Սաղմոս 83։1-18
Երգ։ Ասափի+ սաղմոսը։
83 Ո՜վ Աստված, լուռ մի՛ մնա+,Անձայն մի՛ եղիր և մի՛ մնա հանդարտ, ո՜վ Աստված+։
2 Ահա քո թշնամիները իրարանցման մեջ են+,Եվ քեզ ատողները գլուխ են բարձրացնում+։
3 Քո ժողովրդի դեմ նրանք խորամանկորեն հնարներ են խորհում+Եվ դավ են նյութում նրանց դեմ, որոնց դու քո պահպանության տակ ես առել+։
4 Նրանք ասում են. «Եկե՛ք նրանց բնաջինջ անենք, որ դադարեն ազգ լինելուց+,Որ Իսրայելի անունը այլևս չհիշվի»+։
5 Ամբողջ սրտով միաբանված՝ նրանք խորհրդակցում են իրար հետ+,Քո դեմ դաշինք են կնքում+
6 Եդոմացիներն+ ու իսմայելացիները*, Մովաբն+ ու հագարացիները+,
7 Գեբալը, Ամմոնը+ և Ամաղեկը,Փղշտացիները+՝ Տյուրոսի+ բնակիչների հետ միասին։
8 Նրանց է միացել նաև Ասորեստանը+.Նրանք ձեռք մեկնեցին Ղովտի որդիներին*+։ (Սելա)
9 Նրանց հետ վարվիր այնպես, ինչպես վարվեցիր Մադիանի+, Սիսարայի+Եվ Հաբինի+ հետ Կիսոն հեղեղատում+։
10 Նրանք բնաջինջ եղան Ենդորում+,Հողի համար գոմաղբ դարձան+։
11 Իսկ նրանց իշխանավորների հետ վարվիր այնպես, ինչպես վարվեցիր Օրեբի ու Զեբի հետ+,Եվ նրանց բոլոր իշխանների հետ՝ ինչպես Զեբեեի ու Սալմանայի հետ+,
12 Որոնք ասացին. «Եկե՛ք տիրանանք Աստծու բնակարաններին»+։
13 Ո՜վ Աստված իմ, ուղտափուշի նման պտտեցրո՛ւ նրանց հողմամրրիկի մեջ+,Քամու առաջ եղող ծղոտի պե՛ս արա նրանց+։
14 Ինչպես որ կրակն է այրում անտառը+,Եվ ինչպես որ բոցն է խանձում լեռները+,
15 Այդպե՛ս հալածիր նրանց քո մրրիկով+Եվ տագնապեցրո՛ւ նրանց քո փոթորկոտ քամիով+։
16 Ծածկի՛ր նրանց երեսը անպատվությամբ+,Որպեսզի մարդիկ քո անունը փնտրեն, ո՛վ Եհովա+։
17 Թող որ նրանք ամաչեն ու տագնապեն ամեն ժամանակ+,Թող որ նրանք շփոթության մատնվեն ու կործանվեն+,
18 Որպեսզի մարդիկ իմանան+, որ դո՛ւ, ում անունը Եհովա է+,Դու միակ Բարձրյալն ես+ ամբողջ երկրի վրա+։
Ծանոթագրություններ
^ Բռց.՝ «Եդոմի և իսմայելացիների վրանները»։
^ Վերաբ. է մովաբացիներին և ամմոնացիներին, որոնց մասին խոսվում է 6 և 7-րդ համարներում։
