මේ කොටසෙන් ක්‍රිස්තියානි ග්‍රීක ලියවිල්ල හඳුන්වලා දෙනවා. යේසුස් ඉපදුණේ පුංචි නගරයක ජීවත් වුණු අහිංසක පවුලක. වඩු වැඩ කරපු තාත්තත් එක්ක යේසුත් වැඩ කළා. යේසුස්ට තමයි මිනිසුන්ව ගලවගන්න පැවරුම ලැබුණේ. දේවරාජ්‍යයේ රජු විදිහට යෙහෝවා දෙවි තෝරගෙන තිබුණේ යේසුස්ව. දරුවෙක් විදිහට යේසුස්ට හැදී වැඩෙන්න සුදුසුම පවුලක් සුදුසුම පරිසරයක් යෙහෝවා දෙවි තෝරගත්ත විදිහ ගැන දරුවගේ හිතේ අගයක් ඇති කරන්න. යෙහෝවා දෙවි හෙරොද්ගෙන් යේසුස්ව ආරක්ෂා කරගත්තේ කොහොමද කියලත් දෙවිගේ අරමුණ වෙනස් කරන්න කිසිම දේකට බැරි ඇයි කියලත් බලන්න. යේසුස්ගේ මාර්ගය සකසන්න යෙහෝවා දෙවි යොහන්ව පාවිච්චි කළේ කොහොමද කියලත් ඉගෙනගන්න. පුංචි කාලේ ඉඳන්ම යෙහෝවා දෙවි ගැන කතා කරන්න යේසුස්ට කොච්චර ආසාවක් තිබුණද කියලත් කාවද්දන්න.