Fakkeenya 8:1-36
8 Ogummaan waamaa jirti mitii?
Hubannaan sagalee ishii ol kaastee dhageessisaa jirti mitii?+
2 Iddoo ol kaʼaa+ daandii qarqaratti argamu,Daandii qaxxaamuraa irra ni dhaabbatti.
3 Karrawwan gara magaalaatti geessan cinaatti,Balbala karrawwanii biratti,Yeroo hunda akkana jettee sagalee ishii ol kaastee iyyiti:+
4 “Yaa namootaa, isin nan waama;Sagalee koo ol kaasee nama hunda* nan waama.
5 Isin warri muuxannoo hin qabne, abshaalummaa baradhaa;+Isin gowwoonni, garaa hubatu qabaadhaa.
6 Wantin dubbadhu barbaachisaa waan taʼeef dhaggeeffadhaa;Arrabni koo wanta sirrii dubbata;
7 Afaan koo suuta jedhee dhugaa dubbata,Arrabni koos wanta hamaa ni jibba.
8 Dubbiin afaan koo keessaa baʼu hundi qajeelaa dha.
Tokkoon isaa illee micciiramaa yookiin jalʼaa miti.
9 Hundi isaa iyyuu warra hubannaa qabaniif qajeelaa dha,Warra beekumsa argataniifis sirrii dha.
10 Meetii mannaa adaba koo,Warqii baʼeessa mannaas beekumsa filadhaa,+
11 Sababiin isaas, ogummaan elellaa* irra wayya,Wantoonni gatii guddaa qaban kaan hundis ishii wajjin wal hin gitan.
12 Ani ogummaan, abshaalummaa wajjin nan jiraadha;Beekumsaa fi dandeettii yaaduus argadheera.+
13 Yihowaa sodaachuun, wanta hamaa jibbuu dha.+
Of tuulummaa, boonuu,+ daandii hamaa fi dubbii jalʼaa nan jibba.+
14 Ani gorsa gaarii fi ogummaa qaba;+Hubannaanii+ fi humnis+ kan koo ti.
15 Mootonni anaan bulchu,Abbootiin taayitaa ol aanoonis anaan qajeelummaa labsu.+
16 Bulchitoonni anaan bulchu,Guguddoonnis anaan murtii haqaa kennu.
17 Warra na jaallatan nan jaalladha,Warri na barbaaddatanis na argatu.+
18 Soorumnii fi ulfinni,Qabeenyi bara dheeraa* fi qajeelummaan na bira jiru.
19 Firiin koo warqii irra, warqii qulqulleeffame irra illee ni caala,Wanti na irraa argamus meetii hundumaa caalaa baʼeessa taʼe irra wayya.+
20 Ani daandii qajeelummaa irraDaandiiwwan haqaa gidduu nan deema;
21 Warra na jaallataniif dhaala hedduu nan kenna,Gootaraawwan isaaniis nan guuta.
22 Yihowaan jalqaba daandii isaa,+Hojiiwwan isaa warra bara durii keessaas isa jalqabaa godhee na uume.+
23 Ani bara duriitii,* jalqaba irraa kaasee,+Lafti uumamuu ishii bara dheeraa dura+ nan muudame.
24 Yeroo bishaanonni gad fagoon hin turretti,+Burqaawwanis bishaan burqisiisuu isaanii duran dhaladhe.*
25 Gaaronni hundeeffamuu isaanii dura,Tabbawwan duran dhaladhe,
26 Inni lafaa fi dirreewwan ishiiYookiin bungulloo* biyyoo lafaa isa jalqabaa tolchuu isaa duran dhaladhe.
27 Yeroo inni samii qopheessetti+ ani achin ture;Yeroo inni bishaanotaa fi samii gidduu daangaa* kaaʼetti,+
28 Yeroo duumessoota ol gubbaa jiran hundeessetti,*Yeroo bishaanonni gad fagoon akka guutan godhetti,
29 Bishaanonni galaanaa ajaja isaa irra akka hin darbineef+Yeroo galaanichaaf labsii baasetti,Yeroo buʼuura lafaa kaaʼetti,*
30 Yeroo sanatti, ani hojjetaa dandeettii qabu taʼee isa maddiin ture.+
Inni guyyaa guyyaadhaan haala adda taʼeen natti gammada ture;+Anis yeroo hunda isa duratti nan gammadan ture;+
31 Lafa isaa ishii jireenyaaf mijooftuu taatetti nan gammadan ture,Keessumaa immoo ilmaan namootaa nan jaalladhan ture.
32 Ammas yaa ilmaan koo, na dhagaʼaa;Eeyyee, warri daandiiwwan koo eegan gammadoo dha.
33 Gorsa dhagaʼi,+ ogeessas taʼi,Matumaas isa hin tuffatin.
34 Namni guyyaa guyyaatti ganamaan gara balbala koo dhufee,*Maqaanii koo biratti na eeguudhaanNa dhagaʼu gammadaa dha;
35 Namni na argatu, jireenya argata,+Yihowaa birattis fudhatama argata.
36 Namni na tuffatu garuu of* miidha,Warri na jibbanis duʼa jaallatu.”+
Miiljaleewwan
^ Kal., “ilmaan namootaa.”
^ Ibsa Jechootaa ilaali.
^ Ykn., “dhaalaan argamuu.”
^ Ykn., “bara hin yaadatamne irraa.”
^ Ykn., “ciniinsuudhaan dhaladhe.”
^ Biyyoo walitti qabatee goge.
^ Kal., “geengoo.”
^ Kal., “cimaa godhetti.”
^ Ykn., “labsetti.”
^ Ykn., “balbala koo duratti dammaqee.”
^ Ykn., “lubbuu isaa.”