JUNE 28, 2018
SOUTH KOREA
Ìdájọ́ Tó Ṣàrà Ọ̀tọ̀ ní Ilé Ẹjọ́ Tó Ń Rí Sí Ẹ̀tọ́ Ọmọnìyàn Nílẹ̀ Korea: Kò Bófin Mu Bí Kò Ṣe Sí Iṣẹ́ Míì Téèyàn Lè Fi Sìnlú
Ọjọ́ kejìdínlọ́gbọ̀n oṣù June, ọdún 2018 ni ìgbà àkọ́kọ́ nínú ìtàn ilẹ̀ South Korea tí Ilé Ẹjọ́ Tó Ń Rí Sí Ẹ̀tọ́ Ọmọnìyàn máa sọ pé apá kan lára Ìlànà Iṣẹ́ Ológun Ilẹ̀ Korea, ìyẹn “Korea’s Military Service Act (MSA)” kò bófin mu, torí pé kò gba àwọn tí ẹ̀rí ọkàn wọn ò jẹ́ kí wọ́n ṣiṣẹ́ ológún láyè láti ṣe iṣẹ́ míì. Ìdájọ́ tó ṣàrà ọ̀tọ̀ yìí ló máa yí ìlànà “MSA” tó ti wà látọdún márùndínláàádọ́rin (65) sẹ́yìn pa dà, ìyẹn ìdájọ́ tó sọ pé kí àwọn tí ẹ̀rí ọkàn wọn ò jẹ́ kí wọ́n ṣiṣẹ́ ológun máa lọ sẹ́wọ̀n.
Láti ọdún 1953, ó ju ẹgbẹ̀rún mọ́kàndínlógún ó lé ọgọ́rùn-ún mẹ́ta (19,300) àwọn ará wa tí wọ́n ti rán lẹ́wọ̀n ẹgbẹ̀rún mẹ́rìndínlógójì ó lé ọgọ́rùn-ún méje (36,700) ọdún lápapọ̀. Ilé Ẹjọ́ Gíga Jù Lọ Nílẹ̀ Korea á lè lo ìdájọ́ tí Ilé Ẹjọ́ yìí ṣe nínú ọ̀rọ̀ ọ̀kọ̀ọ̀kan àwọn tí ẹ̀rí ọkàn wọn ò jẹ́ kí wọ́n ṣiṣẹ́ ológun. Yàtọ̀ síyẹn, ó ti wá di dandan pé káwọn tó wà nílé ìgbìmọ̀ aṣòfin ilẹ̀ Korea dá iṣẹ́ míì téèyàn lè fi sìnlú sílẹ̀, ó pẹ́ tán December 31, 2019. Iṣẹ́ yìí làwọn tí ẹ̀rí ọkàn wọn ò jẹ́ kí wọ́n ṣiṣẹ́ ológún á máa ṣe.
Gbogbo wa la bá àwọn ará wa ní Korea yọ̀ pé ohun tó máa fòpin sí ìwà ìrẹ́jẹ tí wọ́n ti ń hù sí wọn láti ọ̀pọ̀ ọdún ti ṣeé ṣe.—Òwe 15:30.
O Tún Lè Wo
ÌRÒYÌN
Àwọn Ará ní South Korea Ní Ìgbàgbọ́ àti Ìgboyà—Wọ́n Kọ̀ Láti Wọṣẹ́ Ológun
Látọdún 1953 ni ìjọba orílẹ̀-èdè Korea ti ń fi àwọn ọ̀dọ́kùnrin tó jẹ́ Ẹlẹ́rìí Jèhófà sẹ́wọ̀n torí wọ́n kọ̀ láti wọṣẹ́ ológun. Àmọ́, èyí yí pa dà ní February 2019. Kọ́ nípa bí ọ̀rọ̀ ṣe wá dé ibi tó dé yìí.
ÌRÒYÌN
Àwọn Ilé Ẹjọ́ ní South Korea Túbọ̀ Ń Wá Ojútùú Sọ́rọ̀ Àwọn Tí Ẹ̀rí Ọkàn Ò Jẹ́ Kí Wọ́n Ṣiṣẹ́ Ológun
Dípò káwọn adájọ́ ní South Korea máa rán àwọn tí ẹ̀rí ọkàn ò jẹ́ kí wọ́n ṣiṣẹ́ ológun lọ sẹ́wọ̀n, ṣe ni wọ́n túbọ̀ ń wá àfidípò iṣẹ́ ológun fún wọn.
ÌRÒYÌN
Ọ̀pọ̀ Èèyàn Sọ Pé Ó Yẹ Kí Ìjọba South Korea Bọ̀wọ̀ fún Ẹ̀tọ́ Àwọn Tí Kò Fẹ́ Wọṣẹ́ Ológun
Bó tilẹ̀ jẹ́ pé ilé ẹjọ́ kò tíì sọ ìpinnu ìjọba South Korea lórí ọ̀rọ̀ àwọn tí ẹ̀rí ọkàn wọn kò gbà láyè láti wọṣẹ́ ológun, síbẹ̀ ọ̀pọ̀ ló sọ èrò wọn lórí ọ̀rọ̀ yìí.