7/3/2019
CORÉE DU SUD
Batatoli ya Yehova nyonso oyo bakɔtaki bolɔkɔ mpo baboyaki mosala ya soda mpo na kotosa lisosoli na bango bazwi sikoyo bonsomi
Na mokolo ya 28/02/2019, Motatoli ya Yehova ya nsuka oyo akɔtaki bolɔkɔ na Corée du Sud mpo na koboya kokɔta na makambo ya mokili, abimaki na bolɔkɔ. Bandeko nyonso oyo babimaki bolɔkɔ bapesi matɔndi mingi mpo na bonsomi oyo bazwi mpe ndenge batikalaki sembo epai ya Yehova Nzambe.
Kobanda ekateli ya ntina mingi oyo tribinale monene ezwaki na mokolo ya 01/11/2018 ya kobimisa bato na bolɔkɔ, bandeko 65 babimaki bolɔkɔ mpe tribinale elobaki ete koboya mosala ya soda mpo na kotosa lisosoli ezali kobuka mibeko te. Ekateli yango esukisi likambo oyo eumelaki mbula 65; likambo ya kokɔtisa na bolɔkɔ baoyo baboyaka mosala ya soda mpo na kotosa lisosoli na bango.
Kondima mpe bosembo ya bandeko na biso ya Corée ezali kolendisa biso ‘tómonisa mpiko mingi lisusu’ na mosala oyo tosalaka mpo na Mokonzi na biso mpe Bokonzi na ye. (Bafilipi 1:14) Tozali kobondela mpo na bandeko na biso oyo bazali naino na bolɔkɔ na Érythrée, Russie, Singapore, mpe Turkménistan.—Baebre 10:34.
Talá mpe...
BANSANGO YA SIKA
Batatoli ya Yehova na Corée du Sud basɛngi Prezida atalela likambo ya baoyo baboyaka mosala ya soda mpo na kotosa lisosoli na bango
Batatoli ya Yehova bazali kozela bakambi ya guvɛrnema bátalela mibeko ya guvɛrnema na bango oyo eumeli bambula mingi, oyo etali kokɔtisa na bolɔkɔ baoyo baboyaka mosala ya soda mpo na kotosa lisosoli na bango.
BANSANGO YA SIKA
Batatoli ya Yehova bakangami mpo na kondima na bango—Ekólo na ekólo
Bikólo oyo batye Batatoli ya Yehova na bolɔkɔ, na bantango mosusu banyokola bango makasi, mpo basalaka makambo na bango ya losambo mpe mpo basalela ntomo oyo moto azalaka na yango.