Sòm 79:1-13
Yon chante Asaf te ekri+.
79 O Bondye, nasyon yo anvayi eritaj ou a+,Yo derespekte tanp ou an ki sakre+,Yo fè Jerizalèm tounen yon pil dekonm+.
2 Yo kite kadav sèvitè w yo pou yo tounen manje pou zwazo nan syèl la,Yo kite bèt sovaj ki sou tè a manje kadav sèvitè fidèl ou yo+.
3 Yo vide san yo tankou dlo toutotou JerizalèmE pa gen moun ki rete pou antere yo+.
4 Vwazen nou yo ap pale nou mal+,Tout moun ki bò kote nou yo ap pase nou nan rizib, y ap bat plezi sou nou.
5 O Jewova, jis ki lè w ap ret an kòlè kont nou? Èske se pou toutan+?Jis ki lè kòlè w ap sispann monte tankou yon flanm dife+?
6 Lage kòlè w sou nasyon ki pa konnen w yo,E sou wayòm ki pa envoke non w yo+,
7 Paske, yo detwi desandan Jakòb yoE yo ravaje peyi yo a+.
8 Pa fè nou responsab erè zansèt nou yo+.Montre ou gen pitye pou nou, pa pran tan pou w fè sa+,Paske, nou tonbe ba anpil.
9 Ede nou, o Bondye delivrans nou an+,Poutèt non w ki gen glwa.Delivre nou epi padone* peche nou yo poutèt non w+.
10 Poukisa pou nasyon yo ta di: “Kote Bondye yo a+?”Fè nou wè lè w ap fè nasyon yo konnenOu vanje sèvitè w yo poutèt yo te fè san yo koule+.
11 Se pou w tande prizonye k ap plenn nan+.Sèvi ak kokennchenn fòs ou genyen an* pou w delivre* moun ki kondane amò yo*+.
12 O Jewova, se pou w fè vwazen nou yo peye sèt fwa+Poutèt fason yo te montre yo pa gen respè pou ou a+.
13 Lè sa a, nou menm pèp ou a, mouton ki nan patiraj ou yo+,N ap remèsye w pou toutan,N ap fè louwanj pou ou jenerasyon apre jenerasyon+.
Nòt anba paj
^ Lit.: “kouvri”.
^ Lit.: “ak bra w”.
^ Se kapab tou: “libere”.
^ Lit.: “pitit gason lanmò yo”.
