Ngaba Ukungcakaza Sisono?
Impendulo esuka eBhayibhileni
Nangona iBhayibhile ingathethi ngokweenkcukacha ngokungcakaza, sinokuzigqibela ngokusuka kwimigaqo yeBhayibhile ukuba kusisono.—Efese 5:17. a
Ukungcakaza kwenziwa kukunyoluka, nto leyo ayithiyileyo uThixo. (1 Korinte 6:9, 10; Efese 5:3, 5) Abantu abangcakazayo baba nethemba lokufumana imali eziinyembezi zabanye, kodwa iBhayibhile iyakwalela ukufuna izinto zabanye.—Eksodus 20:17; Roma 7:7; 13:9, 10.
Nkqu nokungcakaza ngemali encinci kunokuvusa umnqweno ombi wokuthanda imali.—1 Timoti 6:9, 10.
Abantu abangcakazayo badla ngokuthembela kwimilingo okanye ithamsanqa. Noko ke, uThixo ukujonga njengokunqula izithixo oko, nto leyo eyahluke mpela kunqulo lwakhe.—Isaya 65:11.
Endaweni yokukhuthaza ukufumana into ongayisebenzelanga, iBhayibhile ikhuthaza ukusebenza nzima. (INtshumayeli 2:24; Efese 4:28) Abo balandela icebiso leBhayibhile ‘banokutya ukutya abazizuzele ngokwabo.’—2 Tesalonika 3:10, 12.
Ukungcakaza kunokuvusa umoya ombi wokhuphiswano, nto leyo eyalelwayo yiBhayibhile.—Galati 5:26.
a Ukungcakaza kuchazwa eBhayibhileni xa kuthethwa ngamajoni amaRoma awenza amaqashiso, okanye angcakaza kuba efuna iimpahla zikaYesu.—Mateyu 27:35; Yohane 19:23, 24.
Mhlawumbi Ungayithanda Nale
IMIBUZO YEBHAYIBHILE IYAPHENDULWA
Iingxaki Zemali Namatyala—Ngaba IBhayibhile Ingakunceda
Imali ayiluzisi ulonwabo, Kodwa imigaqo yeBhayibhile emine ingakunceda kwizinto eziphathelele imali.
IMIXHOLO ENGAKUMBI
Izinto Onokuzenza Xa Unexhala
Ngawaphi amacebiso neevesi zeBhayibhile anokukunceda uyeke ukuba nexhala kakhulu?
UVUKANI!
Indlela Yokuphepha Ukusafaza Imali
Funda ngamacebiso amathandathu anokukuneda ukuze ungayisafazi imali.
INKCAZELO ENGAKUMBI NGATHI
Cela Ukufundelwa IBhayibhile
Fumana izifundo zeBhayibhile simahla ngexesha nakwindawo ekulungeleyo.