Псалом 68:1—35
Амонӕгӕн. Давиды псалом. Зарӕг.
68 Хуыцау сыстӕд+, йе знӕгтӕ алырдӕмты ныппырх уӕнт+,Йе сӕфт дзы чи уыны, уыдон дзы лидзӕг фӕуӕнт+.
2 Дымгӕ фӕздӕг куыд фӕсуры, афтӕ сӕ фӕсур+.Мыдадз арты куыд атайы+,Афтӕ фесӕфӕнт фыдгӕнджытӕ Хуыцауы разӕй+.
3 Рӕстгӕнджытӕ та цин кӕнӕнт+,Хъӕлдзӕг уӕнт Хуыцауы раз+Ӕмӕ фырцинӕй зарӕнт+.
4 Зарут Хуыцауӕн, зарут йӕ номӕн+.Зарӕг бӕрзонд сисут, ӕдзӕрӕг быдыртыл чи фӕцӕуы, уымӕн+ –Йагъ* у йӕ ном+ – ӕмӕ йӕ разы фырцинӕй кафут.
5 Сидзӕрты фыд ӕмӕ идӕдзты тӕрхонгӕнӕг+ –Хуыцау йӕ сыгъдӕг цӕрӕнбынаты+.
6 Хуыцау иунӕджы ӕрцӕрын кӕны хӕдзары+,Ссӕрибар кӕны, ахст чи у, уыдоны ӕмӕ сын фӕрнӕйдзаг цард ратты+.Хивӕнд чи у, уыдон та цӕрдзысты хурсыгъд зӕххыл+.
7 О Хуыцау, дӕ адӕмы разӕй куы цыдтӕ+,Ӕдзӕрӕг быдырыл куы фӕцӕйцыдтӕ+ (села́),
8 Уӕд зӕхх ӕнкъуысыд+,Арв ӕртах кодта Хуыцауы раз+.Ацы хох, Синай, ӕнкъуысыд Хуыцауы раз+, Израилы Хуыцауы раз+.
9 Ды тӕрккъӕвда рауагътай, о Хуыцау+.Дӕ адӕмӕн-иу сӕ бон куы нал уыд, уӕд-иу сӕ ног хъарутӕ бауагътай+.
10 Уыдон цардысты дӕ цатырты+.Дӕ хорздзинадмӕ гӕсгӕ сӕ ӕрцӕттӕ кодтай ӕфхӕрд адӕймагӕн, о Хуыцау+.
11 Йегъовӕ йӕхӕдӕг зӕгъы ныхас+.Хорз хабар чи хӕссы, уыцы сылгоймӕгтӕ сты ӕнӕхъӕн ӕфсад+.
12 Лидзынц ӕфсӕдтӕн сӕ паддзӕхтӕ, лидзынц+.Хӕдзары чи баззад, уыцы сылгоймагмӕ та хай ӕрхауы амӕттагӕй+.
13 Кӕд фӕнычы рӕгъты фарсмӕ хуыссыдыстут,Уӕддӕр уын уыдзӕн бӕлоны базыртӕ – ӕвзистӕй ӕмбӕрзт,Сӕ бумбулитӕ – бур* сызгъӕринӕй ӕмбӕрзт+.
14 Уым Ӕппӕтхъомысджын Хуыцау паддзӕхты алырдӕмты куы ныппырх кодта+,Уӕд Селмоны+ райдыдта мит уарын.
15 Васаны+ хӕхбӕстӕ – Хуыцауы хох+,Васаны хӕхбӕстӕ – хохы цъуппытӕ+.
16 Уӕлӕ хӕхты цъуппытӕ, хӕлӕггӕнгӕйӕ цӕмӕн кӕсут,Хуыцауы цӕрын кӕм бафӕндыд, уыцы хохмӕ?+Йегъовӕ уым цӕрдзӕн ӕнустӕм+.
17 Хуыцауы хӕстон бӕхуӕрдӕттӕ сты дӕсгай минтӕ, ӕнӕнымӕц минтӕ+.Йегъовӕ Синайӕ ӕрцыд сыгъдӕг бынатмӕ+.
18 Ды ссыдтӕ уӕлӕмӕ+,Акодтай уацайрӕгты+,Райстай лӕвӕрттӕ – адӕймӕгты+,Суанг хивӕндты+ дӕр, цӕмӕй се ’хсӕн цӕрай+, о Йагъ, о Хуыцау.
19 Табу Йегъовӕйӕн, алы бон дӕр нын нӕ уаргъ чи хӕссы, уымӕн+,Нӕ ирвӕзынгӕнӕг ӕцӕг Хуыцауӕн+. (Села́)
20 Ӕцӕг Хуыцау у, чи нӕ ирвӕзын кӕны, уыцы Хуыцау+.Дунедарӕг Хуыцау Йегъовӕ+ ирвӕзын кӕны мӕлӕтӕй*+.
21 Хуыцау ныппырх кӕндзӕн йе знӕгтӕн сӕ сӕртӕ+,Йӕ тӕригъӕд хъуыддӕгтӕ чи нӕ уадзы, уыдоны хъуынджын тылтӕ+.
22 Йегъовӕ загъта: «Раздахдзынӕн сӕ Васанӕй+,Денджызы арфӕй сӕ сисдзынӕн+,
23 Цӕмӕй дӕ къӕхтӕ туджы ныхсай+Ӕмӕ цӕмӕй дӕ куыйтӕ се ’взагӕй знӕгты туг сдӕрой»+.
24 О Хуыцау, уыдон федтой, куыд-иу фӕцӕйцыдтӕ+,Куыд-иу фӕцӕйцыд мӕ Хуыцау, мӕ Паддзах, сыгъдӕг бынатмӕ+.
25 Разӕй цыдысты зарӕггӕнджытӕ, сӕ фӕстӕ – хъисфӕндыртыл чи цагъта, уыдон+,Се ’хсӕн та цыдысты чызджытӕ далатӕй цӕгъдгӕ+.
26 Стыр ӕмбырдты арфӕ кӕнут Хуыцауӕн+,Йегъовӕйӕн, сымах – Израилы Суадон цард кӕмӕн дӕтты, уыдон+.
27 Чысыл Вениамин сыл уӕлахиз кӕны+,Уӕлахиз сыл кӕнынц Иудӕйы кънйӕзтӕ сӕ бирӕ адӕмимӕ, цины хъӕр чи кӕны, уыдонимӕЗавулоны кънйӕзтӕ ӕмӕ Неффалимы кънйӕзтӕ+.
28 Дӕ Хуыцау радта бардзырд, цӕмӕй дын лӕвӕрд ӕрцӕуа хъару+.Равдис дӕ хъару, о Хуыцау, нӕ фарс чи хӕцы+, уый.
29 Иерусалимы дын цы кувӕндон ис+, уый тыххӕй дынПаддзӕхтӕ ӕрхӕсдзысты лӕвӕрттӕ+.
30 Ныссабыр кӕн хъӕзты ’хсӕн цӕрӕг сырды+, галты рӕгъау+Ӕмӕ адӕмты уӕнгуыты. Уыдонӕй алчидӕр йӕ къӕхты бын ссӕнды ӕвзист+.Уый алырдӕмты ныххӕлиу кодта хӕстмондаг адӕмты+.
31 Египетӕй ӕрцӕудзӕн бронзӕйӕ конд дзауматӕ+,Куш* уайтагъд бадардзӕн Хуыцаумӕ лӕвӕрттӕ+.
32 О зӕххон паддзахӕдтӕ, зарут Хуыцауӕн+,Зарут Йегъовӕйӕн (села́),
33 Ӕнусон арвы бӕрзӕндтыл чи рацӕуы, уымӕн+.Хъусут! Йӕ хъӕлӕс, йӕ тыхджын хъӕлӕс, нӕры+.
34 Басӕттут, Хуыцау стыр хъаруйы хицау кӕй у, ууыл+.Уымӕн йӕ бар цӕуы Израилыл, йӕ хъару ис мигъты+.
35 Хуыцау йӕ кадджын кувӕндонӕй куы рацӕуы, уӕд хъуын арц сбады+.Уый у Израилы Хуыцау, йӕ адӕмӕн дӕтты тых ӕмӕ хъомыс+.Табу Хуыцауӕн+.
