Nzembo 25:1-22
Loyembo ya Davidi.
א [Alef]
25 Ee Yehova, nabaluki* epai na yo.
ב [Bet]
2 Nzambe na ngai, natyeli yo motema;+Salá ete nayoka nsɔni te.+
Kotika te ete banguna na ngai básepela mpo na bampasi na ngai.+
ג [Gimel]
3 Ya solo, moto moko te oyo atyaka elikya epai na yo akoyoka nsɔni,+Kasi nsɔni ezali kozela baoyo basalaka makambo na bokosi kaka mpamba.+
ד [Dalet]
4 Salá ete nayeba banzela na yo, Ee Yehova;+Teyá ngai banzela na yo.+
ה [He]
5 Tambwisá ngai na solo na yo mpe teyá ngai,+Mpo yo ozali Nzambe ya lobiko na ngai.
ו [Waw]
Natyaka elikya epai na yo mokolo mobimba.
ז [Zayin]
6 Ee Yehova, kanisá motema mawa na yo, mpe bolingo na yo ya sembo,+Oyo omonisaka ntango nyonso.*+
ח [Het]
7 Kokanisa te masumu ya bolenge na ngai mpe makambo na ngai ya kobuka mibeko.
Kanisá ngai na kolanda bolingo na yo ya sembo,+Mpo ozali malamu,Ee Yehova.+
ט [Tet]
8 Yehova azali malamu mpe sembo.+
Yango wana ateyaka basumuki nzela oyo basengeli kolanda.+
י [Yod]
9 Akotambwisa bato ya komikitisa na makambo oyo ezali sembo,*+Mpe akoteya bato ya komikitisa nzela na ye.+
כ [Kaf]
10 Banzela nyonso ya Yehova etondi na bolingo ya sembo mpe bosoloMpo na baoyo bazali kotosa kondimana na ye+ mpe makundoli na ye.+
ל [Lamed]
11 Mpo na nkombo na yo,Ee Yehova,+Limbisá libunga na ngai, atako ezali monene.
מ [Mem]
12 Soki moto azali kobanga Yehova,+
Akoteya ye nzela oyo asengeli kopona.+
נ [Nun]
13 Makambo ya malamu ekokómela ye,+Mpe bato ya libota na ye bakozwa* mabele.+
ס [Samek]
14 Yehova azali moninga ya motema ya baoyo babangaka ye,+Mpe asalaka ete báyeba kondimana na ye.+
ע [Ayin]
15 Natyelaka ntango nyonso Yehova motema mpo na koluka lisalisi,+Mpo akolongola makolo na ngai na monyama.+
פ [Pe]
16 Balolá elongi na yo epai na ngai mpe moniselá ngai boboto,Mpo nazali kaka ngai moko mpe nazangi lisalisi.
צ [Tsade]
17 Bampasi ya motema na ngai ekómi mingi;+Longolá ngai na mitungisi na ngai.
ר [Resh]
18 Talá mpasi na ngai mpe kotungisama na ngai,+Mpe limbisá masumu na ngai nyonso.+
19 Talá ndenge banguna na ngai bazali mingiMpe ndenge bazali mpenza koyina ngai.
ש [Shin]
20 Kɛngɛlá bomoi* na ngai mpe bikisá ngai.+
Kotika te nayoka nsɔni, mpo nakimi epai na yo.
ת [Taw]
21 Kozanga mbeba mpe bosembo ebatela ngai,+Mpo natyeli yo elikya.+
22 Ee Nzambe, bikisá* Yisraele na bampasi na ye nyonso.
Maloba na nse
^ To, “natomboli molimo na ngai.”
^ To, “Oyo ezali uta kala.”
^ Lil., “na lisambisi.”
^ Lil., “momboto na ye ekozwa.”
^ To, “molimo.”
^ Lil., “sikolá.”
