹² ಅವನಿಗೆ ತುಂಬ ಗಾಬರಿ, ಭಯ ಆಯ್ತು. ¹³ ದೇವದೂತ “ಜಕರೀಯ ಭಯಪಡಬೇಡ. ದೇವರು ನಿನ್ನ ಮನದಾಳದ ಪ್ರಾರ್ಥನೆ ಕೇಳಿಸ್ಕೊಂಡಿದ್ದಾನೆ. ನಿನ್ನ ಹೆಂಡತಿ ಎಲಿಸಬೆತ್‌ಗೆ ಗಂಡುಮಗು ಹುಟ್ಟುತ್ತೆ. ಮಗುಗೆ ಯೋಹಾನ ಅಂತ ಹೆಸ್ರು ಇಡಬೇಕು.+ ¹⁴ ನಿನಗೆ ತುಂಬ ಖುಷಿ, ಆನಂದ ಆಗುತ್ತೆ. ಅವನು ಹುಟ್ಟಿದಾಗ ತುಂಬ ಜನ ಸಂತೋಷಪಡ್ತಾರೆ.+ ¹⁵ ಯಾಕಂದ್ರೆ ಅವನಿಗೆ ಯೆಹೋವ* ವಿಶೇಷ ಕೆಲಸ ಕೊಡ್ತಾನೆ.+ ಅವನು ದ್ರಾಕ್ಷಾಮದ್ಯ, ಮತ್ತುಬರಿಸೋ ಯಾವುದನ್ನೂ ಕುಡಿಬಾರದು.+ ತಾಯಿ ಹೊಟ್ಟೆಯಲ್ಲಿ ಇರುವಾಗ್ಲೇ* ದೇವರು ಅವನಿಗೆ ಪವಿತ್ರಶಕ್ತಿ ಕೊಡ್ತಾನೆ.+ ¹⁶ ದೇವರಾದ ಯೆಹೋವನ* ಕಡೆ ವಾಪಸ್‌ ಬರೋಕೆ ತುಂಬ ಇಸ್ರಾಯೇಲ್ಯರಿಗೆ ಸಹಾಯ ಮಾಡ್ತಾನೆ.+ ¹⁷ ಅಷ್ಟೇ ಅಲ್ಲ ದೇವರು ಅವನನ್ನ ತನಗಿಂತ ಮುಂದೆ ಕಳಿಸ್ತಾನೆ. ಎಲೀಯನ ಹುರುಪು, ಶಕ್ತಿ ಕೊಡ್ತಾನೆ.+ ಹೀಗೆ ದೊಡ್ಡವರ ಹೃದಯ ಮಕ್ಕಳ ತರ ಆಗೋ ಹಾಗೆ ಮಾಡ್ತಾನೆ.+ ಮಾತು ಕೇಳದವ್ರಿಗೆ ನೀತಿವಂತರ ವಿವೇಕ ಕೊಡ್ತಾನೆ. ಯೆಹೋವನನ್ನ* ಆರಾಧಿಸೋಕೆ ಇಷ್ಟಪಡೋ ಜನ್ರನ್ನ ಆತನಿಗಾಗಿ ತಯಾರು ಮಾಡ್ತಾನೆ”+ ಅಂದ. ¹⁸ ಆಗ ಜಕರೀಯ “ಇದನ್ನ ಹೇಗೆ ನಂಬಲಿ? ನನಗೂ ನನ್ನ ಹೆಂಡತಿಗೂ ತುಂಬ ವಯಸ್ಸಾಗಿದೆ” ಅಂದ. ¹⁹ ಅದಕ್ಕೆ ದೇವದೂತ “ನಾನು ದೇವರ ಸನ್ನಿಧಿಯಲ್ಲಿ+ ಸೇವೆಮಾಡೋ ಗಬ್ರಿಯೇಲ.+ ಈ ಸಿಹಿಸುದ್ದಿ ಹೇಳೋಕೆ ದೇವರೇ ನನ್ನನ್ನ ಕಳಿಸಿದನು. ²⁰ ಆದ್ರೆ ನೀನು ನಂಬಲಿಲ್ಲ. ನಾನು ಹೇಳಿದ್ದೆಲ್ಲ ಸರಿಯಾದ ಸಮಯದಲ್ಲಿ ನಡಿಯುತ್ತೆ. ಅಲ್ಲಿ ತನಕ ನೀನು ಮೂಕನಾಗಿ ಇರ್ತೀಯ, ಮಾತಾಡೋಕಾಗಲ್ಲ” ಅಂದ. ²¹ ಹೊರಗೆ ಜನ ಜಕರೀಯನಿಗಾಗಿ ಕಾಯ್ತಾ ಇದ್ರು. ಪವಿತ್ರ ಸ್ಥಳದಿಂದ ಹೊರಗೆ ಬರೋಕೆ ಯಾಕೆ ತಡ ಆಗ್ತಿದೆ ಅಂತ ಯೋಚಿಸ್ತಿದ್ರು. ²² ಹೊರಗೆ ಬಂದಾಗ ಅವನಿಂದ ಮಾತಾಡೋಕೆ ಆಗ್ಲಿಲ್ಲ. ಅವನು ಪವಿತ್ರ ಸ್ಥಳದಲ್ಲಿ ಅದ್ಭುತ* ನೋಡಿರಬೇಕು ಅಂತ ಜನ ಅರ್ಥಮಾಡ್ಕೊಂಡ್ರು. ಅವ್ರ ಜೊತೆ ಅವನು ಸನ್ನೆ ಮಾಡಿ ಮಾತಾಡ್ತಾ ಇದ್ದ. ಮಾತೇ ಬರಲಿಲ್ಲ. ²³ ಪುರೋಹಿತ ಸೇವೆ ಮುಗಿದಾಗ ವಾಪಸ್‌ ಮನೆಗೆ ಹೋದ. ²⁴ ಸ್ವಲ್ಪ ದಿನ ಆದ ಮೇಲೆ ಅವನ ಹೆಂಡತಿ ಎಲಿಸಬೆತ್‌ ಗರ್ಭಿಣಿ ಆದಳು. ಐದು ತಿಂಗಳ ತನಕ ಎಲ್ಲೂ ಹೋಗದೆ ಮನೆಯಲ್ಲೇ ಇದ್ದಳು. ²⁵ “ದೇವರು ನನ್ನ ಕಡೆ ಗಮನ ಹರಿಸಿದ್ದಾನೆ. ಜನ ನನ್ನನ್ನ ಕೀಳಾಗಿ ನೋಡಬಾರದು ಅಂತ ಯೆಹೋವ* ನನಗೋಸ್ಕರ ಇದನ್ನ ಮಾಡಿದ್ದಾನೆ”+ ಅಂತಿದ್ದಳು. ²⁶ ಅವಳಿಗೆ ಆರು ತಿಂಗಳಾದಾಗ ದೇವರು ಗಬ್ರಿಯೇಲ+ ದೂತನನ್ನ ಗಲಿಲಾಯದ ನಜರೇತ್‌ ಪಟ್ಟಣಕ್ಕೆ ಕಳಿಸಿದ. ²⁷ ಅಲ್ಲಿ ಮರಿಯ ಅನ್ನೋ ಕನ್ಯೆ+ ಇದ್ದಳು. ಅವಳಿಗೆ ದಾವೀದ ವಂಶದ ಯೋಸೇಫನ ಜೊತೆ ನಿಶ್ಚಿತಾರ್ಥ ಆಗಿತ್ತು.+ ²⁸ ಆ ದೇವದೂತ ಮರಿಯಳ ಹತ್ರ ಬಂದು “ನಮಸ್ಕಾರ! ದೇವರ ಆಶೀರ್ವಾದ ನಿನ್ನ ಮೇಲೆ ತುಂಬಾ ಇದೆ. ಯೆಹೋವ* ನಿನ್ನ ಜೊತೆ ಇದ್ದಾನೆ” ಅಂದ. ²⁹ ಅವಳಿಗೆ ತುಂಬ ಗಾಬರಿ ಆಯ್ತು. ಆ ಮಾತಿನ ಅರ್ಥ ಏನಂತ ಯೋಚಿಸೋಕೆ ಶುರುಮಾಡಿದಳು. ³⁰ ಹಾಗಾಗಿ ಆ ದೇವದೂತ “ಮರಿಯ, ಭಯಪಡಬೇಡ. ನಿನ್ನ ಮೇಲೆ ದೇವರ ಆಶೀರ್ವಾದ ಇದೆ. ³¹ ನೀನು ಗರ್ಭಿಣಿ ಆಗ್ತೀಯ, ನಿನಗೆ ಮಗ ಹುಟ್ತಾನೆ.+ ಅವನಿಗೆ ಯೇಸು ಅಂತ ಹೆಸ್ರಿಡಬೇಕು.+ ³² ಆತನು ಮಹಾನ್‌ ವ್ಯಕ್ತಿಯಾಗಿ+ ಸರ್ವೋನ್ನತನ ಮಗ+ ಅಂತ ಕರೆಸ್ಕೊಳ್ತಾನೆ. ಯೆಹೋವ* ದೇವರು ಆತನಿಗೆ ಪೂರ್ವಜನಾದ ದಾವೀದನ ಸಿಂಹಾಸನ ಕೊಡ್ತಾನೆ.+ ³³ ಯಾಕೋಬನ ವಂಶದವರ ಮೇಲೆ ರಾಜನಾಗಿ ಸದಾಕಾಲ ಆಳ್ತಾನೆ. ಆತನ ಆಳ್ವಿಕೆಗೆ ಅಂತ್ಯಾನೇ ಇಲ್ಲ”+ ಅಂದ. ³⁴ ಅದಕ್ಕೆ ಮರಿಯ “ನಾನಿನ್ನೂ ಕನ್ಯೆ! ಹೇಗೆ ಮಗು ಹುಟ್ಟುತ್ತೆ?”+ ಅಂದಳು. ³⁵ ಆಗ ದೇವದೂತ “ಪವಿತ್ರಶಕ್ತಿ ನಿನ್ನ ಮೇಲೆ ಬರುತ್ತೆ.+ ಸರ್ವೋನ್ನತನ ಶಕ್ತಿ ನಿನ್ನನ್ನ ಕಾಪಾಡುತ್ತೆ. ಹಾಗಾಗಿ ನಿನಗೆ ಹುಟ್ಟೋ ಮಗ ಪವಿತ್ರನಾಗಿ ಇರ್ತಾನೆ.+ ಅವನನ್ನ ದೇವರ ಮಗ+ ಅಂತ ಕರಿತಾರೆ. ³⁶ ನೋಡು, ನಿನ್ನ ಸಂಬಂಧಿ ಎಲಿಸಬೆತ್‌ ಸಹ ವಯಸ್ಸಾದ ಮೇಲೆ ಗರ್ಭಿಣಿ ಆಗಿದ್ದಾಳೆ. ಅವಳ ಹೊಟ್ಟೆಯಲ್ಲಿ ಗಂಡುಮಗು ಇದೆ. ಜನ ಬಂಜೆ ಅಂತ ಕರಿತಿದ್ದ ಅವಳಿಗೆ ಈಗ ಆರು ತಿಂಗಳು. ³⁷ ದೇವರಿಗೆ ಯಾವುದೂ ಅಸಾಧ್ಯ ಅಲ್ಲ”+ ಅಂದ. ³⁸ ಮರಿಯ “ನಾನು ಯೆಹೋವನ* ದಾಸಿ! ನೀನು ಹೇಳಿದ ಹಾಗೇ ಆಗಲಿ” ಅಂದಳು. ಆ ದೇವದೂತ ಅಲ್ಲಿಂದ ಹೋದ. ³⁹ ಆಮೇಲೆ ಮರಿಯ ಬೆಟ್ಟಗುಡ್ಡಗಳ ಪ್ರದೇಶವಾಗಿದ್ದ ಯೆಹೂದದ ಒಂದು ಪಟ್ಟಣಕ್ಕೆ ಬೇಗಬೇಗ ಹೋದಳು. ⁴⁰ ಜಕರೀಯನ ಮನೆಗೆ ಹೋಗಿ ಎಲಿಸಬೆತ್‌ಗೆ ನಮಸ್ಕಾರ ಅಂದಳು. ⁴¹ ಅದನ್ನ ಎಲಿಸಬೆತ್‌ ಕೇಳಿದಾಗ ಅವಳ ಹೊಟ್ಟೆಯಲ್ಲಿದ್ದ ಮಗು ಜಿಗಿದಾಡಿತು. ಎಲಿಸಬೆತ್‌ ಪವಿತ್ರಶಕ್ತಿಯ ಸಹಾಯದಿಂದ ⁴² ಗಟ್ಟಿಯಾಗಿ “ನೀನು ಸ್ತ್ರೀಯರಲ್ಲೇ ಹೆಚ್ಚು ಆಶೀರ್ವಾದ ಪಡೆದವಳು. ನಿನ್ನ ಹೊಟ್ಟೆಯಲ್ಲಿರೋ ಮಗುಗೂ ಆಶೀರ್ವಾದ ಸಿಗಲಿ! ⁴³ ನನ್ನ ಒಡೆಯನ ತಾಯಿನೇ ನನ್ನನ್ನ ನೋಡೋಕೆ ಬಂದಿದ್ದಾಳೆ. ನನಗೆ ಸಿಕ್ಕಿರೋದು ಎಂಥಾ ಸೌಭಾಗ್ಯ! ⁴⁴ ನೋಡು, ನೀನು ನಮಸ್ಕಾರ ಅಂದ ತಕ್ಷಣ ನನ್ನ ಹೊಟ್ಟೆಯಲ್ಲಿರೋ ಮಗು ಖುಷಿಯಿಂದ ಜಿಗಿದಾಡಿತು. ⁴⁵ ದೇವರ ಮಾತನ್ನ ನಂಬಿದ ನೀನು ಸಂತೋಷವಾಗಿ ಇರ್ತಿಯ. ಯಾಕಂದ್ರೆ ಯೆಹೋವ* ಹೇಳಿದ್ದೆಲ್ಲ ತಪ್ಪದೆ ನೆರವೇರುತ್ತೆ” ಅಂದಳು. ⁴⁶ ಆಗ ಮರಿಯ “ನನ್ನ ಪ್ರಾಣ ಯೆಹೋವನನ್ನ* ಹೊಗಳುತ್ತೆ.+ ⁴⁷ ನನ್ನ ರಕ್ಷಕನಾದ ದೇವರಿಂದ ನನಗೆ ಆಗ್ತಿರೋ ಸಂತೋಷನ ತಡಿಯೋಕಾಗ್ತಿಲ್ಲ.+ ⁴⁸ ಯಾಕಂದ್ರೆ ಆತನು ತನ್ನ ದಾಸಿಯ ದೀನಸ್ಥಿತಿ ಗುರುತಿಸಿದ್ದಾನೆ.+ ಇವತ್ತಿಂದ ಎಲ್ಲ ಪೀಳಿಗೆಯವರು ನನ್ನನ್ನ ಭಾಗ್ಯವಂತಳು+ ಅಂತ ಹೇಳ್ತಾರೆ. ⁴⁹ ಶಕ್ತಿಶಾಲಿ ದೇವರು ನನ್ನ ವಿಷ್ಯದಲ್ಲಿ ದೊಡ್ಡದೊಡ್ಡ ಕೆಲಸಗಳನ್ನ ಮಾಡಿದ್ದಾನೆ. ಆತನ ಹೆಸ್ರು ಪವಿತ್ರವಾಗಿದೆ.+ ⁵⁰ ಆತನನ್ನ ನಂಬುವವರ* ಮೇಲೆ ಆತನ ಕರುಣೆ ಯಾವಾಗ್ಲೂ ಇರುತ್ತೆ.+ ⁵¹ ದೇವರು ತನ್ನ ಕೈಯಿಂದ ಶಕ್ತಿಶಾಲಿ ಕೆಲಸಗಳನ್ನ ಮಾಡಿದ್ದಾನೆ. ಗರ್ವಿಷ್ಠರನ್ನ ಚೆಲ್ಲಾಪಿಲ್ಲಿ ಮಾಡಿದ್ದಾನೆ.+ ⁵² ದೊಡ್ಡ ಅಧಿಕಾರದಲ್ಲಿದ್ದ ಜನ್ರನ್ನ ಸಿಂಹಾಸನದಿಂದ+ ಇಳಿಸಿ ದೀನರನ್ನ ಮೇಲೆ ಏರಿಸಿದ್ದಾನೆ.+ ⁵³ ಹಸಿದವ್ರಿಗೆ ತೃಪ್ತಿ ಆಗುವಷ್ಟು ಒಳ್ಳೇದನ್ನ ಕೊಟ್ಟು+ ಶ್ರೀಮಂತರನ್ನ ಬರೀ ಕೈಯಲ್ಲಿ ಕಳಿಸಿಬಿಟ್ಟಿದ್ದಾನೆ. ⁵⁴ ತನ್ನ ಸೇವಕನಾದ ಇಸ್ರಾಯೇಲನಿಗೆ ಸಹಾಯ ಮಾಡೋಕೆ ಬಂದಿದ್ದಾನೆ.+ ನಮ್ಮ ಪೂರ್ವಜರಿಗೆ ಹೇಳಿದ ಹಾಗೆ ⁵⁵ ಅಬ್ರಹಾಮನ ಮೇಲೆ, ಅವನ ವಂಶದವರ+ ಮೇಲೆ ಯಾವಾಗ್ಲೂ ಕರುಣೆ ತೋರಿಸಿದ್ದಾನೆ” ಅಂದಳು. ⁵⁶ ಮರಿಯ ಸುಮಾರು ಮೂರು ತಿಂಗಳು ಎಲಿಸಬೆತ್‌ ಜೊತೆ ಇದ್ದು ಮನೆಗೆ ವಾಪಸ್‌ ಹೋದಳು. ⁵⁷ ಎಲಿಸಬೆತ್‌ಗೆ ಮಗು ಆಗೋ ಸಮಯ ಬಂತು. ಅವಳಿಗೆ ಗಂಡುಮಗು ಆಯ್ತು. ⁵⁸ ಯೆಹೋವ* ವಿಶೇಷ ಕರುಣೆ ತೋರಿಸಿದ್ದಾನೆ ಅಂತ ಅಕ್ಕಪಕ್ಕದವರು, ಸಂಬಂಧಿಕರು ಕೇಳಿಸ್ಕೊಂಡಾಗ ಎಲಿಸಬೆತ್‌ ಜೊತೆ ಖುಷಿಪಟ್ರು.+ ⁵⁹ ಎಂಟನೇ ದಿನ ಅವರು ಆ ಪುಟಾಣಿ ಮಗುಗೆ ಸುನ್ನತಿ ಮಾಡಿಸೋಕೆ ಬಂದ್ರು.+ ಮಗುಗೆ ಜಕರೀಯ ಅಂತ ಅದ್ರ ಅಪ್ಪನ ಹೆಸ್ರನ್ನೇ ಇಡಬೇಕಂತ ಇದ್ರು. ⁶⁰ ಅದ್ರ ಅಮ್ಮ “ಬೇಡ, ಯೋಹಾನ ಅಂತ ಹೆಸರಿಡಬೇಕು” ಅಂದಳು. ⁶¹ ಅದಕ್ಕೆ ಅವರು “ನಿನ್ನ ಸಂಬಂಧಿಕ್ರಲ್ಲಿ ಯಾರಿಗೂ ಆ ಹೆಸ್ರು ಇಲ್ವಲ್ಲಾ?” ಅಂದ್ರು. ⁶² ಆಮೇಲೆ ಮಗುವಿನ ಅಪ್ಪನ ಹತ್ರ ಹೋಗಿ ಏನು ಹೆಸ್ರಿಡಬೇಕು ಅಂತ ಸನ್ನೆಮಾಡಿದ್ರು. ⁶³ ಅದಕ್ಕೆ ಅವನು ಒಂದು ಹಲಗೆ ತರೋಕೆ ಹೇಳಿ ಅದ್ರ ಮೇಲೆ “ಅವನ ಹೆಸ್ರು ಯೋಹಾನ”+ ಅಂತ ಬರೆದ. ಇದನ್ನ ನೋಡಿ ಅವ್ರಿಗೆ ತುಂಬ ಆಶ್ಚರ್ಯ ಆಯ್ತು. ⁶⁴ ತಕ್ಷಣ ಅವನ ನಾಲಿಗೆ ಸಡಿಲ ಆಯ್ತು. ದೇವರನ್ನ ಕೊಂಡಾಡ್ತಾ ಮಾತಾಡೋಕೆ ಶುರುಮಾಡಿದ.+ ⁶⁵ ಅಕ್ಕಪಕ್ಕದ ಜನ್ರಿಗೆಲ್ಲ ತುಂಬ ಭಯ ಆಯ್ತು. ಯೂದಾಯದ ಜನ್ರೆಲ್ಲ ಇದ್ರ ಬಗ್ಗೆನೇ ಮಾತಾಡ್ತಾ ಇದ್ರು. ⁶⁶ ಈ ವಿಷ್ಯ ಕೇಳಿಸ್ಕೊಂಡವ್ರ ಮನಸ್ಸಲ್ಲಿ “ಈ ಮಗು ದೊಡ್ಡವನಾದ ಮೇಲೆ ಏನಾಗ್ತಾನೆ?” ಅನ್ನೋ ಪ್ರಶ್ನೆ ಇತ್ತು. ಯಾಕಂದ್ರೆ ಅವನು ಯೆಹೋವನ* ಮೆಚ್ಚಿಕೆ ಪಡ್ಕೊಂಡಿದ್ದ. ⁶⁷ ಆಗ ಮಗುವಿನ ತಂದೆ ಜಕರೀಯ ಪವಿತ್ರಶಕ್ತಿಯ ಸಹಾಯದಿಂದ ಭವಿಷ್ಯ ಹೇಳ್ತಾ ⁶⁸ “ಇಸ್ರಾಯೇಲ್ಯರ ದೇವರಾದ ಯೆಹೋವನಿಗೆ* ಸ್ತುತಿ.+ ಯಾಕಂದ್ರೆ ಆತನು ಜನ್ರನ್ನ ಗಮನಿಸಿದ್ದಾನೆ, ಬಿಡುಗಡೆ ಮಾಡಿದ್ದಾನೆ.+ ⁶⁹ ತನ್ನ ಸೇವಕ ದಾವೀದನ ವಂಶದಲ್ಲಿ ನಮಗಾಗಿ ಬಲಿಷ್ಠ ರಕ್ಷಕನನ್ನ* ಹುಟ್ಟಿಸಿದ್ದಾನೆ.+ ⁷⁰ ಹಿಂದಿನ ಕಾಲದಿಂದ ತನ್ನ ಪವಿತ್ರ ಪ್ರವಾದಿಗಳ ಮೂಲಕ ಹೇಳಿಸಿದ್ದನ್ನ ಮಾಡಿದ್ದಾನೆ.+ ⁷¹ ದೇವರು ನಮ್ಮನ್ನ ಶತ್ರುಗಳ ಕೈಯಿಂದ, ದ್ವೇಷಿಸುವವರ ಕೈಯಿಂದ ರಕ್ಷಿಸ್ತಾನೆ ಅಂತ ಮಾತು ಕೊಟ್ಟಿದ್ದ.+ ⁷² ನಮ್ಮ ಪೂರ್ವಜರಿಗೆ ಕೊಟ್ಟ ಆ ಮಾತನ್ನ ಖಂಡಿತ ನೆರವೇರಿಸ್ತಾನೆ. ಕರುಣೆ ತೋರಿಸ್ತಾನೆ. ಪವಿತ್ರ ಒಪ್ಪಂದವನ್ನ ನೆನಪು ಮಾಡ್ಕೊಳ್ತಾನೆ.+ ⁷³ ನಮ್ಮ ಪೂರ್ವಜ ಅಬ್ರಹಾಮನಿಗೆ ದೇವರು ಕೊಟ್ಟ ಮಾತೇ ಆ ಒಪ್ಪಂದ.+ ⁷⁴ ಅದ್ರ ಪ್ರಕಾರ ನಾವು ಶತ್ರುಗಳ ಕೈಯಿಂದ ಬಿಡುಗಡೆ ಆದ ಮೇಲೆ ಭಯಪಡದೆ ತನಗೆ ಪವಿತ್ರ ಸೇವೆ ಮಾಡೋ ದೊಡ್ಡ ಅವಕಾಶ ಕೊಡ್ತಾನೆ. ⁷⁵ ಆಗ ಜೀವ ಇರೋ ತನಕ ನಂಬಿಕೆ ಕಾಪಾಡ್ಕೊಂಡು ಸರಿಯಾದದ್ದನ್ನೇ ಮಾಡೋಕಾಗುತ್ತೆ. ⁷⁶ ಆದ್ರೆ, ಪುಟ್ಟ ನಿನ್ನ ಬಗ್ಗೆ ಹೇಳೋದಾದ್ರೆ ನಿನ್ನನ್ನ ಸರ್ವೋನ್ನತನ ಪ್ರವಾದಿ ಅಂತ ಕರಿತಾರೆ. ಯಾಕಂದ್ರೆ ಯೆಹೋವ* ತನ್ನ ದಾರಿ ಸಿದ್ಧಮಾಡೋಕೆ ತನಗಿಂತ ಮುಂದೆ ನಿನ್ನನ್ನ ಕಳಿಸ್ತಾನೆ.+ ⁷⁷ ಅಷ್ಟೇ ಅಲ್ಲ ಆತನು ಜನ್ರ ಪಾಪಗಳನ್ನ ಕ್ಷಮಿಸಿ ಅವ್ರನ್ನ ರಕ್ಷಿಸ್ತಾನೆ ಅನ್ನೋ ಸಂದೇಶ ಸಾರ್ತಿಯ.+ ⁷⁸ ಇದು ನಮ್ಮ ದೇವರ ಕೋಮಲ ಕರುಣೆಯಿಂದ ಮಾತ್ರ ಸಾಧ್ಯ. ಆತನು ನಮ್ಮ ಕಡೆ ಕರುಣೆ ತೋರಿಸಿದ್ರೆ ಸಾಕು, ನಮ್ಮ ಮೇಲೆ ಸೂರ್ಯ ಮೂಡ್ತಾನೆ. ⁷⁹ ಕತ್ತಲೆಯಲ್ಲಿ, ಮರಣದ ನೆರಳಲ್ಲಿ ಕೂತವ್ರಿಗೆ ಬೆಳಕು ಸಿಗುತ್ತೆ.+ ನಮ್ಮನ್ನ ಶಾಂತಿಯ ಮಾರ್ಗದಲ್ಲಿ ನಡೆಸ್ತಾನೆ” ಅಂದ. ⁸⁰ ಆ ಚಿಕ್ಕ ಹುಡುಗ ಬೆಳೆದು ದೊಡ್ಡವನಾದ. ದೇವರ ಜೊತೆ ಅವನ ಸಂಬಂಧನೂ ಗಟ್ಟಿ ಆಯ್ತು. ಇಸ್ರಾಯೇಲ್ಯರಿಗೆ ಕಾಣಿಸ್ಕೊಳ್ಳೋ ತನಕ ಕಾಡಲ್ಲೇ ಜೀವನ ಮಾಡಿದ.