Սաղմոս 119։1-176
א [Ա՛լեֆ]
119 Երջանիկ են նրանք, ում ճանապարհն անարատ է+,Ովքեր Եհովայի օրենքի մեջ են քայլում+։
2 Երջանիկ են նրանք, ովքեր պահում են նրա հիշեցումները+,Ամբողջ սրտով նրան են փնտրում+։
3 Նրանք անարդարություն չեն գործում+,Նրա ճանապարհներով են քայլում+։
4 Դու մեզ կարգադրեցիրՄանրամասնորեն կատարել+ քո պատվերները+։
5 Երանի՜ թե հաստատուն լինեին իմ ճանապարհները+՝Քո կանոնները պահելու համար+։
6 Այդ ժամանակ ես ամոթ չէի զգա+Քո բոլոր պատվիրաններին ուշադրություն դարձնելիս+։
7 Կգովերգեմ քեզ ուղիղ սրտով+,Երբ սովորեմ քո արդար դատավճիռները+։
8 Քո կանոնները ես շարունակում եմ պահել+։
Մի՛ լքիր ինձ բնավ+։
ב [Բեթ]
9 Երիտասարդն+ ինչպե՞ս մաքրի իր ճանապարհը.
Քո խոսքի համաձայն իրեն հսկելով+։
10 Ամբողջ սրտով ես քեզ եմ փնտրում+։
Մի՛ թող, որ շեղվեմ քո պատվիրաններից+։
11 Քո խոսքերը սրտիս մեջ եմ պահել+,Որ քո դեմ մեղք չգործեմ+։
12 Օրհնյա՛լ ես դու, ո՛վ Եհովա։Սովորեցրո՛ւ ինձ քո կանոնները+։
13 Իմ շրթունքներով պատմում եմ+Քո բերանի բոլոր դատավճիռները+։
14 Քո հիշեցումների ճանապարհով ես ցնծում եմ+,Ինչպես որ մյուս բոլոր թանկարժեք բաներով եմ ցնծում+։
15 Պիտի խորհրդածեմ քո կարգադրությունների շուրջ+Եվ պիտի ուշ դարձնեմ քո շավիղներին+։
16 Պիտի թանկ գնահատեմ քո կանոնները+
Եվ քո խոսքը չպիտի մոռանամ+։
ג [Գի՛մել]
17 Բարի՛ք արա քո ծառային, որ ապրեմ+Եվ քո խոսքը պահեմ+։
18 Բա՛ց արա աչքերս, որ տեսնեմ+Քո օրենքի սքանչելիքները+։
19 Ես ընդամենը պանդուխտ եմ այս երկրում+։
Մի՛ թաքցրու ինձանից քո պատվիրանները+։
20 Հոգիս մաշվել էՔո դատավճիռներն+ ամեն ժամանակ փափագելուց+։
21 Դու սաստում ես անիծյալ հանդուգն մարդկանց+,Ովքեր շեղվում են քո պատվիրաններից+։
22 Վերցրո՛ւ ինձանից նախատինքն ու արհամարհանքը+,Որովհետև ես պահում եմ քո հիշեցումները+։
23 Իշխանները նստում և իմ դեմ են խոսում+,Իսկ ծառադ քո կանոնների մասին է խորհում+։
24 Ինձ համար թանկ են քո հիշեցումները+,Որոնք ասես իմ խորհրդականները լինեն+։
ד [Դա՛լեթ]
25 Հոգիս հողին է կպել+։
Կենդանի՛ պահիր ինձ քո խոսքի համաձայն+։
26 Ես պատմեցի իմ ճանապարհների մասին, որ պատասխանես ինձ+։Սովորեցրո՛ւ ինձ քո կանոնները+։
27 Հասկացրո՛ւ ինձ քո պատվերների ճանապարհը+,Որ կարողանամ քո զարմանահրաշ գործերի մասին խորհել+։
28 Հոգիս տրտմությունից կորցրել է քունը+։
Հաստատի՛ր ինձ քո խոսքի համաձայն+։
29 Հեռացրո՛ւ ինձանից ստության ճանապարհը+Եվ հաճությո՛ւնդ ցույց տուր ինձ՝ սովորեցնելով քո օրենքը+։
30 Ես հավատարմության ճանապարհն եմ ընտրել+։
Քո դատավճիռներն արդար եմ համարում+։
31 Ես քո հիշեցումներին+ եմ կառչել։
Ո՛վ Եհովա, մի՛ ամաչեցրու ինձ+։
32 Քո պատվիրանների ճանապարհով պիտի վազեմ+,Որովհետև դու լայնացնում ես իմ սիրտը+։
ה [Հե]
33 Սովորեցրո՛ւ ինձ, ո՛վ Եհովա, քո կանոնների ճանապարհը+,Որպեսզի մինչև վերջ պահեմ այն+։
34 Հասկացողությո՛ւն տուր ինձ, որ քո օրենքը կատարեմ+Եվ ամբողջ սրտով պահեմ այն+։
35 Առաջնորդի՛ր ինձ քո պատվիրանների շավիղներով+,Քանի որ դրա մեջ եմ ես ուրախություն գտնում+։
36 Խոնարհեցրո՛ւ իմ սիրտը դեպի քո հիշեցումները+Եվ ոչ թե դեպի շահույթը*+։
37 Աչքերս հեռացրո՛ւ անարժան բաներ տեսնելուց+,Կենդանի՛ պահիր ինձ քո ճանապարհին+։
38 Կատարի՛ր քո ծառային տված խոսքերդ+,Որոնք սովորեցնում են վախենալ քեզանից+։
39 Հեռացրո՛ւ ինձանից իմ նախատինքը, որից ես սարսափում եմ+,Որովհետև արդար են քո դատավճիռները+։
40 Ահա ես քո պատվերներին եմ փափագում+։
Քո արդարությամբ կենդանի՛ պահիր ինձ+։
ו [Վավ]
41 Թող որ ինձ մոտ գա քո սիրառատ բարությունը, ո՛վ Եհովա+,Քո փրկությունը՝ խոսքերիդ համաձայն+,
42 Որպեսզի խոսքով պատասխան տամ ինձ նախատողին+,Որովհետև քո խոսքին եմ ես ապավինում+։
43 Ճշմարտության խոսքը ամենևին մի՛ հեռացրու իմ բերանից+,Որովհետև քո դատավճռին եմ ես սպասում+։
44 Միշտ պիտի պահեմ քո օրենքը+,Դարեդար, այո՛, հավիտյան+։
45 Ազատության մեջ պիտի քայլեմ+,Որովհետև քո պատվերներն եմ միշտ փնտրել+։
46 Քո հիշեցումների մասին պիտի թագավորների առաջ խոսեմ+,Եվ չպիտի ամաչեմ+։
47 Ինձ համար թանկ կլինեն քո պատվիրանները+,Որոնք ես սիրում եմ+։
48 Ձեռքերս դեպի պատվիրաններդ պիտի բարձրացնեմ, որոնք սիրում եմ+,Եվ քո կանոնների մասին պիտի խորհեմ+։
ז [Զային]
49 Հիշի՛ր քո ծառային տրված խոսքը+,Որին ես սպասում եմ քո խոստման համաձայն+։
50 Սա է իմ մխիթարությունը իմ նեղության մեջ+,Որովհետև քո խոսքերը պահպանեցին իմ կյանքը+։
51 Հանդուգն մարդիկ չափից շատ ինձ ծաղրեցին+,Բայց քո օրենքից ես չշեղվեցի+։
52 Հիշում եմ քո դատավճիռները, որ հավիտենից են, ո՛վ Եհովա+,Եվ մխիթարություն եմ գտնում+։
53 Սաստիկ զայրույթ է ինձ բռնում այն ամբարիշտների պատճառով+,Որոնք թողնում են քո օրենքը+։
54 Քո կանոններն ինձ համար երգեր եղան+Իմ պանդխտության տան մեջ+։
55 Գիշերը ես հիշում էի քո անունը, ո՛վ Եհովա+,Որ քո օրենքը պահեի+։
56 Այս ամենը պատահեց ինձ,Քանի որ քո պատվերներն էի կատարում+։
ח [Խեթ]
57 Եհովան իմ բաժինն է+.Ես խոստացա պահել քո խոսքերը+։
58 Իմ ամբողջ սրտով քո հավանությունը փնտրեցի*+։Ցո՛ւյց տուր ինձ բարեհաճությունդ՝ քո խոսքերի համաձայն+։
59 Ես խորհեցի իմ ճանապարհների մասին+,Որպեսզի ոտքերս հետ բերեմ դեպի քո հիշեցումները+։
60 Շտապեցի և չդանդաղեցի+Պահել քո պատվիրանները+։
61 Ամբարիշտների պարաններն օղակեցին ինձ+,Բայց քո օրենքը ես չմոռացա+։
62 Կեսգիշերին վեր եմ կենում՝ քեզ շնորհակալություն հայտնելու+Քո արդար դատավճիռների+ համար։
63 Ես ընկեր եմ բոլոր նրանց, ովքեր վախենում են քեզանից+,Եվ ովքեր պահում են քո պատվերները+։
64 Քո սիրառատ բարությունը, ո՛վ Եհովա, լցրել է երկիրը+։Սովորեցրո՛ւ ինձ քո կանոնները+։
ט [Տեթ]
65 Դու լավ վարվեցիր քո ծառայի հետ+,Ո՛վ Եհովա, քո խոսքի համաձայն+։
66 Առաքինություն*+ և խելամտություն+ սովորեցրու ինձ, իմացություն տուր+,Քանի որ հավատ եմ ընծայում քո պատվիրաններին+։
67 Նախքան նեղության մեջ ընկնելը ես սխալմամբ մեղք էի գործում+,Բայց հիմա պահում եմ քո խոսքերը+։
68 Բարի ես դու և բարիք ես անում+։
Սովորեցրո՛ւ ինձ քո կանոնները+։
69 Հանդուգն մարդիկ ստությամբ արատավորում են իմ անունը+,Մինչդեռ ես իմ ողջ սրտով քո պատվերներն եմ կատարելու+։
70 Նրանց սիրտը ճարպի պես անզգա է դարձել+,Իսկ ինձ համար թանկ է քո օրենքը+։
71 Ինձ համար բարի է, որ չարչարվում եմ+,Որպեսզի սովորեմ քո կանոնները+։
72 Քո բերանի օրենքը+ ինձ համար ավելի բարի է+,Քան ոսկու և արծաթի հազարավոր կտորները+։
י [Յոդ]
73 Քո ձեռքերն են ստեղծել ու հաստատել ինձ+։
Հասկացողությո՛ւն տուր ինձ, որ սովորեմ քո պատվիրանները+։
74 Քեզանից վախեցողները տեսնում են ինձ և ուրախանում+,Որովհետև քո խոսքին եմ ես սպասում+։
75 Գիտեմ, ո՛վ Եհովա, որ քո դատավճիռներն արդարություն են+,Եվ որ դու, հավատարմություն ցույց տալով, պատժեցիր ինձ+։
76 Թող քո սիրառատ բարությունը ինձ համար մխիթարություն լինի+՝Ծառայիդ տված քո խոսքերի համաձայն+։
77 Թող քո ողորմությունը ինձ մոտ գա, որ ապրեմ+,Որովհետև քո օրենքը թանկ է ինձ համար+։
78 Թող հանդուգն մարդիկ ամոթով մնան, որովհետև առանց պատճառի մոլորեցրին ինձ+։Իսկ ես քո պատվերների մասին եմ խորհում+։
79 Թող ինձ մոտ դառնան քեզանից վախեցողները+Եվ քո հիշեցումներն իմացողները+։
80 Թող իմ սիրտը անարատությամբ պահի քո կանոնները+,Որպեսզի ամոթով չմնամ+։
כ [Քաֆ]
81 Քո փրկության համար հոգիս մաշվում է+,Որովհետև քո խոսքին եմ սպասում+։
82 Աչքերս մաշվում են քո խոսքերի համար+,Եվ ես ասում եմ. «Ե՞րբ պիտի մխիթարես ինձ»+։
83 Ծխի մեջ կախված տկի+ պես եմ դարձել,Բայց քո կանոնները չեմ մոռացել+։
84 Որքա՞ն են քո ծառայի օրերը+։
Ե՞րբ պիտի դատաստանի ենթարկես ինձ հալածողներին+։
85 Հանդուգն մարդիկ փոսեր են փորել, որ բռնեն ինձ+.Նրանք չեն վարվում քո օրենքի համաձայն+։
86 Քո բոլոր պատվիրանները հավատարմություն են+։
Առանց պատճառի նրանք ինձ հալածում են։ Օգնի՛ր ինձ+։
87 Մի փոքր ևս, և նրանք բնաջինջ կանեին ինձ երկրի վրայից+,Բայց ես չեմ թողել քո պատվերները+։
88 Քո սիրառատ բարության համաձայն պահպանի՛ր իմ կյանքը+,Որպեսզի պահեմ քո բերանի հիշեցումը+։
ל [Լա՛մեդ]
89 Քո խոսքը, ո՛վ Եհովա,Հավիտյան+ հաստատված է երկնքում+։
90 Քո հավատարմությունը սերնդից սերունդ է+։Դու ամուր հաստատել ես երկիրը, որ այն կանգուն մնա+։
91 Քո դատավճիռների համաձայն նրանք մինչև այսօր կանգուն են+,Որովհետև նրանք բոլորը քո ծառաներն են+։
92 Եթե քո օրենքը թանկ չլիներ ինձ համար+,Ապա ես կործանված կլինեի իմ տառապանքի մեջ+։
93 Հավիտյան չեմ մոռանա քո պատվերները+,Որովհետև նրանց շնորհիվ դու պահպանեցիր իմ կյանքը+։
94 Քո՛նն եմ ես։ Փրկի՛ր ինձ+,Քանի որ քո պատվերներն եմ փնտրում+։
95 Ամբարիշտները սպասում են ինձ, որ կործանեն+,Բայց ես ուշադիր եմ քո հիշեցումների հանդեպ+։
96 Ամեն կատարելության սահմանը տեսա+։Քո պատվիրանը շատ ընդարձակ է։
מ [Մեմ]
97 Որքա՜ն եմ սիրում քո օրենքը+։
Ողջ օրը նրա մասին եմ խորհրդածում+։
98 Քո պատվիրանը ինձ ավելի իմաստուն է դարձնում իմ թշնամուց+,Որովհետև հավիտյան իմն է այն+։
99 Բոլոր ուսուցիչներիցս ավելի խորամիտ եղա+,Որովհետև քո հիշեցումների մասին եմ խորհում+։
100 Ավելի մեծ հասկացողությամբ եմ վարվում, քան տարեցները+,Որովհետև քո պատվերներն եմ կատարում+։
101 Ամեն չար ճանապարհից ոտքերս հետ եմ քաշում+,Որպեսզի քո խոսքը պահեմ+։
102 Քո դատավճիռներից ես չեմ շեղվում+,Որովհետև դու ես ինձ սովորեցնում+։
103 Որքա՜ն հաճելի են իմ քիմքին քո խոսքերը,Ավելի հաճելի են, քան մեղրն իմ բերանին+։
104 Քո պատվերների շնորհիվ ես հասկացողությամբ եմ վարվում+։
Ահա թե ինչու ստության ամեն մի ճանապարհ ես ատում եմ+։
נ [Նուն]
105 Քո խոսքը ճրագ է իմ ոտքերի համար+Եվ լույս՝ իմ ճանապարհի համար+։
106 Ես երդվեցի պահել քո արդար դատավճիռները+Եվ կկատարեմ+։
107 Ես սաստիկ տառապում եմ+.
Ո՜վ Եհովա, պահպանի՛ր իմ կյանքը քո խոսքի համաձայն+։
108 Խնդրո՛ւմ եմ, թող քեզ հաճելի լինեն կամավոր ընծաներն իմ բերանի, ո՜վ Եհովա+,Սովորեցրո՛ւ ինձ քո դատավճիռները+։
109 Հոգիս մշտապես վտանգի մեջ է*+,Բայց քո օրենքը ես չեմ մոռանում+։
110 Ամբարիշտները որոգայթ են լարել ինձ համար+,Սակայն քո պատվերներից ես չեմ շեղվել+։
111 Քո հիշեցումները ես հավիտյան ընդունել եմ+,Որովհետև դրանք իմ սրտի ցնծությունն են+։
112 Խոնարհեցրել եմ սիրտս, որ քո կանոնները կատարեմ+Առհավետ, մինչև վերջ+։
ס [Սա՛մեխ]
113 Կես սիրտ ունեցողներին ես ատում եմ+,Իսկ քո օրենքը սիրում եմ+։
114 Դո՛ւ ես իմ պատսպարանն ու իմ վահանը+,Քո խոսքին եմ ես սպասում+։
115 Հեռացե՛ք ինձանից, չարագործնե՛ր+,Որպեսզի կարողանամ իմ Աստծու պատվիրանները պահել+։
116 Օգնի՛ր ինձ քո խոսքի համաձայն, որ ապրեմ+,Եվ մի՛ ամաչեցրու ինձ իմ հույսի համար+։
117 Ամրապնդի՛ր ինձ, որ փրկվեմ+,Եվ ես շարունակ քո կանոնների մեջ խորամուխ կլինեմ+։
118 Դու մերժում ես բոլոր նրանց, ովքեր շեղվում են քո կանոններից+,Որովհետև նրանց խորամանկությունը ստություն է+։
119 Ինչպես խարամ, դու վերացնում ես երկրի բոլոր ամբարիշտներին+,
Դրա համար էլ սիրում եմ քո հիշեցումները+։
120 Մարմինս դողում է քո ահից+,Եվ ես վախենում եմ քո դատավճիռներից+։
ע [Ային]
121 Արդարադատություն և արդարություն եմ գործում+։
Մի՛ մատնիր ինձ իմ նեղողների ձեռքը+։
122 Երաշխավորի՛ր քո ծառային, որ նրան բարիք լինի+։Թող որ հանդուգն մարդիկ չնեղեն ինձ+։
123 Աչքերս մաշվել են քո փրկությանը+Եվ քո արդար խոսքին սպասելուց+։
124 Ծառայիդ հետ վարվիր քո սիրառատ բարության համաձայն+Եվ սովորեցրո՛ւ ինձ քո կանոնները+։
125 Ես քո ծառան եմ+։ Հասկացողությո՛ւն տուր ինձ+,Որ իմանամ քո հիշեցումները+։
126 Ժամանակն է, որ Եհովան գործի անցնի+։Նրանք խախտում են քո օրենքը+։
127 Իսկ ես սիրում եմ քո պատվիրանները+Ոսկուց, այո՛, զտված ոսկուց էլ ավելի+։
128 Ահա թե ինչու բոլոր բաների վերաբերյալ քո բոլոր պատվերները ես արդար եմ համարում+։Ատում եմ ստության ամեն մի ճանապարհ+։
פ [Փե]
129 Սքանչելի են քո հիշեցումները+,
Դրա համար էլ իմ հոգին պահում է դրանք+։
130 Քո խոսքերի հայտնությունը լույս է տալիս+,Հասկացողությամբ է օժտում անփորձներին+։
131 Բերանս լայն բաց եմ անում, որ շունչ առնեմ+,Որովհետև քո պատվիրաններին եմ փափագում+։
132 Դարձի՛ր դեպի ինձ և ցո՛ւյց տուր հաճությունդ+,Ինչպես որ վճռել ես վարվել քո անունը սիրողների հետ+։
133 Հաստատի՛ր իմ քայլերը քո խոսքի մեջ+,Եվ թող ոչ մի չար բան չտիրի ինձ վրա+։
134 Փրկագնի՛ր ինձ բոլոր խաբեբա մարդկանցից+,Եվ ես կկատարեմ քո պատվերները+։
135 Երեսդ շողացրո՛ւ քո ծառայի վրա+Եվ սովորեցրո՛ւ ինձ քո կանոնները+։
136 Ջրերի վտակներ են հոսում իմ աչքերից+Այն բանի համար, որ քո օրենքը չեն պահում+։
צ [Ցա՛դե]
137 Արդա՛ր ես դու, ո՛վ Եհովա+,Եվ ուղի՛ղ են քո դատավճիռները+։
138 Քո արդարությամբ ու չգերազանցված հավատարմությամբ+Դու պատվիրեցիր մեզ պահել քո հիշեցումները+։
139 Իմ նախանձախնդրությունը սպանում է ինձ+,Որովհետև հակառակորդներս մոռացել են քո խոսքերը+։
140 Քո խոսքը անչափ մաքուր է+,Եվ քո ծառան սիրում է այն+։
141 Ես աննշան եմ ու անարգված+,Բայց քո պատվերները չեմ մոռացել+։
142 Քո արդարությունը հավիտենական արդարություն է+,Եվ քո օրենքը ճշմարտություն է+։
143 Նեղություններ ու դժվարություններ եմ կրել+,Բայց ինձ համար թանկ են եղել քո պատվիրանները+։
144 Քո հիշեցումների արդարությունը հավիտենական է+։Հասկացողությո՛ւն տուր ինձ, որ շարունակեմ ապրել+։
ק [Կոֆ]
145 Ամբողջ սրտով կանչում եմ քեզ+։ Պատասխանի՛ր ինձ, ո՛վ Եհովա+։
Ես կպահեմ քո կանոնները+։
146 Քե՛զ եմ կանչում։ Փրկի՛ր ինձ+,
Եվ ես կպահեմ քո հիշեցումները+։
147 Լույսը դեռ չբացված+՝ վեր եմ կենում և օգնություն աղերսում+։Քո խոսքերին եմ ես սպասում+։
148 Աչքերս գիշերվա պահերից առաջ են զարթնում+,Որպեսզի խոսքերիդ շուրջ խորհրդածեմ+։
149 Լսի՛ր իմ ձայնը քո սիրառատ բարությամբ+։
Ո՜վ Եհովա, դատավճռիդ համաձայն պահպանի՛ր իմ կյանքը+։
150 Մոտենում են նրանք, ովքեր ագահորեն անառակ վարքին+ են տրվել,Նրանք շատ են հեռացել քո օրենքից+։
151 Դու մոտ ես, ո՛վ Եհովա+,Եվ քո բոլոր պատվիրանները ճշմարտություն են+։
152 Վաղուց ի վեր հայտնի են ինձ քո հիշեցումներից+ մի քանիսը.Դու հավիտյան հաստատեցիր դրանք+։
ר [Ռեշ]
153 Տե՛ս տառապանքս ու ազատի՛ր ինձ+,Որովհետև քո օրենքը ես չեմ մոռացել+։
154 Պաշտպանի՛ր իմ դատը և ազատի՛ր ինձ+,Պահպանի՛ր իմ կյանքը քո խոսքի համաձայն+։
155 Փրկությունը հեռու է ամբարիշտներից+,Որովհետև նրանք չեն փնտրում քո կանոնները+։
156 Շատ են քո գթությունները, ո՛վ Եհովա+։Պահպանի՛ր իմ կյանքը քո դատավճիռների համաձայն+։
157 Բազմաթիվ են ինձ հալածողներն ու իմ թշնամիները+,Բայց քո հիշեցումներից ես չեմ խոտորվում+։
158 Տեսնում եմ նենգաբար վարվողներին+Եվ զզվանք եմ զգում, որովհետև նրանք չեն պահում քո խոսքը+։
159 Տե՛ս, թե ինչպես եմ սիրում քո պատվերները+։Ո՛վ Եհովա, պահպանի՛ր իմ կյանքը քո սիրառատ բարության համաձայն+։
160 Քո խոսքի էությունը ճշմարտությունն է+,Եվ քո ամեն մի արդար դատավճիռ հավիտենական է+։
ש [Սին] կամ [Շին]
161 Իշխանները առանց պատճառի հետապնդում են ինձ+,Բայց իմ սիրտը միայն քո խոսքերից է դողում+։
162 Ես ցնծում եմ քո խոսքերով+,Ինչպես մեկը, որ մեծ ավար է գտնում+։
163 Ատում եմ ստությունը+ և նողկանք եմ զգում դրա հանդեպ+,Բայց քո օրենքը սիրում եմ+։
164 Օրը յոթ անգամ գովաբանում եմ քեզ+Քո արդար դատավճիռների համար+։
165 Շատ է քո օրենքը սիրողների խաղաղությունը+,Եվ նրանց համար գայթակղության քար չկա+։
166 Քո փրկության վրա եմ հույսս դնում, ո՛վ Եհովա+,Եվ քո պատվիրաններն եմ կատարում+։
167 Իմ հոգին պահում է քո հիշեցումները+,Ես անչափ սիրում եմ դրանք+։
168 Ես պահում եմ քո պատվերներն ու քո հիշեցումները+,Որովհետև իմ բոլոր ճանապարհները քո առջև են+։
ת [Թավ]
169 Թող իմ աղաչանքը քո առջև գա, ո՛վ Եհովա+։
Հասկացողությո՛ւն տուր ինձ քո խոսքի համաձայն+։
170 Թող բարեհաճությունդ ունենալու իմ խնդրանքը քո առջև գա+։
Փրկի՛ր ինձ քո խոսքի համաձայն+։
171 Թող իմ շուրթերից գովաբանություն բխի+,Որովհետև քո կանոններն ես ինձ սովորեցնում+։
172 Թող իմ լեզուն քո խոսքերը երգի+,Որովհետև քո բոլոր պատվիրաններն արդարություն են+։
173 Թող քո ձեռքը ինձ օգնական լինի+,Որովհետև քո պատվերներն եմ ես ընտրել+։
174 Ես փափագում եմ քո փրկությանը, ո՛վ Եհովա+,Եվ ինձ համար թանկ է քո օրենքը+։
175 Թող ապրի իմ հոգին և գովաբանի քեզ+,Եվ թող քո դատավճիռներն օգնեն ինձ+։
176 Թափառում եմ կորած ոչխարի պես+։ Փնտրի՛ր քո ծառային+,Որովհետև քո պատվիրանները ես չեմ մոռացել+։