UMBONO WEBHAYIBHELI
Ukuphela Kwezwe
Eyoku-1 Johane 2:17 ithi, “Ngaphezu kwalokho, izwe liyadlula, kanjalo nesifiso salo.” Liyini lelo “zwe”? Lizodlula nini futhi kanjani?
Liyini “izwe” elizodlula?
OKUSHIWO IBHAYIBHELI
Ngenxa yokuthi izwe okukhulunywa ngalo ‘linezifiso’ ezingamukelwa uNkulunkulu, kuyacaca ukuthi aliwona umhlaba esiphila kuwo. Kunalokho, izwe lingabantu abangamlaleli uNkulunkulu, kanjalo bezenza izitha zakhe. (Jakobe 4:4) Abantu abakha lelo zwe “bayothola isijeziso sokwahlulelwa esiwukubhujiswa okuphakade.” (2 Thesalonika 1:
Eyoku-1 Johane 2:17 iphetha ngokuthi: “Lowo owenza intando kaNkulunkulu uhlala kuze kube phakade.” Yebo, lowo unethemba lokuphila phakade khona la emhlabeni njengoba kusho iHubo 37:29: “Abalungile bayokudla ifa lomhlaba, futhi bayohlala kuwo kuze kube phakade.”
“Ningalithandi izwe noma izinto ezisezweni. Uma umuntu ethanda izwe, uthando lukaBaba alukho kuye.”
—1 Johane 2:15.
Liyophela kanjani izwe?
OKUSHIWO IBHAYIBHELI
Ukuphela kuyofika ngezigaba ezimbili ngokuyinhloko. Okokuqala, uNkulunkulu uyobhubhisa inkolo yamanga ehleliwe evezwe njengesifebe esibizwa ‘ngeBhabhiloni Elikhulu.’ (IsAmbulo 17:
Ngemva kwalokho, uNkulunkulu uyophendukela kubo laba baholi bezombusazwe
“Funani uJehova, nonke nina abamnene bomhlaba . . . Funani ukulunga, funani ubumnene. Mhlawumbe ningase nisitshekelwe ngosuku lwentukuthelo kaJehova.”
—Zefaniya 2:3.
Kuyofika nini ukuphela kwezwe?
OKUSHIWO IBHAYIBHELI
Ukuphela kuyofika lapho isintu sesixwayiswe ngokwanele ngesimemezelo esiyokwenziwa emhlabeni wonke soMbuso kaNkulunkulu
Ngaphandle kokubikezela izenzakalo zomhlaba, iBhayibheli liphinde lichaze nohlobo lwabantu “bezinsuku zokugcina.” Lithi: “Kuyofika izikhathi ezibucayi okunzima ukubhekana nazo. Ngoba abantu bayokuba abazithandayo, abathanda imali, . . . abangalaleli abazali, . . . abangenakho ukuzithiba, abanolaka, abangenalo uthando lokuhle, . . . abathandi benjabulo kunokuba abathandi bakaNkulunkulu.” *
Zonke lezo zenzakalo ziwuphawu lwenkathi eyaqala ngawo-1914 ngesikhathi seMpi Yezwe I. Ngaphezu kwalokho, kusukela ngalowo nyaka, uMbuso kaNkulunkulu uye wamenyezelwa kuwo wonke amagumbi omhlaba, futhi oFakazi BakaJehova bakubheka njengelungelo ukuhlotshaniswa eduze nalo msebenzi. Eqinisweni, umagazini wabo oyinhloko ubizwa ngokuthi INqabayokulinda Ememezela UMbuso KaJehova.
“Ngakho-ke, hlalani nilindile, ngoba anilwazi usuku noma ihora.”
—Mathewu 25:13.
^ isig. 14 Ukuze uthole ukwaziswa okwengeziwe bheka isahluko 9 sencwadi ethi Lifundisani Ngempela IBhayibheli? enyatheliswa oFakazi BakaJehova. Iyatholakala nasengosini ethi www.mt711.com/zu.