UHoseya 13:1-16
13 “Lapho u-Efrayimi ekhuluma, abantu babethuthumela;Wayevelele kwa-Israyeli. +
Kodwa waba necala ngokuphathelene noBhali + futhi wafa.
2 Manje bayanezela esonweni saboBenza izithombe zensimbi* ngesiliva labo; +Benza izithixo ngobuchule, wonke umsebenzi wezingcweti.
Bathi kuzo, ‘Abantu abenza imihlatshelo mabaqabule amathole.’ +
3 Ngakho-ke bayoba njengamafu asekuseni,Njengamazolo aphela ekuseni,Njengamakhoba apheshulwa umoya onamandla esibuyeni,Nanjengentuthu ephuma embotsheni yophahla.
4 Kodwa mina nginguJehova uNkulunkulu wakho kusukela ezweni laseGibhithe; +Akukho Nkulunkulu owawumazi ngaphandle kwami,Ngaphandle kwami akukho msindisi. +
5 Ngakwazi ehlane, + ezweni lesomiso.
6 Amadlelo abo ayebanelisa, +Baneliseka futhi inhliziyo yabo yaqhosha.
Ngakho bangikhohlwa. +
7 Ngizoba njengebhubesi eliselincane kubo, +Njengengwe ecuthe endleleni.
8 Ngizobathelekela njengebhere elilahlekelwe amawundlu alo,Ngizodabula isifuba sabo sivuleke.
Ngizobashwabadela lapho njengebhubesi;Isilwane sasendle sizobadwengula babe izicucu.
9 Sizokuqothula Israyeli,Ngoba wangijikela, wamelana nomsizi wakho.
10 Iphi-ke inkosi yakho, ukuze ikusindise kuwo wonke amadolobha akho, +Nababusi* bakho, owathi ngabo kimi,‘Nginike inkosi nezikhulu’? +
11 Ngakunika inkosi ngentukuthelo yami, +Futhi ngizoyisusa ngokufutheka kwami. +
12 Isiphambeko sika-Efrayimi sisongiwe;Isono sakhe sigciniwe.
13 Imihelo yokubeletha izomfikela.
Kodwa uyingane engahlakaniphile;Lapho sekuyisikhathi sokuba izalwe ayifuni ukuphuma.
14 Ngizobakhulula emandleni eThuna;*Ngizobabuyisa ekufeni. +
Luphi udosi lwakho Kufa? +
Iphi imbubhiso yakho Thuna? +
Ngeke ngilubonise uzwela.
15 Ngisho noma angachuma phakathi kwemihlanga,Kuyofika umoya wasempumalanga, umoya kaJehova,Uvela ehlane ukuze womise umthombo wakhe ushise nesiphethu sakhe.
Lowo uyophanga ingcebo eyizo zonke izinto zakhe eziyigugu. +
16 ISamariya liyobekwa icala, + ngoba lidlubulundile kuNkulunkulu walo. +
Liyowa ngenkemba, +Abantwana balo bayophihlizwa babe izicucu,Nabesifazane balo abakhulelwe bayoqhaqhwa bavuleke.”
Imibhalo yaphansi
^ Noma, “ezenziwe ngokuncibilikisiwe.”
^ NgesiHebheru, “Nabahluleli.”
^ Noma, “eShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
