ஆம். “நானே வழியும் சத்தியமும் வாழ்வுமாக இருக்கிறேன். என் மூலமாக மட்டுமே ஒருவரால் தகப்பனிடம் வர முடியும்” என்று இயேசு சொன்ன வார்த்தைகளை நாங்கள் நம்புகிறோம். (யோவான் 14:6) இயேசு பரலோகத்திலிருந்து பூமிக்கு வந்து தம்முடைய பரிபூரண உயிரை மனிதர்களுக்காக மீட்பு பலியாக கொடுத்ததை நாங்கள் விசுவாசிக்கிறோம். (மத்தேயு 20:28) இயேசுவின் மரணத்திலும் உயிர்த்தெழுதலிலும் விசுவாசம் வைக்கிறவர்களுக்கு முடிவில்லா வாழ்க்கை கிடைக்கும். (யோவான் 3:16) கடவுளுடைய பரலோக அரசாங்கத்தின் ராஜாவாக இயேசு இப்பொழுது ஆட்சி செய்துகொண்டிருக்கிறார் என்பதையும் அது சீக்கிரத்தில் பூமி முழுவதிலும் சமாதானத்தை கொண்டுவரும் என்பதையும் நாங்களும் நம்புகிறோம். (வெளிப்படுத்துதல் 11:15) என்றாலும், “என் தகப்பன் என்னைவிடப் பெரியவர்” என்று இயேசு சொன்ன வார்த்தைகளை நாங்கள் அப்படியே ஏற்றுக்கொள்கிறோம். (யோவான் 14:28) அவர் சர்வவல்லமையுள்ள கடவுள் என்று நாங்கள் நம்புவதில்லை என்பதால் நாங்கள் இயேசுவை வணங்குவதில்லை.