Beibele e na le mantšu a khomotšo ao a ka re fago matla le go re thuša go kgotlelela ge re sa nagane gabotse. Molaetša wa ka Beibeleng, o re fa kholofelo ya gore go kwa bohloko maikwelong go ka se sa ba gona.

Ka dinako tše dingwe re ka ikwa re se ra thaba, eupša bao ba nago le kgateletšego ya monagano goba go belaela kudu ba dula ba ekwa bohloko maikwelong. Beibele e ka thuša bjang?

• Beibele e na le dikgopolo tše dintši tšeo di holago, tšeo di ka tlošago tšeo di sa lokago. (Bafilipi 4:8) E ka tlatša menagano ya rena ka dikgopolo tšeo di kgothatšago le tšeo di tlago go re thuša go laola maikwelo a rena le go re homotša.—Psalme 94:18, 19.

• Beibele e ka re thuša go tlogela go nagana gore ga re na mohola.—Luka 12:6, 7.

• Mangwalo a mantši a Beibele a re kgodiša gore ga re noši le gore Modimo wa rena, yena Mmopi wa rena, o kwešiša gabotse gore re ikwa bjang.—Psalme 34:18, 1 Johane 3:19, 20.

• Beibele e re tshepiša gore Modimo o tlo fediša dilo ka moka tšeo di re kwešago bohloko, e bile re ka se sa di gopola. (Jesaya 65:17; Kutollo 21:4) Tshepišo ye e re fa matla a go dula re kgotlelela ge re gopola ka dilo tšeo di re nyamišago.