VEYE! No. 2 2018 | 12 Sekre pour en fanmir ere
12 Sekre pour en fanmir ere
Nou tann koz lo bokou problenm ki arive dan bann fanmir. Me kwa ki fer en fanmir ere?
Dapre en resers ki ti ganny fer Lanmerik, ant 1990 ziska 2015, lakantite dimoun ki’n divorse in vin de fwa plis pour bann dimoun ki annan plis ki 50 an e trwa fwa plis pour bann ki annan plis ki 65 an.
Paran i konfize akoz serten eksper i dir ki fodre kontinyen felisit zot zanfan tandis ki lezot i dir fodre pli sever pour kapab ed zot.
Bann zenn pe vin adilt e zot napa sa abilite ki neseser pour zot reisi.
Par kont . . .
Lavi maryaz i kapab vreman gou e dire pour touzour.
Paran i kapab aprann disiplin zot zanfan avek lanmour.
Bann zenn i kapab ganny sa abilite ki neseser pour vin adilt.
Ki mannyer zot kapab fer sa? Sa magazin i koz lo 12 sekre ki kapab ed en fanmir ere.
1: Fidelite
Trwa keksoz ki kapab ed en koup reste ansanm.
2: Travay ansanm
Eski ou konzwen i parey en dimoun ki zis reste dan menm lakaz avek ou?
3: Respe
Aprann ki parol ek aksyon ki enportan pour fer sir ou konzwen i santi ou respekte li.
4: Pardonnen
Kwa ki kapab ed ou pa vwar zis lenperfeksyon ou konzwen?
5: Kominikasyon
Trwa keksoz enportan ki kapab ed ou vin pli pros avek ou zanfan.
6: Disiplin
Eski disiplin i fer en zanfan krwar ki i pa vo nanryen?
7: Valer moral
Ki bann standar ki ou devret ansenny ou zanfan?
8: Donn legzanp
Si ou anvi ou zanfan i ekout ou, ou bezwen fer sa ki ou dir.
9: Sa ki ou ete
Ki mannyer bann zenn i kapab defann sa ki zot krwar ladan?
10: Diny konfyans
Ler ou ganny konfyans ou paran sa pou ed ou vin en adilt responsab.
11: Travay dir
Ler ou aprann ki mannyer pour travay dir depi byen zenn sa pou ed ou pour reisi dan tou sa ki ou fer.
12: Lobzektif
Ler ou atenn ou bann lobzektif, sa i kapab fer ou vin pli konfidan, ranforsi ou lanmitye avek lezot e fer ou pli ere.
Plis led pour bann fanmir
Bann konsey Labib i kapab ed ou pour annan en maryaz e en fanmir ere.
